యుపిఎ హయాంలో అనుమతులు ఇచ్చిన 214 బొగ్గు క్షేత్రాల అనుమతులను సుప్రీంకోర్టు బుధవారం నాడు రద్దు చేసింది. బొగ్గు క్షేత్రాల అనుమతుల విషయంలో అనేక అవకతవకలు జరిగాయని సుప్రీంకోర్టు గతంలో ఎన్నోసార్లు పేర్కొన్న విషయం తెలిసిందే. తాజాగా 214 బొగ్గు క్షేత్రాల అనుమతులను రద్దు చేస్తూ తీర్పు ఇచ్చింది. నిబంధనలకు విరుద్ధంగా, ఎన్నో అవకతవకలతో బొగ్గు క్షేత్రాలను కేటాయించినందువల్లే రద్దు చేస్తున్నట్టు సుప్రీంకోర్టు తెలిపింది. బుధవారం నాడు సుప్రీంకోర్టు 218 బొగ్గు క్షేత్రాల అనుమతులను రద్దు చేసే అవకాశం వుందని అందరూ ఊహించారు. అయితే సుప్రీం కోర్టు 214 గనుల మీదే కొరడా ఝళిపించింది.