షర్మిల బస్సుయాత్ర సమైక్యం కోసమా పార్టీ కోసమా

Publish Date:Sep 1, 2013

Advertisement

 

ఈ రోజు షర్మిల ఇడుపులపాయలో తన తండ్రి రాజశేఖర్ రెడ్డి సమాధి వద్ద ప్రార్థనల చేసిన తరువాత, తిరుపతి వెళ్లి అక్కడి నుండి తన ‘సమైక్య శంఖారవం’ బస్సుయాత్ర మొదలుపెడతారు. ఆమె సీమాంధ్రలో 13 జిల్లాలో దాదాపు నెలరోజుల పాటు యాత్ర చేసే అవకాశం ఉంది. ఆమె తన యాత్రను ఈ రోజు తిరుపతిలోజరిగే బహిరంగ సభతో మొదలుపెట్టి రేపటి నుండి తన యాత్రను కొనసాగిస్తారు.

 

షర్మిల ఇటీవల పూర్తి చేసుకొన్నతన పాదయాత్ర ద్వారా ప్రజలలో వైయస్సార్ సెంటిమెంటును సజీవంగా నిలుపుతూ, జైల్లో ఉన్న తన సోదరుడు జగన్ మోహన్ రెడ్డిపట్ల ప్రజలలో సానుభూతి ఏర్పరిచేందుకు కృషిచేసారు. తమ ఈ కష్టాలన్నిటికీ కాంగ్రెస్, తెదేపాలే కారణమని ప్రజలకు వివరిస్తూ పార్టీకి ప్రజల సానుభూతి సంపాదించే ప్రయత్నం చేసారు. అయితే కాంగ్రెస్ రాష్ట్ర విభజన ప్రకటనతో ఆమె పడ్డ ఈ శ్రమంతా బూడిదలో పోసిన పన్నీరయింది.

 

కాంగ్రెస్ వేసిన ఈ ఎత్తుకి పైఎత్తు వేస్తూ వైకాపా మళ్ళీ సరికొత్త వ్యూహ రచన చేసుకోక తప్పలేదు. ఆ వ్యూహంలో భాగంగానే వైకాపా తెలంగాణాను పూర్తిగా వదులుకొని, సమైక్యాంధ్ర నినాదం ఎత్తుకొంది. సీమాంధ్రలోకాంగ్రెస్, తెదేపాలకు సంకట పరిస్థితి కల్పించి తద్వారా తను బలపడాలని వైకాపా నిశ్చయించుకొంది. ఆ ప్రయత్నంలో వైకాపా చాలా వరకు విజయం సాధించింది కూడా. ప్రజా ఉద్యమాలకి తోడు, వైకాపా అద్వర్యంలో నిర్వహిస్తున్నసమైక్యాంధ్ర ఉద్యమాలతో తెదేపా, కాంగ్రెస్ పార్టీలు ఉక్కిరి బిక్కిరి అవుతున్నాయి.

 

అందుకే ముఖ్యమంత్రి కిరణ్ కుమార్ రెడ్డి సమైక్యాంధ్రకి అనుకూలంగా మాట్లాడుతున్నట్లు భావించవచ్చును. అదేవిధంగా తీవ్ర ప్రతికూల పరిస్థితుల మధ్య చంద్రబాబు కూడా ఆత్మగౌరవ యాత్రతో ప్రజల మధ్యకి రాక తప్పలేదు.

 

ఈ రోజు షర్మిల మొదలుపెట్టబోతున్న బస్సుయాత్ర ‘సమైక్యాంధ్ర లేదా సమన్యాయం’ కోసమని ఆ పార్టీ చెప్పుకొంటున్నపటికీ నిజానికి ఆ మిషతో తెదేపా, కాంగ్రెస్ పార్టీలను రాజకీయంగా దెబ్బతీసి, సీమాంధ్రలో పార్టీని బలోపేతం చేసుకోనేందుకేనని చెప్పవచ్చును. సమైక్యాంధ్ర కోసం గత నెలరోజులుగా సీమంధ్రలో ఉవ్వెత్తున ఎగిసిపడుతున్నఉద్యమాలను, ఉద్యోగుల నిరవధిక సమ్మెతో స్తంభించిపోయిన రాష్ట్రాన్నిచూసి కూడా తెలంగాణా విషయంలో వెనక్కుతగ్గే ప్రసక్తి లేదని స్పష్టం చేస్తున్నకాంగ్రెస్ అధిష్టానం, తను చేపడుతున్నబస్సు యాత్రకు జడిసి వెనక్కు తగ్గుతుందని షర్మిల కూడా భావించట్లేదు. అయినప్పటికీ ఆమె సమైక్య శంఖారావం పూరిస్తూ బస్సుయాత్ర మొదలుపెట్టడం, కేవలం ఈ సమైక్య ఉద్యమాల ద్వారా పార్టీని సీమంధ్రలో బలోపేతం చేసుకోవడానికే తప్ప మరొకందుకు కాదు.

 

షర్మిల చేస్తున్న ఈ ప్రయత్నంలో ఆమె ఎంతవరకు విజయం సాధిస్తారో, ఆమెను తెదేపా, కాంగ్రెస్ పార్టీలు ఏవిధంగా ఎదుర్కొంటాయో ప్రజలే ప్రత్యక్షంగా చూడవచ్చును.

By
en-us Political News

  
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు. టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు.
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్ర‌పంచ యుద్ధ స‌మ‌యంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది. అదంటే మ‌రి ఆమెకు ప్రాణ స‌మానం. చాలా కాలం దొరుకుతుంద‌ని, త‌ర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది.
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు  జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు...
తెలంగాణ  రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో  సహజంగానే అందరిలోనూ ఆసక్తి నెలకొంది...
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో  తెర పడింది.రాష్ట్రంలోని మహబూబ్‌నగర్‌-హైదరాబాద్‌-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్‌ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది. 
​సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా  తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి   కూడా తానూ హిందువును అనే విషయం ఇప్పుడు గుర్తుకొచ్చింది.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది...
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు.
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు  అసమ్మతి స్వరాన్ని పెంచారు...
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే  అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి...
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’  సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది.  
నాలుగు రాష్టాలు అస్సాం, పశ్చిమ బెంగాల్ తమిళనాడు,కేరళ, కేంద్ర పాలిత ప్రాంతం పుదుచ్చేరి శాసన సభలకు  మరో రెండు నెలల్లో ఎన్నికలు జరుగుతాయి. ఇది అందరికీ తెలిసిన విషయం.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.