ఏపీలో ప్రత్యేకహోదాపై నిరసన దీక్షలు మొదలయ్యాయి. అనంతపురం జిల్లాలో ఈరోజు ఉదయనుండి ప్రత్యేక హోదా సాధన సమితి రిలే దీక్షలు చేపట్టాయి. ఈ దీక్షకు వైసీపీ నేతలు అనంత వెంకటరామిరెడ్డి, గురునాథ్ రెడ్డి, విశ్వేశ్వరరెడ్డితో పాటు వామపక్షాలు, విద్యార్ధి సంఘాలు మద్దతు పలికాయి. దీంతో అక్కడ ఉద్రిక్తత వాతావరణం నెలకొంది. భారీగా నెలకొన్న ఈ ర్యాలీని పోలీసులు మార్గమధ్యంలోనే అడ్డుకున్నారు. ఈ సందర్భంగా ఇరువర్గాల మధ్య తీవ్ర వాగ్వాదం చోటుచేసుకుంది. ముందుకు కదలనిచ్చేది లేదని పోలీసులు తేల్చిచెప్పగా, అడ్డగింతను సహించేది లేదని వామపక్ష కార్యకర్తలు బారికేడ్లను ఎక్కేశారు. దీంతో అక్కడ హైటెన్షన్ వాతావరణం చోటుచేసుకుంది.