మైక్రో ఫైనాన్స్ వివాదంలో  ఆరోపణలు ఎదుర్కొంటున్న ప్రముఖ గాయని మంగ్లీ మరో వీడియో విడుదల చేశారు. ఆ వీడియోలో ఇమె మైక్రో ఫైనాన్స్ అన్న పదమే తనకు తెలియదని పేర్కొన్నారు. తనపై ఆరోపణలకు సంబంధించి ఇప్పటికే పోలీసులను ఆశ్రయించిన సింగర్ మంగ్లీ..  సీపీ  సజ్జనార్ తో పాటు,  డిజిపి కి కూడా ఫిర్యాదు చేసిన విషయం తెలిసిందే. ఈ నేపథ్యంలోనే ఆమె  తాజాగామరో  వీడియో విడుదల చేశారు.

 ఈ కేసుతో తనకు ఎలాంటి సంబంధం లేదని ఆ వీడియోలో పునరుద్ఘాటించారు.  తనపై  ఇంత పెద్ద అభియోగం   రావడం నన్ను తీవ్ర దిగ్భ్రాంతికి గురిచేసిందని పేర్కొన్నారు.  దర్యాప్తు బృందాలకు పూర్తిగా సహకరిస్తానన్న మంగ్లీ,  ఈ ఫైనాన్స్ చీటింగ్ కంపెనీకి డబ్బులు వసూలు చేసిన వివాదానికి తనకూ ఎటువంటి సంబంధం లేదని చెప్పారు.  కమ్యూనిటీ కార్యక్రమంలో మాత్రమే రామావత్ మధును కలిసినట్లు చెప్పారు.  

తన తమ్ముడు శివ పేరు కూడా ఈ వివాదం లో లాగడం బాధాకరమని మంగ్లీ పేర్కొన్నారు.  చీటింగ్ వ్యవహారంలో తన పేరును వాడుతున్నాడని తెలిసిన వెంటనే   మధుపై ఫిర్యాదు చేశానని ఆమె వెల్లడించారు.  మైక్రో ఫైనాన్స్ వ్యవహారంలో  తాను కూడా బాధితురాలినేనని చెప్పుకున్నారు. . డబ్బులు ఇచ్చి బాధితులు మోసపోతే అకారణంగా తనపై బురద చల్లి  ఇబ్బందు లకు గురి చేస్తున్నారని ఆవేదన వ్యక్తం చేశారు.