‘జవాన్’ స‌క్సెస్‌పై అట్లీ కాన్ఫిడెన్స్‌
బాలీవుడ్ బాద్షా షారూఖ్ ఖాన్ టైటిల్ పాత్రలో నటించిన చిత్రం ‘జవాన్’. కోలీవుడ్ యంగ్ డైరెక్ట‌ర్ అట్లీ సినిమాను తెర‌కెక్కించారు. సెప్టెంబర్ 7న తెలుగు, తమిళ, హిందీ భాషల్లో మూవీ రిలీజ్ కానుంది. ఈ మూవీతో షారూఖ్ సౌత్ మార్కెట్‌పై గ్రిప్ పెంచుకోవాల‌నుకుంటున్నారు. అందుక‌నే డైరెక్ట‌ర్‌తో పాటు ప్ర‌ధాన తారాగ‌ణం, సాంకేతిక నిపుణులంద‌రినీ ఇక్క‌డి వారినే తీసుకున్నారు. ఈ సినిమా స‌క్సెస్ కావాల‌ని ఎంటైర్ కోలీవుడ్ ఇండ‌స్ట్రీ కోరుకుంటోంది. అందుకు కార‌ణం.. ఒక‌ప్పుడు బాలీవుడ్ త‌ర్వాత కోలీవుడ్ సినిమానే అన్నట్లు ఉండేది. కానీ, ఇప్పుడు టాలీవుడ్ బాలీవుడ్‌నే డామినేట్ చేసి పారేస్తుంది. దీంతో కోలీవుడ్ మేక‌ర్స్ పోటీ ప‌డీ మ‌రీ సినిమాలు తీస్తున్నారు. కోలీవుడ్ నుంచి విక్ర‌మ్‌, జైల‌ర్ సినిమాలు బాక్సాఫీస్‌ను షేక్ చేశాయి.