బుల్లితెర ప్రేక్ష‌కుల్ని విశేషంగా ఆక‌ట్టుకుంటున్న సీరియ‌ల్‌ `కార్తీక దీపం`. అశేష మ‌హిళాలోకాన్ని ఆక‌ట్టుకుంటూ నంబ‌ర్ వ‌న్ సీరియ‌ల్‌గా రికార్డు స్థాయి టీఆర్పీ రేటింగ్‌తో దూసుకుపోతోంది. ఈ సీరియ‌ల్ తో డాక్ట‌ర్ బాబుగా పాపుల‌ర్ అయ్యారు ప‌రిటాల నిరుప‌మ్‌. ర‌చ‌యిత ప‌రిటాల ఓంకార్ త‌న‌యుడిగా టీవీ ఇండ‌స్ట్రీలోకి అడుగుపెట్టిన నిరుప‌మ్‌ ల‌వ్ మ్యారేజ్‌. టీవీ న‌టి మంజుల‌ని నిరుప‌మ్ ప్రేమించి పెళ్లి చేసుకున్న విష‌యం తెలిసిందే.

తాజాగా త‌మ ప్రేమ క‌థ‌ని, ఆ క‌థ వెన‌కున్న ఆస‌క్తిక‌ర‌మైన విష‌యాల్ని మంజుల త‌న యూట్యూబ్ ఛాన‌ల్‌లో వివ‌రించే ప్ర‌య‌త్నం చేసింది. నిరుప‌మ్‌, మంజుల‌ల ప్రేమ ప్ర‌యాణం `చంద్ర‌ముఖి` సీరియ‌ల్‌తో మొద‌లైంది. త‌న‌కు నిరుప‌మ్ ప్ర‌పోజ్ చేసిన రోజంటూ ఓ వీడియోని ` మా ల‌వ్‌స్టోరీ` పేరుతో విడుద‌ల చేసింది మంజుల. ఈ వీడియోలో మంజుల‌, నిరుప‌మ్ త‌మ ప్రేమ ఎప్పుడు ఎలా ఎక్క‌డ మొద‌లైందో చెప్పుకొచ్చారు. ఏడాది ప‌రిచ‌యం త‌రువాతే ఇద్ద‌రం ఫోన్ నంబ‌ర్‌లు తీసుకున్నామ‌ని ఇద్ద‌రు చెప్పొకొచ్చారు. ఈ సంద‌ర్భంగా నిరుప‌మ్ త‌న‌దైన స్టైల్లో మంజుల‌తో కామెడీ చేయ‌డం న‌వ్వులు పూయిస్తోంది.

మంజుల‌తో క‌లిసి `చంద్ర‌ముఖి` సీరియ‌ల్ లో న‌టించాడు నిరుప‌మ్‌. అయితే అదే వీరికి తొలి సీరియ‌ల్ కావ‌డం, మంజుల‌కు తెలుగు రాక‌పోవ‌డంతో దాన్ని అడ్వాంటేజీగా తీసుకున్న నిరుప‌మ్ డైలాగ్‌లు వివ‌రించ‌డం.. సీన్‌ల విష‌యంలో ఎలా న‌టించాలో వంటివి చెప్పేవాడ‌ట‌. అలా ఇద్ద‌రి మ‌ధ్య ఏడాది పాటు కొన‌సాగిన ప‌రిచ‌యం ఆ త‌రువాత ప్రేమ‌గా మారింద‌ని, అదే పెళ్లికి దారితీసింద‌ని మంజుల చెప్పింది. ఇక ఇద్ద‌రి వ్య‌వ‌హారం ఇంట్లో తెలియ‌డంతో నిరుప‌మ్ ఇంట్లో వాళ్లు జాత‌కాలు క‌లిస్తేనే పెళ్లి అని చెప్పేశార‌ట‌. జాత‌కాలు క‌లిశాయి కాబ‌ట్టే ల‌క్కీగా మా పెళ్లి జ‌రిగింద‌ని నిరుప‌మ్ వివ‌రించాడు. ప్ర‌స్తుతం నిరుప‌మ్‌, మంజుల‌కు సంబంధించిన‌ప వీడియో నెట్టింట సంద‌డి చేస్తోంది.