ఆంధ్రప్రదేశ్ ముఖ్యమంత్రి, తెలుగుదేశం అధినేత నారా చంద్రబాబునాయుడు అమిత్ షాకు విందు ఇవ్వనున్నారు. ఈ నెల 18న ఉండవల్లిలోని తన నివాసంలో చంద్రబాబు అమిత్ షాకు హై  లెవల్ విందు ఇవ్వనున్నారు.

అసలు విషయమేంటంటే అమిత్ షా ఈ నెల 18, 19 తేదీలలో ఆంధ్రప్రదేశ్ లో పర్యటించనున్నారు. ఈ పర్యటనలో బాగంగా ఆయన ఈ నెల 19న గన్నవరం సమీపంలో నిర్మించిన ఎన్డీఆర్ఎఫ్, ఎన్ఐడీఎం కార్యాలయాలను ప్రారంభిస్తారు. ఆ తరువాత బహిరంగ సభలో ప్రసంగిస్తారు.

ఆ సభ తరువాత చంద్రబాబు దావోస్ పర్యటనకు బయలుదేరతారు. అంతకు ముందు రోజు అంటే ఈ నెల 18నే అమిత్ షా ఏపీకి చేరుకుంటారు. ఆ రోజు రాత్రి చంద్రబాబు తన నివాసంలో అమిత్ షా గౌరవార్ధం విందు ఇస్తారు. అనంతరం అమిత్ విజయవాడలోని హోటల్ లో బస చేస్తారు.