వాల్ పేపర్ (కవిత)
వాల్ పేపర్
తొంగి చూస్తుంటావు ఒక్కోసారి
నీలోకి నువ్వే
ప్రశాంతమైన సంద్రంలా ఉందని సమాధానమిచ్చుకుంటావు
తెరచాపలు తెరుచుకొని తిరిగే అహాల్ని
ఎదురీతలీదే అంతు తెలియని ప్రశ్నల్ని
నువ్వప్పుడు గుర్తించలేవు
ఇవన్నీ నిజాలు కావని
సమాజమే సంద్రమని నువ్వు తెల్సుకున్నప్పుడు
ప్రశాంతపు అ(క)లలు నీ పాదాల్ని ఒక్కసారిగా
చుట్టుముడతాయి చూడూ
అపుడు మాయమౌతాయి
అహాల,ఇహాల నావలు
నీలోనుంచి
నువ్వే ఒక అంతమెరగని లక్ష్యం వైపు
తెడ్డేసుకొని ఎదురెళ్తావు
ఆ దృశ్యమెప్పుడూ
నీ హృదయఫలకం పై వాల్ పేపర్ లా నిలబడుతుంది
ఎలానా?
నీ అద్దంలో నీలా..!
నా అర్ధంలో నాలా...!!
- Raghu Alla
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
 |