నాక్కావాలిప్పుడు
నాక్కావాలిప్పుడు
కనురెప్పలు పడే శబ్దం నుంచి
మది ఎదురీతల సందడి నుంచి
చీకటి అంతమయ్యే చిక్కదనం నుంచి
ఒకటి కావాలి నాకిప్పుడు
రాలే శిశిరాల శిఖలు
వాలే హేమంతపు జల్లులు
గుచ్చి గుచ్చే గ్రీష్మపు తాపాల నుంచి
ఒకటి కావాలి నాకిప్పుడు
నాకు నేను గా,
గావు కేక పెట్టినా
చావు పుట్టుకలు లేని
రాత కోతలుండని
రేయి పగలెరుగని
నిశ్శబ్దమొకటి కావాలిప్పుడు నాకు
నువ్వు వెతకలేని
నేను సైతం బయట పడలేని
లేదని నన్ను భ్రమింపచేసి
అశాశ్వత భ్రమల్లో నుంచి నన్ను
శాశ్వత రాగాన్ని వినిపించే
నిశ్శబ్దమొకటి నాక్కావలిప్పుడు
నాక్కావాలి
నాకే కావాలి
నాకై వాలాలి
హక్కై కురవాలి
ఆ నిశ్శబ్దమిప్పుడు
నా నిశ్శబ్దమెప్పుడూ
-రఘు ఆళ్ల
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
 |