TeluguOne Services
Copyright © 2000 - , TeluguOne Sahityam - All rights reserved.
సమాంతరరేఖలు - శారదా అశోకవర్ధన్
సమాంతరరేఖలు
- శారదా అశోకవర్ధన్
వయసుకి మనసులేదు
వద్దన్నా వస్తుంది
ఆగమన్నా ఆగదు కొంచెం
కనికరం అది ఎరుగదు
మనసుకు వయసులేదు
కమ్మని కలలు కంటూనే వుంటుంది
నడుం వంగినా బలం తగ్గినా
ఊహల పల్లకీలో
ఊరేగుతూనే వుంటుంది
గతాల జ్ఞాపకాల హరివిల్లులో
తన పొదరిల్లు కట్టుకుని
గంతులు వేస్తుంది
ఆనంద సాగర తీరాలలో ఈదుకుంటూ
అనుభూతలు ఏరుకుంటుంది
వయసుకి మనసులేదు
వద్దన్నా వస్తుంది -
మనసు నింపుకుంటుంది
నిత్యనూతన జ్యోతులు
వయసు రాల్చుకుంటుంది
గతకాలపు కాంతులు
ఇవి కలవని సమాంతర రేఖలు
క్రొత్త పాత కోరికల్ని కలబోసి మస్తిష్కపు బస్తాల్లో ఉబ్బేట్టుగా నింపి చిరుకోర్కెనైనా విడువనిష్టపడక బలమైన ఆశలబంధంతో కుట్లువేసి కాలం రథమ్మీద ప్రయాణిస్తూ శోభకృత్ పొలిమేర దాటుకుంటూ క్రోధి గ్రామం చేరుకుంటూ సగటు ఓటరు మహాశయులు!
Apr 8, 2024
శిశిరంలో చలిపులి గజదొంగగారు నిత్యంతనువంతా తీవ్రంగా తడిమేస్తూ సిరిసంపదలేం దోచుకోబోయారో దౌర్జన్యాల దాష్టికాలేంజేయబోయారో!
Apr 6, 2024
|
|