స్పెయిన్, రష్యా వంటి  కొన్ని దేశాల్లో పట్టపగలే చిమ్మ చీకట్లు కమ్ముకున్నాయి. ఆకాశంలో నక్షత్రాలు మెరిశాయి. పగలే రాత్రిగా మారిపోయింది. ఈ పరిస్థితి నిముషాల పాటే ఉన్నా.. వీక్షించిన వారందరికీ జీవితంలో మరచిపోలేని అనుభూతిని మిగిల్చింది. ఎప్పుడో ఓ సినీ కవి పగలే వెన్నెలా, జగమే ఊయల అంటూ రాసిన పాటు ఆయా దేశాలలో వారికి అనుభవంలోకి వచ్చింది. ఈ ఖగోళ వింతకు కారణం సంపూర్ణ సూర్య గ్రహణం.  

భూమికి,  సూర్యుడికి మధ్య   చంద్రుడు ఒకే సరళరేఖపైకి రావడం వల్ల ఈ సంపూర్ణ సూర్యగ్రహణం ఏర్ప డింది. సూర్యుడి నుంచి వచ్చే వెలుగును చంద్రుడు పూర్తిగా అడ్డుకోవడంతో భూమిపైకి సూర్యకాంతి కనిపించకుండా పోయింది.  గ్రీన్‌లాండ్, ఐస్‌లాండ్, ఉత్తర రష్యా, స్పెయిన్, పోర్చుగల్ దేశాల్లో  ప్రాంతాల్లో ఈ సంపూర్ణ సూర్యగ్రహణం స్పష్టంగా దర్శనమిచ్చింది. ఈ ప్రాంతాల్లో ఏకంగా 2 నిమిషాల 18 సెకన్ల పాటు   అక్కడి ప్రజలు పట్టపగలే చిమ్మ చీకట్లు అలుముకున్న అద్భుతాన్ని ఆస్వాదించారు.   అయితే  ఈ  సంపూర్ణ సూర్యగ్రహణం భారత్‌లో మాత్రం కనిపించలేదు. ఇందుకు కారణం సూర్యగ్రహణం ఏర్పడిన సమయంలో ఇండియాలో రాత్రి వేళ కావడమే.   

 Dark in broad sunlight,  solar eclipse 2026, europe solar eclipse, spain, turns day into night