‘స్నేహ’ డెలివరీ... నల్లపిల్ల పుట్టింది!

దేశంలో అరుదైన తెల్ల పులుల సంఖ్య గణనీయంగా తగ్గిపోయింది. ఈ నేపథ్యంలో ఈ పులి జాతి సంతతిని పెంచడానికి అటవీ శాఖ అధికారులు ప్రయత్నాలు చేస్తున్నారు. తెల్లపులి జాతిని అంతరించిపోతున్న జాతి జాబితాలో చేర్చి వాటిని సంరక్షిస్తున్నారు. ఈ నేపత్యంలో భువనేశ్వర్‌లోని నందన్ కనన్ బయోలాజికల్ పార్కులో ‘స్నేహ’ అనే తెల్లపులి నాలుగు కూనలకు జన్మ ఇచ్చింది. ఈ నాలుగు కూనల్లో ఒక నల్ల రంగు కూన కూడా వుండటం విశేషం. ఇప్పటికే సిమిలిపాల్ పులుల సంరక్షణ కేంద్రంలో నల్లరంగు పులులు వున్నాయి. జూలో వున్న తెల్లపులికి నల్లటి పులిపిల్ల పుట్టడం ఇదే ప్రథమమని జూ క్యూరేటర్ చెబుతున్నారు.