కేంద్ర మాజీ మంత్రి, కాంగ్రెస్ నాయకుడు పళ్ళంరాజు తండ్రి మల్లిపూడి సంజీవి రావు (87) కాకినాడలో బుధవారం నాడు కన్నుమూశారు. ఆయన చాలాకాలంగా అనారోగ్యంతో బాధపడుతున్నారు. సంజీవి రావు రెండుసార్లు కేంద్రమంత్రిగా బాధ్యతలు నిర్వర్తించారు. మల్లిపూడి సంజీవిరావు తండ్రి.. అంటే పళ్ళంరాజు తాతగారి పేరు కూడా పళ్ళంరాజే. ఆయన గోదావరి జిల్లాల్లో పేరు పొందిన స్వాతంత్ర్య సమరయోధుడు. ఆయన వారసత్వంతో రాజకీయాల్లోకి ప్రవేశించిన సంజీవిరావు రెండుసార్లు కేంద్రమంత్రి అయ్యారు. సంజీవిరావు వారసత్వాన్ని ఆయన కుమారుడు పళ్ళంరాజు అందుకుని ఆయన కూడా కేంద్రమంత్రి అయ్యారు. సంజీవిరావు మృతికి పలువురు సంతాపం తెలియజేస్తున్నారు.