'బిగ్ బాస్ 5 తెలుగు' చివరి దశకు చేరుకుంది. టైటిల్ రేసులో సన్నీ, షణ్ముఖ్‌, శ్రీరామ్ చంద్ర, సిరి, మానస్ ఉన్నారు. అయితే సన్నీ, షణ్ముఖ్‌, శ్రీరామ్ చంద్ర ఈ ముగ్గురిలో ఎవరో ఒకరు బిగ్ బాస్ 5 టైటిల్ గెలిచే అవకాశముందన్న అభిప్రాయం వ్యక్తమవుతోంది. అయితే తాజాగా టాప్ 5 లో ఉన్న సిరిని ఎలిమినేట్ చేసి ఊహించని ట్విస్ట్ ఇచ్చాడు బిగ్ బాస్.

Also Read:నా దునియాల నేను హీరోనే: స‌న్నీ

బిగ్ బాస్ 5 శుక్రవారం(ఈరోజు) ఎపిసోడ్ కి సంబంధించిన ప్రోమో తాజాగా విడుదలైంది. ఈ ప్రోమోలో సిరిని ఎలిమినేట్ చేసినట్లు చూపించారు. ప్రోమోలో మొదట బిగ్ బాస్ ఐదుగురు ఇంటి సభ్యులని తమ లగేజ్ తీసుకొని గార్డెన్ ఏరియాకి రమ్మన్నాడు. ఆ తర్వాత, 'ఈ ఇంట్లో మీలోని ఒకరి ప్రయాణం ఈ క్షణమే ముగుస్తుంది.. మీ అభిప్రాయం ప్రకారం ఎలిమినేట్ అయ్యే సభ్యులు ఎవరో చెప్పండి' అని బిగ్ బాస్ అడగగా.. మానస్, సన్నీ లు షణ్ముఖ్ పేరు చెప్పారు. అలాగే షణ్ముఖ్ సన్నీ పేరు చెప్పగా.. శ్రీరామ్ సిరి పేరు చెప్పాడు. అనంతరం 'ఇంటి నుండి బయటకు వెళ్తున్న సభ్యులు సిరి' అని బిగ్ బాస్ చెప్పగా.. మొదట 'నేను వెళ్ళను.. బిగ్ బాస్ మీరు జోక్ చెయ్యట్లేదు కదా' అని అడిగిన సిరి.. ఆ తర్వాత ఇంటి నుండి వెళ్ళిపోతూ ఏడ్చేసింది. సిరి వెళ్లిపోవడంతో షణ్ముఖ్ ఏడుస్తూ కనిపించాడు.

Also Read:నిన్న‌టి వ‌ర‌కు సిరి ఫ్రెండ్.. కానీ ఇప్ప‌డు పెళ్లాం?

విన్నర్ ఎవరో తెలియడానికి కేవలం 48 గంటల ముందు బిగ్ బాస్ నిజంగా సిరిని ఎలిమినేట్ చేస్తాడా అన్న అనుమానాలు వ్యక్తమవుతున్నాయి. సిరిని సీక్రెట్ రూమ్ లో ఉంచి.. ఎపిసోడ్ చివరిలో బిగ్ బాస్ ఏమైనా ట్విస్ట్ ఇస్తాడేమో చూడాలి.