హైదరాబాద్, సికింద్రాబాద్ లో కేబుల్ టీవీ పన్ను

హైదరాబాద్, సికింద్రాబాద్ జంట నగరాల్లో ఇక కేబుల్ టీవీ పన్ను వసూలు చేయబోతున్నారు. కేబుల్ ఆపరేటర్లు వినోదపన్ను చెల్లించాలన్న చట్టం ఎప్పటి నుంచో ఉన్నా ఇప్పటివరకూ దాన్ని అమలుచేయని జీహెచ్ఎంసీ అధికారులు... ఇకనుంచి పన్ను వసూలుకు సన్నాహాలు చేస్తున్నారు. గ్రేటర్ అధికారులు చెబుతున్న దాని ప్రకారం కేబుల్ ఆపరేటర్లు 20శాతం పన్ను చెల్లించాల్సి ఉంటుందని, దాంతో వినియోగదారులపై కేబుల్ ఆపరేటర్లు అదనపు భారం వేసే అవకాశముందని అంటున్నారు, ఈ లెక్కన 24లక్షల కేబుల్ టీవీ కనెక్షన్లు, 4లక్షల డీటీహెచ్ కనెక్షన్ల ద్వారా జీహెచ్ఎంసీకి పెద్దమొత్తంలోనే ఆదాయం వస్తుందని అంచనా వేస్తున్నారు