ఈమధ్యకాలంలో సినీ నటులు తప్పతాగి డ్రైవింగ్ చేస్తూ పోలీసులకు దొరికిపోతున్నారు. గతంలో అయితే సినీ నటులు తప్పతాగి డ్రైవింగ్ చేస్తూ దొరికిపోయినా పోలీసులు నమస్తే సార్ అని పంపించేసేవారు. అయితే ఈ మధ్యకాలంలో తప్పతాగి డ్రైవింగ్ చేస్తున్న ఎవరినీ పోలీసులు వదలటం లేదు. తాజాగా శనివారం నాడు బంజారాహిల్స్ ప్రాంతంలో డ్రంక్ అండ్ డ్రైవ్ తనిఖీలు చేస్తున్న పోలీసులకు సినీనటుడు అజయ్ అడ్డంగా దొరికిపోయాడు. బ్రీత్ అనలైజర్ పరీక్షలో అజయ్ విపరీతంగా మద్యం సేవించి వాహనం నడుపుతున్నట్టు తేలింది. అజయ్ మీద కేసు నమోదు చేసి జరిమానా విధించిన అనంతరం పోలీసులు విడిచిపెట్టారు.