జగన్ కొత్త కేబినెట్‌లో పాత వారు ఎవరు ఉన్నా.. లేకున్నా.. కొడాలి నాని మాత్రం పక్కాగా ఉంటారంటూ ఓ టాక్ అయితే అటు మీడియాలో..... ఇటు సోషల్ మీడియాలో తెగ వైరల్ అయింది. అంతేకాదు.. జగన్ కేబినెట్‌లో తాజాగా మాజీలు అయిన వారంతా కూడా కొడాలి నానికి మళ్లీ కేబినెట్ మినిస్టర్ పదవి ఫిక్స్ అనే మాటకు ఫిక్స్ అయిపోయారు. అయితే కొడాలి నాని మరో రెండేళ్ల పాటు మంత్రిగా ఉంటారంటూ ఆయన ఫ్యాన్స్... గుడివాడ యూత్ కూడా పక్కాగా ఫిక్స్ అయిపోయింది. నూటికి నూరు శాతం ఇదే జరుగుతోందని కొడాలి నాని కోటరీ సైతం నమ్మేసింది. 

కానీ జగన్ తన పాత కేబినెట్‌లోని ఎవరి ఎవరినో ఉంచి.. కొడాలి నానికి మాత్రం తొలగించడం .. ముఖ్యంగా ఆయన ఫ్యాన్స్ తట్టుకోలేకపోతున్నారట. చంద్రబాబు, నారా లోకేశ్, పవన్ కల్యాణ్ అంటే చాలు... కొడాలి నానిని నిద్రలో లేపి.. అప్పటికప్పుడు ప్రెస్‌మీట్ పెట్టి మాట్లాడించినా.. బూతుల పంచాంగం అందుకుంటారన్న విషయం అందరికి తెలిసిందే. మరి అలాంటి కొడాలి నానిని తొలగించడం వెనుక ఏమైన మంత్రాంగం జరిగిందా? అని సందేహం గుడివాడ నియోజకవర్గ ప్రజల మదిని తెగ తొలిచేస్తోందట. పోని కొడాలి నానిని తొలగించారు సరే.. ఆ స్థానంలో మళ్లీ అదే సామాజికవర్గం వారిని ఎవరినైనా సీఎం జగన్ నియమించారా? అంటే అదీ లేదు. అయితే కొడాలి నాని పదవి ఊస్టింగ్ కావడం.. జగన్ తన కొత్త కేబినెట్‌లో ఆదే సామాజిక వర్గం వారిని నియమించకపోవడం వెనక చాలా పెద్ద తతంగమే నడించిందనే ఓ టాక్ అయితే గుడివాడ నియోజకవర్గంలో తాజాతాజాగా హాట్‌హాట్‌గా హల్‌చల్ చేస్తోంది.

కొడాలి నానికి సీఎం జగన్ చెక్ పెట్టడం వెనుక.... వైయస్ఆర్ తెలంగాణ పార్టీ అధ్యక్షురాలు వైయస్ షర్మిల భర్త బ్రదర్ అనిల్ కుమార్ హస్తం ఉందట. ఇటీవల బ్రదర్ అనిల్.. విజయవాడ, విశాఖపట్నం వేదికగా వివిధ మైనార్టీ వర్గాల వారితో వరుసగా భేటీలు నిర్వహించారు. ఈ సందర్బంగా వారంతా.. కొడాలి నాని వ్యవహారంపై బ్రదర్ అనిల్‌కు పూసగుచ్చినట్లు వివరించారట. కొడాలి నాని ప్రెస్‌మీట్ పెట్టి.... చంద్రబాబు, నారా లోకేశ్‌లను ఎంత చెడామడా తిట్టినా.. మళ్లీ ఆ సామాజికవర్గం వారికే.. అదీ కూడా పార్టీలకతీతంగా పనులు చేస్తున్నారనే విషయాన్ని బ్రదర్ అనిల్ చెవిలో ఊదినట్లు సమాచారం.  ఆ తర్వాత ఈ విషయాన్ని బ్రదర్ అనిల్ తాడేపల్లి ఫ్యాలెస్‌లోని కీలక నేతల్లో ఒకరిద్దరికి  వివరించినట్లు తెలుస్తోంది. ఈ నేపథ్యంలోనే సీఎం జగన్ తన కొత్త కేబినెట్‌లో కొడాలి నానికి బర్త్ కన్‌ఫార్మ్ చేయలేదట. అంతేకాదు.. కొడాలి నాని సామాజికి వర్గం వారికి సైతం మొండి చేయచూపారనే ఊహగానాలు కూడా గుడివాడ నియోజకవర్గంలో జోరుగా ఊపందుకున్నాయి.

చంద్రబాబు అండ్ కోతోపాటు ఆయన దత్త పుత్రుడు పవన్ కల్యాణ్‌ అంటూ కొడాలి నాని ప్రెస్‌మీట్ పెట్టి మరీ బండ బూతులు తిడతారీ కొడాలి నాని. అదీకాక.. చంద్రబాబును ఆ రేంజ్‌లో తిట్టగల మొనగాడు.. ఇంకా చెప్పాలంటే.. ఒకే ఒక్కడు కొడాలి నాని అనే ఓ బలమైన ముద్ర ఫ్యాన్ పార్టీలో బలంగా ఉంది. అలాంటి కొడాలి నానిని సీఎం జగన్ తొలగించడం వెనుక బ్రదర్ అనిల్ హస్తం అంటూ ఊహాగానాల నేపథ్యంలో రాజకీయ విశ్లేషకులు సైతం ఇదే జరిగి ఉండవచ్చునని వారు పేర్కొంటున్నారు.  

కొడాలి నానినీ మంత్రి పదవి నుంచి తొలగించే ఉద్దేశ్యం సీఎం జగన్‌కు ఏ కోశానా లేదన్న సంగతి ఆ పార్టీలోని వారందరికీ తెలిసిందే. మరి కొడాలి నానికి జగన్ కొత్త కేబినెట్‌లో కొలువు ఉంటుందని అంతా భావించిన తరుణంలో.. ఆయనకు పక్క పెట్టడం వెనక ఏదో జరిగి ఉంటుందనే భావనలో ఉన్న ప్రజలకు బ్రదర్ అనిల్ వ్యవహారంతో సమాధానం దొరికినట్లు అయిందని రాజకీయ విశ్లేషకులు సైతం చెబుతుండడం గమనార్హం.