English | Telugu
సర్ ప్రైజ్.. ఏజెంట్ సీక్వెల్ లోడింగ్..!
Updated : Jul 2, 2025
హిట్ సినిమాకి సీక్వెల్ చేయడం కామన్ అయిపోయింది. సీక్వెల్స్ చేసి హిట్స్ అందుకున్న వాళ్ళు ఉన్నారు. అలాగే ఫ్లాప్స్ ని చూసిన వాళ్ళు కూడా ఉన్నారు. ఇప్పుడు మరో హిట్ సినిమాకి సీక్వెల్ చేయడానికి సన్నాహాలు జరుగుతున్నట్లు తెలుస్తోంది. ఆ సినిమా ఏదో కాదు.. ఏజెంట్ సాయి శ్రీనివాస ఆత్రేయ.
నవీన్ పొలిశెట్టి హీరోగా నటించిన మొదటి చిత్రం 'ఏజెంట్ సాయి శ్రీనివాస ఆత్రేయ'. స్వరూప్ దర్శకత్వం వహించిన ఈ కామెడీ ఇన్వెస్టిగేటివ్ థ్రిల్లర్.. 2019 జూన్ లో విడుదలై మంచి విజయం సాధించింది. నవీన్ నటన, కథాకథనాలు ఆకట్టుకున్నాయి. ఇప్పుడు హిట్ మూవీ ఏజెంట్ కి సీక్వెల్ రూపొందించే సన్నాహాలు జరుగుతున్నట్లు సమాచారం. ప్రస్తుతం స్క్రిప్ట్ వర్క్ జరుగుతుందని వినికిడి. త్వరలోనే అధికారిక ప్రకటన వచ్చే అవకాశముంది అంటున్నారు.
ఏజెంట్ తర్వాత 'జాతిరత్నాలు', 'మిస్ శెట్టి మిస్టర్ పోలిశెట్టి' సినిమాలతో వరుస విజయాలను అందుకొని యువతకు చేరువయ్యాడు నవీన్. ప్రస్తుతం 'అనగనగా ఒక రాజు' అనే సినిమా చేస్తున్నాడు. ఇప్పుడు ఏజెంట్ సీక్వెల్ కన్ఫర్మ్ అయితే.. అనౌన్స్ మెంట్ తోనే మంచి అంచనాలు ఏర్పడతాయి అనడంలో సందేహం లేదు.