బిగఃబాస్ సీజ‌న్ 5 టైటిల్ ఫేవ‌రేట్‌గా హౌస్‌లోకి ఎంట్రీ ఇచ్చిన యాంక‌ర్ ర‌వి అనూహ్యంగా 12వ వారంలోనే ఇంటి నుంచి బ‌య‌టికి రావ‌డం ప‌లువురిని షాక్‌కు గురిచేసింది. అత‌ని ఎలిమినేష‌న్ అన్ ఫేర్ అని.. అత‌న్ని కావాల‌నే ఎలిమినేట్ చేశార‌ని ర‌వి ష్యాన్స్ ఆందోళ‌న‌కు దిగిన విష‌యం తెలిసిందే. అంతే కాకుండా సోష‌ల్ మీడియా వేదిక‌గా బిగ్‌బాస్ నిర్వ‌హ‌కుల‌పై సంచ‌ల‌న ఆరోప‌ణ‌లు చేయ‌డం చ‌ర్చ‌నీయాంశంగా మారింది. ఇదిలా వుంటే హౌస్ నుంచి అర్థాంత‌రంగా బ‌య‌టికి వ‌చ్చిన యాంక‌ర్ ర‌వి బిగ్‌బాస్‌పై సంచ‌ల‌న ఆరోప‌ణ‌లు చేయ‌డం ప్రాధాన్య‌త‌ను సంత‌రించుకుంది.

టాప్ 5లో వుండాల్సిన ర‌వి ఇలా అక‌స్మాత్తుగా ఎలిమినేట్ కావడం ఏంటి అని అంతా అవాక్క‌య్యారు కూడా. యాంక‌ర్ ర‌వి కూడా ఊహించ‌ని ప‌రిణామానికి ఒక్క‌సారిగా షాక్‌కు గుర‌య్యాడ‌ట‌. హౌస్ నుంచి బ‌య‌టికి వ‌చ్చాక తొలిసారి ఇన్‌స్టా వేదిక‌గా త‌న అభిమానుల‌తో ముచ్చ‌టించాడు ర‌వి. ఈ సంద‌ర్భంగా ప‌లు ఆస‌క్తిక‌ర విష‌యాల్ని వెల్ల‌డించి బిగ్‌బాస్ నిర్వాహ‌కుల‌కు షాకిచ్చాడు. త‌న ఎలిమినేష‌న్‌పై అనుమానాలున్నాయ‌న్నాడు. అంతే కాకుండా బిగ్‌బాస్ హౌస్‌లో జ‌రిగేది ఒక‌టి కానీ చూపించేది మ‌రోట‌ని విమ‌ర్శ‌లు గుప్పించాడు.

తానొక‌టి చేస్తే బ‌య‌టికి మ‌రోలా ప్రొజెక్ట్ చేశారన్నాడు. హౌస్‌లోకి వెళ్లేముందు మీమ్స్‌, ట్రోల్స్ గురించి త‌న‌ని వాడుకోమ‌ని చెప్పాన‌ని, అయితే హ‌ద్దులుదాటి నాభార్య‌ని కూడా ఇందులోకి లాగార‌న్నారు. చివరికి నా పాప మీద కూడా ఓ బ్యాచ్ మీమ్స్‌, ట్రోల్స్ వేసింది. వాళ్ల‌ని ఏమ‌నాలి? .. వాళ్ల‌కు ఓ రెండువేల రూపాయ‌లు ఇస్తే వాళ్ల ఇంట్లో వాళ్ల‌ని కూడా ట్రోల్ చేస్తార‌ని యాంక‌ర్ ర‌వి మండ‌ప‌డ‌టం గ‌మ‌నార్హం.