నయన్ తో శ్రీశాంత్ వివాహం

ఐపిఎల్ మ్యాచ్ ఫిక్సింగ్ కేసులో జైలుకు వెళ్లిన బెయిల్ పై బయటకు వచ్చిన క్రికెటర్ శ్రీశాంత్ త్వరలోనే పెళ్లి చేసుకోబోతున్నాడు. శ్రీశాంత్ వివాహం గురువాయూర్ లోని శ్రీ కృష్ణ ఆలయంలో డిసెంబర్ 12న జరగనుందని శ్రీశాంత్ తల్లి సావిత్రి దేవి తెలిపారు. రాజస్థాన్ కు చెందిన ఓ రాయల్ కుటుంబానికి చెందిన నయన్ తో శ్రీశాంత్ వివాహం జరగనుంది. వీరిద్దరూ గతకొద్ది సంవత్సరాలుగా ప్రేమించుకుంటున్నారు. శ్రీశాంత్ జైలుకి వెళ్ళిన సమయంలో నయన్ ఆసరాగా నిలిచి, తన ప్రేమను చాటుకుంది. దాంతో వీరి ప్రేమను అర్థం చేసుకున్న పెద్దలు కూడా ఒప్పేసుకున్నారు. శ్రీశాంత్ పెళ్లి వివరాలు త్వరలోనే మరిన్ని తెలియనున్నాయి.