English | Telugu
Mass Jathara : ‘మాస్ జాతర’కు మొదట అనుకున్న హీరో రవితేజ కాదు.. ఆ హీరో ఎవరో తెలుసా?
Updated : Nov 1, 2025
- ‘మాస్ జాతర’కు మొదట అనుకున్న హీరో
- ‘మాస్ జాతర’ గురించి ప్రేక్షకులు ఏమంటున్నారంటే..?
- రవితేజ ఎనర్జీ ప్లస్ అయిందట
సినిమా ఇండస్ట్రీలో కొన్ని కాంబినేషన్స్ విచిత్రంగా సెట్ అవుతూ ఉంటాయి. ఒక హీరోతో అనుకున్న సినిమా కొన్ని కారణాల వల్ల మరో హీరో చేస్తారు. అందులో కొన్ని సూపర్హిట్ అవుతాయి, మరికొన్ని ఫ్లాప్ అవుతుంటాయి. ఏ హీరో ఏ క్యారెక్టర్ చెయ్యాలి అనేది ముందే డిజైన్ చేసి ఉంటుందనే నమ్మకం ఇండస్ట్రీలో బాగా ఉంది. ఒక హీరోతో అనుకున్న సినిమాను మరో హీరో చేసిన సందర్భాలు అనేకం వున్నాయి.
తాజాగా రవితేజ(Raviteja) హీరోగా భాను భోగవరపు దర్శకత్వంలో రూపొందిన ‘మాస్ జాతర’(Mass Jathara) అక్టోబర్ 31న థియేటర్లలోకి వచ్చింది. ఈ సినిమాకి డివైడ్ టాక్ ఉన్నప్పటికీ రవితేజ చాలా ఎనర్జిటిక్గా కనిపించాడని, విలన్గా నటించిన నవీన్ చంద్ర పెర్ఫార్మెన్స్ బాగుందనే టాక్ వినిపిస్తోంది. రవితేజ, శ్రీలీల(Sreeleela) పాటల్లో వేసిన స్టెప్స్ ప్రేక్షకుల్ని బాగా ఆకట్టుకుంటున్నాయని తెలుస్తోంది.
గతంలో రవితేజ పవర్ఫుల్ పోలీస్ ఆఫీసర్గా కొన్ని సినిమాల్లో నటించారు. మరోసారి ‘మాస్ జాతర’తో అలాంటి క్యారెక్టర్లో కనిపించారు. యాక్షన్ ఎంటర్టైనర్గా రూపొందిన ఈ సినిమా కథలో కొత్తదనం లేకపోయినా రవితేజ ఎనర్జీ, శ్రీలీల గ్లామర్, యాక్షన్ సీక్వెన్సులను ప్రేక్షకులు ఎంజాయ్ చేస్తున్నారు.
ఈ సినిమాను మొదట రవితేజతో చెయ్యాలని దర్శకుడు అనుకోలేదట. అంతకుముందు కొన్ని సినిమాల్లో పోలీస్ ఆఫీసర్ క్యారెక్టర్లో నటించిన గోపీచంద్(Gopichand)కి ఈ కథను చెప్పారు డైరెక్టర్ భాను. అప్పటికి గోపీచంద్ కొన్ని సినిమాలతో బిజీగా ఉన్న కారణంగా ఈ సినిమా చెయ్యలేకపోయారు. దాంతో ఈ కథ రవితేజ దగ్గరికి వచ్చింది. కథ విన్న రవితేజ తనకు యాప్ట్ అయ్యే సబ్జెక్ట్ అనుకున్నారు. తన నుంచి ప్రేక్షకులు కోరుకుంటున్న అంశాలన్నీ ఈ కథలో ఉన్నాయని రవితేజ ఫీల్ అయ్యారు. అందుకే వెంటనే గ్రీన్ సిగ్నల్ ఇవ్వడంతో సినిమా సెట్స్పైకి వెళ్లింది.