హరితేజ ఇండస్ట్రీలో హీరోయిన్ ల పక్కన సైడ్ క్యారెక్టర్ చేస్తూ మంచి గుర్తింపు తెచ్చుకున్న నటి. బుల్లితెరతో పాటు సిల్వర్ స్క్రీన్ పై కూడా తన నటనతో ప్రేక్షకులను సంపాదించుకుంది. బిగ్ బాస్ సీజన్ వన్ లో ఎంట్రీ ఇచ్చిన ఈ బ్యూటీ.. అప్పుడు మంచి పెర్ఫార్మన్స్ ఇచ్చింది. మళ్ళీ ఇప్పుడు సీజన్-8 లో వైల్డ్ కార్డ్ ద్వారా ఎంట్రీ ఇచ్చిన విషయం తెలిసిందే.

హరితేజకి ఒక చిన్న పాప కూడా ఉంది. తన పేరు భూమి. హరితేజ బయట ఉన్నప్పుడు ఎప్పుడు వేకెషన్ అంటు హాట్ ఫొటోస్ ని షేర్ చేసేది. హరితేజ హౌస్ లోకి ఎంట్రీ ఇచ్చే ముందు నేను అలా ఆడతాను.. ఇలా ఆడుతానంటూ నాగార్జునకి చెప్పింది. ఇక హరితేజకి సర్ ప్రైజ్ గా తన కూతురు భూమిని స్టేజి మీదకి పిలిచాడు నాగ్. తనని చూసి హరితేజ ఎమోషనల్ అయింది. ఇప్పటి వరకు ఏదో చేస్తానన్నాను.. తనని చూడగానే అంత తుస్ అయిందని తనని వదిలేసి వెళ్లలేక బాధపడుతుంది. హౌస్ లోకి వెళ్ళాక కూడ చాలాసార్లు తన కూతురిని గుర్తుచేసుకొని ఎమోషనల్ అయ్యింది. హరితేజ తన కూతురిని చాలా మిస్ అవుతుందని హౌస్ మేట్స్ అందరు ఫ్యామిలీ వీడియో క్లిప్ ఎపిసోడ్ లో తనకి అవకాశం ఇచ్చారు. తనకి ఛాన్స్ ఇవ్వడంతో భూమి ని చూపించారు. తనని చూసిన హరితేజ ఎమోషనల్ అయ్యింది.

అయితే తాజాగా భూమి తన తల్లిని టీవీలో చూసి అమ్మ.. అమ్మ అంటూ టీవీ దగ్గరికి వెళ్లి పిలుస్తున్న వీడియోని హరితేజ ఇన్ స్టాగ్రామ్ పేజీలో షేర్ చేశారు. అది ఇప్పుడు వైరల్ గా మారింది. ఆ వీడియో చూసిన నేటిజన్లు ఎమోషనల్ గా కామెంట్లు చేస్తున్నారు. అయితే ఈ వారం నామినేషన్ లో ఉన్న హరితేజ డేంజర్ జోన్ లో ఉంది.