ఇందిరాగాంధీ కుటుంబ౦పై వీరవిధేయత ప్రదర్శించే మాజీ మంత్రి శంకర్రావు తన స్వామి భక్తి ని మరోసారి చాటుకున్నారు. రాష్ట్ర విభజనకు అంగీకారం తెలిపిన యూపీఏ చైర్‌పర్సన్ సోనియాగాంధీకి గుడి కట్టేందుకు పూనుకున్నారు. షాద్ నగర్ నియోజకవర్గంలో కొత్తూరు మండలం నందిగామలో ఈ రోజు ఉదయం సోనియా గుడికి శంకుస్థాపన చేశారు. శంకర్రావు మాట్లాడుతూ సీమాంధ్రులు చరిత్ర హీనులుగా మారుతారని, సీమాంద్రులు రాజీవ్ విగ్రహాలు కూల్చడం దారుణమని విమర్శించారు. నాలుగు రాష్ట్రాల్లో కాంగ్రెస్ ఓటమికి స్థానిక నేతల వైఫల్యమే కారణమని ఆంధ్రప్రదేశ్‌లో కాంగ్రెస్ ఓటు బ్యాంకుకు ఢోకాలేదని శంకర్రావు ధీమా వ్యక్తం చేశారు.