వరంగల్ ఉప ఎన్నిక.. టీడీపీ, బీజేపీ పోటాపోటిగా బరిలో

వరంగల్ లోక్ సభ నియోజక వర్గ ఉప ఎన్నిక స్థానానికి షెడ్యూల్ విడుదలైందని విదితమే. అయితే ఎప్పటినుండో ఎదురుచూస్తున్న ఈ ఉప ఎన్నిక స్థానానికి పార్టీలు బానే పోటీపడుతున్నాయి. మరోవైపు మిత్రపక్షంగా ఉన్న టీడీపీ, బీజేపీ పార్టీలు కూడా ఈ నియోజక వర్గం నుండి పోటీ చేయడానికి పోటీపడుతున్నాయి. రెండు పార్టీలు ముందు నుండీ పొత్తులో భాగంగా ఆస్థానం నుండి పోటీ చేయాలనీ అనుకున్నారు కానీ.. తీరా ఎన్నికల తేదీ వెల్లడయ్యే సరికి ఇరు పార్టీల కార్యకర్తలూ కూడా తమ అభ్యర్థే రంగంలో ఉండాలని పట్టుపడుతున్నాయి. దీనిలో భాగంగానే టీ టీడీపీ నేతలు ఎన్టీఆర్ భవన్ లో సమావేశమవ్వగా.. బీజేపీ నేతలు వారి కార్యలయంలో సమావేశమయ్యారు. ఈ సమావేశంలో ఇరు పార్టీలు ఈ ఉప ఎన్నికపై చర్చించనున్నారు. కాగా మెదక్ లోక్ సభ.. రెండు ఎమ్మెల్సీ స్థానాల ఎన్నికలప్పుడు టీడీపీ మిత్రధర్మం వహించిందని.. ఇప్పుడు బీజేపీ కూడా అలానే పాటించాలని టీడీపీ గుర్తుచేస్తుంది. మరి ఏం జరుగుతుందో చూడాలి.