ఆంధ్రప్రదేశ్ రైతాంగానికి తెలుగుదేశం కూటమి ప్రభుత్వం తీపి కబురు అందించింది. రాష్ట్రవ్యాప్తంగా సుదీర్ఘ కాలంగా పెండింగ్‌లో ఉన్న 46,113 వ్యవసాయ విద్యుత్ కనెక్షన్ల మంజూరుకు గ్రీన్ సిగ్నల్ ఇస్తూ సోమవారం (మార్చి 2)  ఉత్తర్వులు జారీ చేసింది. సాగు సీజన్ ప్రారంభానికి ముందే ఈ నిర్ణయం తీసుకోవడం పట్ల రైతుల్లో  హర్షాతిరేకాలు వ్యక్తమౌతోంది.

ఈ నెలాఖరులోగా దరఖాస్తులన్నింటికీ అనుమతులు ఇచ్చి, మరో రెండు నెలల్లోగా కనెక్షన్ల ప్రక్రియను పూర్తి చేయాలని డిస్కంలకు  ప్రభుత్వం స్పష్టమైన ఆదేశాలు జారీ చేసింది. ఈ ప్రాజెక్టు కోసం దాదాపు  250 కోట్ల రూపాయలను ప్రభఉత్వం ఖర్చు చేయనుంది. ఈ ప్రాజెక్టు కోసం ప్రత్యేకంగా పదివేల కొత్త ట్రాన్స్‌ఫార్మర్లను కేటాయించనుంది.

పెండింగ్ కనెక్షన్లన్నీ త్వరితగతిన ఆన్‌లైన్‌లోకి తీసుకురావాలని ఇంధన శాఖ మంత్రి గొట్టిపాటి రవికుమార్ అధికారులను ఆదేశించారు. రాష్ట్రంలో ఇప్పటికే  22.30 లక్షల కనెక్షన్లు ఉండగా, తెలుగుదేశం కూటమి   ప్రభుత్వం అధికారంలోకి వచ్చిన తరువాత కొత్తగా 1.12 లక్షల కనెక్షన్లను మంజూరు చేసిన సంగతి తెలిసిందే. దీంతో రాష్ట్రంలో వ్యవసాయ విద్యుత్ కనెక్షన్ల సంఖ్య 46 వేల 113కు చేరింది.