2026 ఏప్రిల్ నెలకు సంబంధించిన తిరుమల తిరుపతి దేవస్థానాలు (టీటీడీ) వివిధ దర్శనాలు, ఆర్జిత సేవలు, గదుల కోటా విడుదల షెడ్యూల్‌ను ప్రకటించింది.

🔹 ఆర్జిత సేవా టికెట్లు (సుప్రభాతం, తోమాల, అర్చన, అష్టదళ పాదపద్మారాధన సేవలు):
ఏప్రిల్ నెల కోటాను జనవరి 19న ఉదయం 10 గంటలకు టీటీడీ ఆన్‌లైన్‌లో విడుదల చేయనుంది.
ఈ టికెట్ల కోసం ఎలక్ట్రానిక్ డిప్‌కు జనవరి 21 ఉదయం 10 గంటల వరకు నమోదు చేసుకోవచ్చు.
డిప్‌లో ఎంపికైనవారు జనవరి 21 నుంచి 23 మధ్యాహ్నం 12 గంటలలోపు ఫీజు చెల్లిస్తే టికెట్లు మంజూరవుతాయి.

🔹 ఇతర ఆర్జిత సేవలు:
కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవ, శ్రీ‌వారి సాలకట్ల వసంతోత్సవాల టికెట్లను జనవరి 22న ఉదయం 10 గంటలకు ఆన్‌లైన్‌లో విడుదల చేస్తారు.

🔹 వర్చువల్ సేవలు & దర్శన స్లాట్లు:
జనవరి 22న మధ్యాహ్నం 3 గంటలకు విడుదల చేయనున్నారు.

🔹 అంగప్రదక్షిణ టోకెన్లు:
జనవరి 23న ఉదయం 10 గంటలకు విడుదల.

🔹 శ్రీవాణి ట్రస్టు దర్శన టికెట్లు:
జనవరి 23న ఉదయం 11 గంటలకు విడుదల.

🔹 వృద్ధులు, దివ్యాంగులు, దీర్ఘకాలిక వ్యాధిగ్రస్తులకు ఉచిత ప్రత్యేక దర్శనం:
టోకెన్ల కోటాను జనవరి 23న మధ్యాహ్నం 3 గంటలకు ఆన్‌లైన్‌లో విడుదల చేయనున్నారు.

🔹 ప్రత్యేక ప్రవేశ దర్శన టికెట్లు (₹300):
జనవరి 24న ఉదయం 10 గంటలకు విడుదల.

🔹 తిరుమల, తిరుపతిలో గదుల కోటా:
జనవరి 24న మధ్యాహ్నం 3 గంటలకు విడుదల.

🔹 శ్రీవారి సేవా, పరకామణి సేవ కోటా (మార్చి నెలకు):
జనవరి 27న మధ్యాహ్నం 3 గంటలకు విడుదల చేయనున్నారు.

 🔹 భక్తులు https://ttdevasthanams.ap.gov.in
 వెబ్‌సైట్ ద్వారా శ్రీ‌వారి ఆర్జిత సేవలు, దర్శన టికెట్లు బుక్ చేసుకోవాలని టీటీడీ కోరింది.