రైల్వే చార్జీల పెంపు సమర్ధనీయమేనా?

Publish Date:Jun 23, 2014

Advertisement

 

 

 

కేంద్రంలో ఏ ప్రభుత్వం అధికారంలోకి వచ్చినా రైల్వే చార్జీల పెంపు తప్పదని అందరికీ తెలుసు. అయితే మోడీ ప్రభుత్వం అధికారంలోకి వచ్చిన నెల రోజులు కూడా గడవక మునుపే ఒకేసారి సామాన్య ప్రజలపై ఇంత భారం మోపడం ఎవరూ జీర్ణించుకోలేకపోతున్నారు. సాధారణంగా కొత్తగా అధికారంలోకి వచ్చిన ఏ ప్రభుత్వమూ ఈవిధంగా ప్రజాగ్రహానికి గురికావాలని కోరుకోదు. అందువల్ల ఇటువంటి కటినమయిన నిర్ణయాలను కొన్ని నెలల తరువాత అమలు చేయడం మొదలుపెడుతుంది. కానీ, దేశాన్ని వీలయినంత త్వరగా అభివృద్ధి బాట పట్టించాలని తహతహలాడుతున్న నరేంద్ర మోడీ, సమయం వృధా చేయకుండా అధికారం చేప్పట్టిన కొద్ది రోజులకే చాలా దైర్యంగా రైల్వే చార్జీల పెంపు నిర్ణయం తీసుకొన్నారు. అయితే ఈ భారం సామాన్య ప్రజల మీదనే ఎక్కువగా పడింది గనుక ఈ నిర్ణయాన్ని అందరూ వ్యతిరేఖిస్తున్నారు. ప్రజలు రైల్వే చార్జీల పెంపుని తప్పుపట్టడం లేదు. సమాజంలో సంపన్నులకు, సామాన్యులకు ఒకటే బెత్తం ఉపయోగించడాన్ని ప్రజలు తప్పుపడుతున్నారు. అందువల్ల మోడీ ప్రభుత్వం ఇకపై సమాజంలో ధనిక, పేద, మధ్యతరగతి వర్గాలను ఒకేగాట కట్టకుండా తదనుగుణంగా వడ్డిస్తే ఇంత వ్యతిరేఖత ఎదురవక పోవచ్చును.



మోడీ ప్రధానిగా భాద్యతలు స్వీకరించినప్పటి నుండి దేశాన్ని అభివృద్ధి పధంలో నడిపించాలని తహతహలాడుతున్నారు. ఆయన చాలా వేగంగా దృడమయిన నిర్ణయాలు తీసుకొంటున్న సంగతి ప్రజలందరూ గమనిస్తూనే ఉన్నారు.ఈ  రైల్వేల చార్జీల పెంపు కూడా అభివృద్ధి కోసమేనని ప్రత్యేకంగా చెప్పనవసరం లేదు. మోడీ ప్రధానిగా బాధ్యతలు చెప్పట్టిన తరువాత ఎవరూ అడగక మునుపే మన రాష్ట్రంలో వైజాగ్-విజయవాడ, విజయవాడ-గుంటూరు మధ్య మెట్రో రైల్ ప్రాజెక్టుల నిర్మాణం కోసం సమాచారం సేకరించేందుకు అధికారులను పంపిచారు. అదేవిధంగా దేశంలో రైల్వే వ్యవస్థను సమూలంగా ప్రక్షాళన చేసి, దేశంలో బుల్లెట్ రైళ్ళు లేదా సూపర్ ఫాస్ట్ రైళ్ళను ప్రవేశపెట్టాలని, దేశంలో రైల్వే లైన్లను మరింత విస్తరించాలని మోడీ భావిస్తున్నారు. అదేవిధంగా మోడీ ప్రభుత్వం 24X7గంటలు నిరంతర విద్యుత్ సరఫరా పధకానికి శ్రీకారం చుట్టి దానికి పైలట్ ప్రాజెక్టుగా ఆంధ్రప్రదేశ్ రాష్ట్రాన్నే ఎంపిక చేసింది.


ఇటువంటి అభివృద్ధి కార్యక్రమాలకు భారీగా నిధులు కావాలి. ప్రస్తుతం రైల్వేలు నష్టాలలో లేకపోయినప్పటికీ, వచ్చిన లాభాలు వ్యవస్థను యధాతధంగా నడిపిందుకు మాత్రమే సరిపోతోందని నిపుణుల మాట. రైల్వే చార్జీలను పెంచకుండా యధాతధంగా ఉంచినట్లయితే ఈ అభివృద్ధి కార్యక్రామాలకు నిధులు వేరే మార్గాల ద్వారా ఏర్పాటు చేసుకోవలసి ఉంటుంది. అంటే ప్రజలనుండి వేరే రూపంలో ఆ డబ్బులు వసూలు చేయవలసి ఉంటుందన్న మాట. కానీ నరేంద్ర మోడీ ఆ డొంక తిరుగుడు వ్యవహారం చేయకుండా నేరుగా రైల్వే చార్జీలను పెంచి రైల్వేశాఖకు ఆదాయం సమకూర్చే ప్రయత్నం చేసారు.


స్వాతంత్రం వచ్చినప్పటి నుండి దేశాన్ని పాలిస్తున్న కాంగ్రెస్ పార్టీ ప్రజలకు తెలియకుండా వారినుండి ఏదో రూపంలో నొప్పి తెలియకుండా పన్నులు పిండుకొంటూనే ఉంది. గానీ అభివృద్ధి మాత్రం అంతంత మాత్రంగానే జరిగింది. కానీ మోడీ ప్రభుత్వం రానున్న ఐదేళ్ళ కాలంలో దేశం రూపురేఖలను పూర్తిగా మార్చివేసి, భారత్ ను అభివృద్ధికి చిరునామాగా చేయాలని ప్రయత్నిస్తోంది. ఒకవేళ మోడీ మాటలకు, చేతలకు పొంతన కనబడకపోతే, వచ్చే ఎన్నికలలో మోడీ ప్రభుత్వానికి కూడా ప్రజల చేతిలో పరాభవం తప్పదు. కానీ మోడీ అటువంటి పరిస్థితి చేజేతులా కల్పించుకొంటారని భావించలేము. కనుకనే మోడీ అధికారం చేప్పట్టిన నెలరోజులయినా గడవక మునుపే కటినమయిన నిర్ణయాలు తీసుకొంటున్నారని భావించవచ్చును. కానీ దేశాభివృద్ధి కోసం సంపన్నులను వదిలిపెట్టి సామాన్యులపైనే భారం మోపకుండా అడుగులు ముందుకు వేస్తే దేశాప్రజలందరూ ఆయన వెంట నడుస్తారు. 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.