విశ్వకథానాయకుడు 'కమల్ హాసన్'(Kamal Haasan)ఇండియన్ చిత్ర పరిశమ్ర గర్వించదగ్గ లెజండ్రీ డైరెక్టర్ 'మణిరత్నం'(Manirathnam)కాంబోలో జూన్ 5 న ప్రేక్షకుల ముందుకు వచ్చిన మూవీ 'థగ్ లైఫ్'(Thug Life). గ్యాంగ్ స్టార్ డ్రామాగా తెరకెక్కిన ఈ పాన్ ఇండియా మూవీలో శింబు(Simbu),త్రిష(Trisha)అభిరామి, నాజర్, తనికెళ్ళ భరణి, అశోక్ సెల్వన్, జోజు జార్జ్ కీలక పాత్రలు పోషించారు. ఆస్కార్ విన్నర్ 'ఏఆర్ రెహ్మాన్'(Ar Rehman)సంగీతాన్ని అందించడం జరిగింది.

థగ్ లైఫ్ రిలీజ్ కి ముందు జరిగిన ప్రమోషన్స్ లో కమల్ హాసన్ మాట్లాడుతు ఎనిమిది వారాల తర్వాత మాత్రమే థగ్ లైఫ్ 'ఓటిటి' లోకి వస్తుందని చెప్పాడు. కానీ ఎటువంటి ప్రకటన లేకుండా థగ్ లైఫ్ ఓటిటిలో స్ట్రీమింగ్ కి వచ్చేసింది. నెట్ ఫ్లిక్స్(Netflix)వేదికగా స్ట్రీమింగ్ అవుతున్న 'థగ్ లైఫ్' తెలుగు,తమిళంతో పాటు మలయాళం,కన్నడ, హిందీ భాషల్లో అందుబాటులో ఉంది. దీంతో ఓటిటి సినీ ప్రియులకి సరికొత్త సినీ వినోదం 'థగ్ లైఫ్ ద్వారా దొరికినట్లే. రంగరాయ శక్తివేల్ గా కమల్, అమర్ క్యారక్టర్ లో శింబు తమ క్యారెక్టర్స్ లో జీవించారు. మిగతా పాత్రల్లో చేసిన త్రిష, అభిరామి, నాజర్ తో సహా అందరు ఆయా క్యారెక్టర్స్ లో అద్భుతంగా నటించి మూవీకి నిండు తనాన్ని తెచ్చారు. మణిరత్నం కూడా తన టేకింగ్ తో మెప్పిస్తాడు. కానీ కథ, కథనాల్లోని లోపాలవల్ల సిల్వర్ స్క్రీన్ పై మెప్పించలేకపోవడంతో, పాన్ ఇండియా వ్యాప్తంగా డిజాస్టర్ టాక్ తెచ్చుకుంది. మరి ఓటిటిలో ఏ మేర ఆదరణని పొందుతుందో చూడాలి.

ముఖ్యంగా థగ్ లైఫ్ రిలీజ్ కి ముందు చెన్నై(Chennai)వేదికగా జరిగిన ఆడియో ఫంక్షన్లో కమల్ మాట్లాడుతు కన్నడ భాష తమిళం నుంచి పుట్టిందనే వ్యాఖ్యలు చేసాడు. దీంతో కన్నడ భాషా సంఘాలు తీవ్ర అభ్యంతరం వ్యక్తం చెయ్యడంతో పాటు కన్నడ నాట థగ్ లైఫ్ ని బ్యాన్ చెయ్యడంతో రిలీజ్ ఆగిపోయింది. ఈ విషయంలో కమల్ బెంగుళూరు(Bengaluru)హైకోర్ట్ లో పిటిషన్ వేసినా రిలీజ్ కి పర్మిషన్ ఇవ్వలేదు. దాంతో సుప్రీం కోర్టుకి వెళ్లడంతో రెండు వారాల తర్వాత రిలీజ్ కి పర్మిషన్ ఇచ్చింది. అప్పటికే 'థగ్ లైఫ్' రిజల్ట్ తెలిసిపోవడంతో కన్నడ ప్రజలు మూవీని పట్టించుకోలేదు. ఈ నేపథ్యంలో కన్నడ నాట థగ్ లైఫ్ కి ఓటిటిలో ఏ మేర ఆదరణ లభిస్తుందనే ఆసక్తి ఏర్పడింది.