విడాకుల ప్రచారాన్ని తీవ్రంగా ఖండించిన శ్రీకాంత్
on Nov 22, 2022
ఊహ, తను విడాకులు తీసుకుంటున్నట్లుగా వస్తున్న ప్రచారంపై నటుడు శ్రీకాంత్ తీవ్రంగా స్పందించారు. ఇది పూర్తిగా నిరాధారమైన వదంతిగా ఆయన కొట్టేశారు. "ఎవరు పుట్టిస్తున్నారు ఇలాంటి నిరాధారమైన పనికిమాలిన వార్తలను!? గతంలో నేను చనిపోయినట్లుగా ఒక రూమర్ పుట్టించి నా కుటుంబ సభ్యులను తీవ్ర ఆందోళనకు గురి చేశారు. ఇప్పుడు తాజాగా మేము ఆర్థిక ఇబ్బందుల కారణంగా విడాకులు తీసుకుంటున్నాం అంటూ ఒక న్యూసెన్స్ క్రియేట్ చేశారు." అని ఆయన మండిపడ్డారు.
కొన్ని వెబ్సైట్స్లో వచ్చిన ఈ న్యూస్ను తన ఫ్రెండ్స్ ఊహకు ఫార్వర్డ్ చేయడంతో తను కంగారుపడుతూ ఆ పోస్టులను తనకు చూపించిందని శ్రీకాంత్ అన్నారు. తాజాగా ఆయన ఈ మేరకు ప్రెస్ నోట్ను రిలీజ్ చేశారు. "ఇలాంటివి ఏమాత్రం నమ్మవద్దు, ఆందోళన పడవద్దు అని తనను ఓదార్చాను. అయితే ఏవో కొన్ని చిల్లర వెబ్సైట్స్, యూ ట్యూబ్ చానల్స్ వాళ్ళు చేసిన ఈ పని సోషల్ మీడియాలో విపరీతంగా స్ప్రెడ్ అవ్వడంతో బంధుమిత్రులందరూ ఫోన్ చేసి అడుగుతుంటే వివరణ ఇచ్చుకోవడం పెద్ద న్యూసెన్స్ గా అనిపిస్తోంది. నేనూ, ఊహ నిన్న చెన్నై వచ్చి ఇక్కడి నుండి దైవ దర్శనానికి అరుణాచలం వెళ్తున్నాం. ఇలాంటి తరుణంలో ఈ వదంతి మా కుటుంబానికి చాలా చిరాకు తెప్పిస్తుంది. ఇది ఇంకా ఇంకా స్ప్రెడ్ అవ్వకుండా ఉండటం కోసం ఈ ప్రెస్ నోట్ రిలీజ్ చేస్తున్నాను. అని ఆయన చెప్పారు.
"నా మీదనే కాకుండా చాలామంది ప్రముఖుల మీద ఇలాంటి నిరాధారమైన పుకార్లు స్ప్రెడ్ చేస్తున్న వెబ్సైట్స్, యూట్యూబ్ ఛానల్స్ మీద సైబర్ క్రైమ్ డిపార్ట్మెంట్ కఠిన చర్యలు తీసుకోవాలని కోరుకుంటున్నాను" అంటూ హీరో శ్రీకాంత్ ఆ వదంతులను తీవ్ర స్థాయిలో ఖండించారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
