ఏపీ ప్రభుత్వానికి హై కోర్టులో మరోసారి చుక్కెదురైంది. రాష్ట్రంలో సభలూ,  సమావేశాలపై నిషేధం విధిస్తూ ఏపీ సర్కార్ జారీ చేసిన జీవో1 ను ఏపీ హైకోర్టు సస్పెండ్ చేసింది. జీవో నంబర్‌-1ను సవాల్ చేస్తూ  సీపీఐ రాష్ట్ర కార్యదర్శి రామకృష్ణ పిటిషన్ దాఖలు చేసిన సంగతి తెలిసిందే.  

జీవో నంబర్ 1 ప్రకారం సభలు, రోడ్‌షోలు, అనుమతి లేకుండా.. రాజకీయ పార్టీలు సభలు నిర్వహించకూడదని ప్రభుత్వం ఆదేశాలు జారీ చేసింది. దీనిపై సీపీఐ రామకృష్ణ దాఖలు చేసిన పిటిషన్‌ను హై కోర్టు  గురువారం (జనవరి 12)న విచారించింది.

జీవో నంబర్ 1ను ఈ నెల 23 వరకూ సస్పెండ్ చేస్తూ ఆదేశాలు జారీ చేసింది. ఆ లోగా కౌంటర్ దాఖలు చేయాలని ఏపీ ప్రభుత్వాన్ని ఆదేశించింది. కాగా ఈ జీవో చెల్లదని మొదటి నుంచీ తెలుగుదేశం సహా అన్ని  విపక్షాలు చెబుతూ వస్తున్నసంగతి విదితమే.