గ్రేటర్ హైద్రాబాద్ లో కాల్పుల కలకలం  మరోసారి చర్చకు వచ్చింది. ఇటీవల రాచకొండ పోలీసులు నల్గొండ హైవేపై పార్థీ గ్యాంగ్ పై కాల్పులు జరిపిన సంగతి తెలిసిందే. నాంపల్లి రైల్వేస్టేషన్ పరిధిలో చైన్ స్నాచింగ్ ముఠా గూర్చి పోలీసులకు సమాచారం అందింది. వారిని అదుపులో తీసుకునే క్రమంలో అక్కడికి వెళ్లిన పోలీసులపై  వాళ్లు రాళ్లు, కత్తులతో దాడులు చేశారు. ఆత్మరక్షణ కోసం  పోలీసులు కాల్పులు జరపాల్సిన పరిస్థితి వచ్చింది. ఈ   గ్యాంగ్ నుంచి పోలీసులు మారణాయుధాలు స్వాధీనం చేసుకున్నారు.     కొంత కాలంగా హైదరాబాద్ లో చైన్ స్నాచింగ్ చేసే ముఠాలు ఎక్కువగా తిరుగుతున్నాయి. దొంగల మీద కాల్పులు జరపడం అరుదుగా జరుగుతుంది. కానీ ఇటీవల హైదరాబాద్ లో దొంగలపై కాల్పులు జరపడం ఆనవాయితీగా మారింది. ఉత్తర భారత దేశానికి చెందిన పార్థీ గ్యాంగ్ నగరంలో చైన్ స్నాచింగ్ ముఠా దొంగతనాలకు పాల్పడుతుంది. గతంలో చిలకలగూడలో దొంగతనాలు చేస్తున్న ముఠాపై కూడా పోలీసులు కాల్పులు జరిగిన సంగతి తెలిసిందే.