ఏరు దాటే వరకూ ఓడ మల్లయ్య... ఏరు దాటిన తరువాత  బోడి మల్లయ్య అన్న తీరు వైసీపీ అధినేత జగన్ ది. బాబాయ్ హత్య కేసు విచారణ సీబీఐతో జరిపించాలని విపక్ష నేతగా డిమాండ్ చేసిన ఆయన ఆ తరువాత స్వయంగా సీబీఐ విచారణ అవసరం లేదని అనేశారు.

అలాగే కోడి కత్తి కేసులో కూడా విపక్షం తనపై హత్యాయత్నం చేయించిందంటూ విపక్ష నేతగా ఊరూవాడా ఏకం చేసింన జగన్ అధికారంలోకి వచ్చిన తరువాత ఆ కేసు ఊసెత్తడమే మానేశారు. ఈ ఉపోద్ఘాతం ఎందుకంటే.. కోడి కత్తి కేసు గుర్తుందా?  విపక్ష నేతగా విజయనగరం జిల్లాలో పాదయాత్ర చేస్తున్న జగన్ హైదరాబాద్ వచ్చేందుకు విశాఖ విమానాశ్రయానికి వచ్చిన సమయంలో ఓ యువకుడు ఆయనపై దాడి చేశారు. ఆ దాడిలో జగన్ కు స్వల్ప గాయమైంది. ఈ దాడిని ఓ యువకుడు కోడి కత్తితో చేశాడు. అందుకే  ఆ కేసును అందరూ కోడి కత్తి కేసుగా వ్యవహరిస్తున్నారు. అప్పట్లో ఈ దాడి వెనుక అప్పటి ముఖ్యమంత్రి చంద్రబాబు ఉన్నారంటూ వైసీపీ ఆరోపణలు సైతం గుప్పించింది. ఈ సంఘటన అప్పట్లో సంచలనం సృష్టించింది.

రాజకీయ ప్రకంపనలకు కారణమైంది. బాబు పాలనలో తనకు రక్షణ లేదంటూ జగన్ ఆరోపణలు గుప్పించారు. రాష్ట్ర పోలీసులపై తనకు నమ్మకం లేదన్నారు. దీంతో ఈ కేసు విచారణకు ఎన్ఐఏ రంగంలోకి దిగింది. అదంతా వేరే సంగతి.   ఈ సంఘటన తరువాత కోడి కత్తితో దాడికి పాల్పడిన శ్రీనివాస్ అనే  యువకుడిని పోలీసులు అదుపులోనికి తీసుకున్నారు. సరే ఈ ఘటన జరిగి సంవత్సరాలైపోయింది.

ఇప్పుడీ కేసు ప్రస్తావన ఎందుకంటే   కోడి కత్తితో దాడికి పాల్పడిన శ్రీనివాస్ తల్లి సావిత్రి తన కుమారుడు నాలుగేళ్లుగా రిమాండ్ ఖైదీగా జైల్లోనే మగ్గుతున్నాడనీ, అతడిని  తక్షణమే విడుదల చేయాలనీ కోరుతూ సుప్రీం కోర్టు ప్రధాన న్యాయమూర్తి ఎన్వీ రమణకు లేఖ రాశారు. నాలుగేళ్లుగా తన కుమారుడు రిమాండ్ ఖైదీగా ఉన్నాడనీ, ఈ కేసు విషయంలో న్యాయస్థానం కానీ, జాతీయ దర్యాప్తు సంస్థ (ఎన్ఐఏ) కానీ ఎటువంటి విచారణ జరపడం లేదని ఆమె ఆ లేఖలో పేర్కొన్నారు.

ఎన్నికల ముందు జరిగిన కోడి కత్తి ఘటనను రాజకీయ ప్రయోజనాల కోసం పూర్తిగా వినియోగించుకున్న జగన్.. అధికారంలోకి వచ్చిన తరువాత ఆ కేసును పట్టించుకోవడమే మానేశారు. తనపై జరిగిన హత్యాయత్నం వెనుక ఎవరున్నారు అన్నది తేల్చాలన్న నాటి డిమాండ్ ను పూర్తిగా మర్చిపోయారు.  నాలుగేళ్లుగా రిమాండ్ ఖైదీగా మగ్గుతున్న తన కుమారుడిని విడిపించాలంటూ.. శ్రీనివాస్ తల్లి సావిత్రి సీజేఐకి లేఖ రాయడంతో మళ్లీ ఆ కేసు తెరమీదకు వచ్చి