నిర్మాణాలు తెలియదు కానీ.. మహా జోరుగా కూల్చివేతలు.. జగన్ సర్కార్ స్పెషాలిటీ!

Publish Date:Nov 8, 2022

Advertisement

నిర్మాణాలు, అభివృద్ధిని పట్టించుకోకపోయినా ఏపీలో అధికారంలో ఉన్న జగన్ సర్కార్ విధ్వంసాల విషయంలో మాత్రం తెగ ఉత్సాహంతో పని  చేస్తోంది. ప్రజా వేదిక కూల్చివేతతో ఆరంభమైన విధ్వంస కాండ ఈ మూడున్నరేళ్లలో రెట్టించిన ఉత్సాహంతో కొనసాగిస్తూనే ఉంది. మొన్నటికి మొన్న మంగళగిరి ఇప్పటం గ్రామంలో రోడ్ల విస్తరణ పేరిట ఇళ్లను కూల్చేసిన జగన్ సర్కార్ ఇప్పుడు విశాఖలోనూ కూల్చివేతల పర్వం కొనసాగించింది. మంగళగిరి ఇప్పటం లో జనసేన ఆవిర్భావ సదస్సుకు స్థలం ఇచ్చారన్న కక్షతో ఆ పార్టీ మద్దతు దారుల ఇళ్లు లక్ష్యంగా కూల్చివేతలకు పాల్పడిన జగన్ సర్కార్ విశాఖలో ప్రధాని మోడీ పర్యటన పేర ఈ కూల్చివేతల పర్వం కొనసాగించింది.

 విశాఖ ఆంధ్రా వర్సిటీ మైదానం సమీపంలోని దుకాణాలను అధికారులు రాత్రికి రాత్రి జేసీబీలతో కూల్చివేశారు. నిజానికి ఈ నెల 12న ఆంధ్రావర్సిటీలో జరగనున్న ప్రధాని మోడీ సభ కోసం ఈ దుకాణాలను కూల్చేయాల్సిన అవసరం లేదు. ఆ రోజు వాటిని మూసి ఉంచితే సరిపోతుంది. అధికారులు తొలుత ఆయా దుకాణదారులను అదే సమాచారం ఇచ్చారు. నవంబర్ 12న మోడీ సభ కారణంగా ఆ రోజు దుకాణాలు తెరవవద్దని ఆదేశించారు. అందుకు దుకాణ దారులు అంగీకరించారు కూడా. కానీ అంతలోనే ఏమైందో ఏమో కానీ సోమవారం(నవంబర్7) అర్ధరాత్రి చెప్పా పెట్టకుండా, కనీసం దుకాణ దారులకు సమాచారం కూడా ఇవ్వకుండా దుకాణాలను  జేసీబీలతో కూల్చేశారు.

మంగళవారం ఉదయం తమ దుకాణాలను తెరుద్దామని వచ్చే వరకూ ఈ కూల్చివేతల సంగతి దుకాణదారులకు తెలియనే తెలియదు. గత పాతికేళ్లుగా తాము అక్కడే తమ వ్యాపారాలు చేసుకుంటున్నామనీ, కనీస సమాచారం లేకుండా తమ దుకాణాలను కూల్చివేయడం దారుణమని వారు ఆవేదన వ్యక్తం చేస్తున్నారు. మోడీ సభ రోజున దుకాణాలు తెరవవద్దని మాత్రమే తమకు సమాచారమిచ్చారని వారు చెబుతున్నారు. అలా కాకుండా దుకాణాలను కూల్చేస్తామని చెప్పి ఉంటే వాటిలోని విలువైన వస్తువులు, సామగ్రిని తరలించుకునే వాళ్లం కదా అని ప్రశ్నిస్తున్నారు. ఉక్రెయిన్ మీద రష్యా అణుబాంబు వేసినట్లుగా జగన్ ప్రభుత్వం తమ మీద కూల్చివేతల బాంబు వేసిందన్నారు.  

ఇలా ఉండగా ఈ కూల్చివేతలపై విపక్షాలు మండి పడుతున్నాయి. సంబంధం లేకుండా తగుదునమ్మా అంటూ వైసీపీ ఎంపీ విజయసాయి మోడీ పర్యటన ఏర్పాట్ల పర్యవేక్షణకు నడుం బిగించడమేమిటి? ఇప్పుడు ఆ సభకు ఎంత మాత్రం అడ్డు కానీ దుకాణాలను కూల్చివేయడమేమిటని ప్రశ్నిస్తున్నాయి. విశాఖ కబ్జాల పర్వంలో ఇది కూడా ఒక భాగమేనని ఆరోపిస్తున్నాయి. ఈ స్థలం మీద విజయసాయి కన్ను పడటం వల్లనే దుకాణదారులు రోడ్డు పాలయ్యారని ఆరోపిస్తున్నాయి. ప్రధాని మోదీ పర్యటనను అవకాశంగా తీసుకుని దుర్మార్గంగా దుకాణాల కూల్చివేతకు పాల్పడ్డారని బాధితులు ఆరోపిస్తున్నారు.   

By
en-us Political News

  
బంగారం ధరలు భారీగా పడిపోవడంపై ఢిల్లీకి చెందిన చాంబర్ ఆఫ్ ట్రేడ్ అండ్ ఇండస్ట్రీ (సీటీఐ) ప్రధానమంత్రి నరేంద్ర మోదీకి ధన్యవాదాలు తెలిపింది.
తాళి కట్టిన 24 గంటల్లోనే బిడ్డకు జన్మ..అసలు కథేంటి.?
సర్వదర్శనానికి 8 గంటల సమయం.!
సాధారణంగా   నాయకులు, తాము ప్రజలకు చేయగల పనుల విషయంలో వాస్తవికత వదిలేసి అతిశయోక్తులతో, అతి అంచనాలతో గొప్పలు చెప్పుకుంటుంటారు.
మొత్తం 28 జడ్పీ అధ్యక్ష, ఉపాధ్యక్ష స్థానాలకు జరిగిన ఎన్నికల్లో తెలుగుదేశం, జనసేన, బీజేపీ కూటమి 27 చోట్ల విజయం సాధించి తిరుగులేని ఆధిపత్యాన్ని ప్రదర్శించింది.  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.