కవంటే...
వాడంతే
ప్రతి దాన్ని భూతద్దంలోనూ
ప్రతి భావాన్ని ఒకద్దంలోనూ
మరిన్నిటిని సరికొత్త అర్ధాలలోను
వెతుకుతాడు
తన్మయత్వాన్ని
నువ్వు చదివే కళ్లలో
వెతుకుతుంటాడు
అన్యాయాన్ని ఎదురిస్తాడు
అందాన్ని ఆరాధిస్తాడు
ఆక్రందనకు మరిన్ని గళాల్నిస్తాడు
ఆవేదనను ఖడ్గాలుగా మార్చేస్తాడు
వాడితో వాడు
వాదించుకుంటాడు
చర్చిస్తాడు
విమర్శించుకుంటాడు
ఓటమో , గెలుపో తెలియక
తన వేలి తలతో గీసుకున్న
కొన్ని రాతలను మీ ముందుంచుతాడు
వాడికీ ఉంటాయ్
సంతోషాలు
ఇష్టాలు,కష్టాలు
నష్టాలు,అరిష్టాలు
లెక్కేముంది వాడికి
సంతోషంలో కూడా బాధను
బాధలోనూ సంతోషాన్ని
నిజంలోని అబద్దాన్ని
అబద్దమనిపించే నిజాల్ని
ఏరతాడు!
చిన్న పిల్లాడు తీరంలో వెతికే గవ్వల్లా
తొలిపొద్దు కూసే గువ్వలా..!
వాడికీ ఏడుపొస్తది
కాకపోతే కన్నీటిని అక్షరాలుగా రాలుస్తాడు
కాగితపు చెంపలపై!
నవ్వుతాడు
మీరు చదివినప్పుడు మీ పెదాలపై
భావుకతలా!
వాడే కవి.....!!!
నిశ్శబ్దపు సడులను వినే చెవి
రాత్రి కూడా మేల్కొనే రవి!!!!
నీ వాడే కవి!!
వాడు మాత్రమే "కవి"..!!!!!
- Raghu Alla
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
మంచి నడతకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 27, 2025
హరిదాసు హరినామ సంకీర్తనలతో జంగమదేవర శంఖపు రవళులతో మా ఊరి ఆస్థాన విద్వాంసులు
Jan 12, 2025
అమ్మడూ ఓయ్ వాట్సప్ మెసేజ్ అమ్మాయి అల్లుడూ పండక్కొస్తారంట బియ్యం పిండికి మిషనుకి పట్టకెళ్ళనా పట్నంనుండి స్వీట్స్ పట్టుకురానా! అహ్ ఏంటోనండి ఆరోజుల్లో అయితే...!
Jan 12, 2025
జీవన వాసంతంలో అరుదైన గమ్యందారిని రమ్యంగానే దొరకబుచ్చుకొని ప్రియంగానే ప్రయాణిస్తూ బాటసారి!
Nov 28, 2024
అఖిల తారలు నీ పదపద్మములనుజేరి అమితానురక్తితో కొల్చుటజూచి పూటపూటనా ఇలాగ మినుకుమినుకుమని మెరుస్తుంటి!
Nov 15, 2024
నిలువునా చీల్చిన పచ్చటి చెక్కలా ఆ రెండు మార్గాలు క్షమించండి.. నేను ఆ రెండు మార్గాల్లోనూ ప్రయాణించలేను ఒక్క మార్గంలోనే నేను నిరంతరం నిలబడే వున్నాను
Oct 11, 2024
 |