TeluguOne Services
Copyright © 2000 - , TeluguOne Sahityam - All rights reserved.
పివి మొగ్గలు
సుస్థిరమైన అభివృద్ధికి బలమైన పునాదులను నిర్మించి
స్వతంత్ర భారతాన్ని ఉజ్జ్వలంగా ప్రకాశింపజేసినవాడు
నవీన భారతదేశం పివి ఆవిష్కరించిన అజేయచిత్రపటం
తీవ్రవాదుల ఆగడాల ఆటంకాలను దుశ్చర్యలను చూసి
టాడా చట్టాన్ని పక్కాగా రూపొందించిన సాహసవంతుడు
ఆటంకవాదులను అడ్డుకున్న అసలైన సింహస్వప్నం పివి
భారతావనిలో మచ్చలేని మహానాయకుడిగా ఎదిగి
రాజకీయ విలువలకు పట్టం కట్టిన సేవాదురంధరుడు
ఆధునిక రాజకీయ మహాభారతంలో చాణక్యుడు పివి
కేంద్ర మానవవనరుల శాఖకు మానవతా రంగులు అద్ది
విశిష్టమైన శోభను చేకూర్చిన అపార జ్ఞానసంపన్నుడు
మానవ వనరులకు పునాది వేసిన మానవ వనరు పివి
విదేశాలదృష్టిలో మనదేశంపై ఉన్న అపోహలను తొలగించి
సరికొత్త దృక్పథాన్ని కలిగించిన నవ్య భారతదేశ నిర్మాత
సంస్కరణలను పూలరథాలుగా మార్చిన పథగామి పివి
- డాక్టర్ భీంపల్లి శ్రీకాంత్