ఉపాధ్యాయుడు  జ్ఞాన జ్యోతిని వెలిగించి మూర్ఖత్వపు పొరను తొలగిస్తాడు.  నేటికాలం పాఠశాలలో ఉపాధ్యాయులు అయినా, ఒకప్పుడు గురుకులాలలో విధ్యను బోధించే గురువులు అయినా, మంచి చెడులు చెప్పే తల్లిదండ్లులు, అవ్వతాతలు, ఆత్మీయులు, ఆప్తులు అందరూ గురుసమానులే.  అయితే పాఠశాలలో విద్యను బోధించిన ఉపాద్యాయుల గౌరవార్థం ఉపాద్యాయ దినోత్సవాన్ని ప్రతి సంవత్సరం సెప్టెంబర్ 5వ తేదీన జరుపుకుంటారు.  ఇదే రోజు డాక్టర్ సర్వేపల్లి రాధాకృష్ణన్  జన్మదినం కూడా. డాక్టర్ సర్వేపల్లి రాధాకృష్ణన్ చేసిన కృషికి, ఆయన సాధించిన  విజయాలకు గుర్తుగా  ప్రతి సంవత్సరం భారతదేశమంతటా  జాతీయ ఉపాధ్యాయ దినోత్సవంగా జరుపుకోబడుతుంది. సెప్టెంబరు 5, 1888న జన్మించిన డాక్టర్ రాధాకృష్ణన్ భారత రాష్ట్రపతిగా పనిచేశారు.  ఈయన స్వయానా  పండితుడు, తత్వవేత్త,  భారతరత్న అవార్డు గ్రహీత కూడా.  నిరుపేద తెలుగు బ్రాహ్మణ కుటుంబంలో జన్మించిన రాధాకృష్ణన్ తన విద్యాభ్యాసమంతా స్కాలర్‌షిప్‌ల ద్వారానే పూర్తి చేశారు.  తత్వశాస్త్రంలో మాస్టర్స్ డిగ్రీని సాధించాడు. 1917లో 'ది ఫిలాసఫీ ఆఫ్ రవీంద్రనాథ్ ఠాగూర్' అనే పుస్తకాన్ని రచించాడు.  1931 నుండి 1936 వరకు ఆంధ్రా విశ్వవిద్యాలయానికి వైస్-ఛాన్సలర్‌గా,  1939లో బనారస్ హిందూ విశ్వవిద్యాలయం (BHU) వైస్-ఛాన్సలర్‌గా కూడా పనిచేశాడు.

అసలు  ఉపాధ్యాయ దినోత్సవాన్ని ఎందుకు జరుపుకుంటున్నారు? మొదటి ఉపాధ్యాయ దినోత్సవాన్ని ఎప్పుడు జరుపుకున్నారు?

డాక్టర్ సర్వేపల్లి రాధాకృష్ణన్ జయంతి సందర్భంగా ప్రతి సంవత్సరం సెప్టెంబర్ 5న భారతదేశంలో ఉపాధ్యాయ దినోత్సవాన్ని జరుపుకుంటారు. ఈయన  సమకాలీన భారతదేశంలోని ప్రముఖ రచయితలలో ఒకరు.  సైద్ధాంతిక, వేదాంత, నైతిక, బోధనాత్మక, మతపరమైన, జ్ఞానోదయం కలిగించే విషయాల నుండి ప్రారంభించి విభిన్న విషయాలపై గణనీయమైన కృషి చేసాడు. ఆయన ఎన్నో ప్రాముఖ్యత కలిగిన,  గుర్తింపు పొందిన పత్రికలలో లెక్కలేనన్ని వ్యాసాలను వ్రాసాడు. భారతదేశంలో మొదటి ఉపాధ్యాయ దినోత్సవం సెప్టెంబర్ 5, 1962న ఆయన 77వ జన్మదినమైన రోజున జరుపుకున్నారు.  ఈయన  ఎడిఫికేషన్  న్యాయవాది,  విశిష్ట దూత, విద్యావేత్త  అన్నింటికంటే గొప్ప ఉపాధ్యాయుడు. డాక్టర్ రాధాకృష్ణన్ 1962లో భారత రాష్ట్రపతి అయ్యాడు. ఆయన  స్నేహితులు,  విద్యార్థులు కొందరు ఆయనను సంప్రదించి  సెప్టెంబర్ 5న తన పుట్టినరోజును జరుపుకోవడానికి అనుమతించమని అభ్యర్థించారు. దీనికి ఆయన స్పందిస్తూ, "నా పుట్టినరోజును నిష్కపటంగా పాటించే బదులు, సెప్టెంబర్ 5ని ఉపాధ్యాయ దినోత్సవంగా పరిశీలిస్తే అది నాకు గర్వకారణం." అని చెప్పారు. దీంతో సెప్టెంబర్  5ను ఉపాధ్యాయ దినోత్సవంగా జరుపుకుంటున్నారు. రాధాకృష్ణన్ గారి అభ్యర్థన  ఉపాధ్యాయుల పట్ల ఆయనకున్న  ఆప్యాయతను, ఆ వృత్తి మీద ఆయనకున్న అంకితభావాన్ని స్పష్టంగా తెలియజేస్తుంది. అప్పటి నుండి భారతదేశం సెప్టెంబర్ 5న ఉపాధ్యాయ దినోత్సవాన్ని జరుపుకుంటోంది.

ఒక దేశం  భవిష్యత్తు  ఆ దేశంలో పిల్లల చేతుల్లో ఉంటుంది. అలాంటి పిల్లలను  మార్గదర్శకులుగా భారతదేశ విధిని రూపొందించే భవిష్యత్తు నాయకులుగా ఉపాధ్యాయులు మాత్రమే తయారుచేయగలరు . జీవితంలో ఉపాధ్యాయులు పోషించే సవాళ్లు, కష్టాలు,  ప్రత్యేక పాత్రలను గుర్తించడానికి ఉపాధ్యాయ దినోత్సవాన్ని జరుపుకుంటారు.

భారతదేశంలో ఉపాధ్యాయ దినోత్సవం సందర్భంగా సెప్టెంబర్ 5న, ప్రతిభావంతులైన ఉపాధ్యాయులకు జాతీయ ఉపాధ్యాయ అవార్డులను భారత రాష్ట్రపతి ప్రదానం చేస్తారు. ప్రైమరీ స్కూల్స్, మిడిల్ స్కూల్స్,  సెకండరీ స్కూల్స్‌లో పనిచేస్తున్న ఉత్తమ  ఉపాధ్యాయులకు  ఈ అవార్డులు అందించబడతాయి.  ఇక వివిధ పాఠశాలలో కూడా ఉపాద్యాయుల  గౌరవార్థం సభలు, సన్మానాలు, విద్యార్థులు చెప్పే కృతజ్ఞతల వేడుకలతో  ప్రతి పాఠశాల ప్రతి కళాశాల  కళకళలాడిపోతుంది. ప్రతి ఒక్కరూ తమ ఉన్నతి కోసం జ్ఞానాన్ని ప్రసాదించిన గురువుకు  కృతజ్ఞతలు చెప్పడం వారి కనీస కర్తవ్యంగా భావించాలి.

                                                          *నిశ్శబ్ద.