LATEST NEWS
India is playing like champions in fourth and last test match against Australia. The visitors got all out by scoring just 137 runs in the second innings, giving India a target of 106 runs to win the test match as well as the series. At the end of the day, India is wicket less for 19 runs. Both the openers KL Rahul and Murali Vijay have played well not to lose any wicket. In fact, this will help the team psychologically to play strong tomorrow. As well as India bowled in the second innings, they owe a lot of this to the batting of Jadeja and Saha. There was great application and temperament shown by both. Jadeja joined Kohli, Vijay and Rahul with six scored of 50 or above scores this home season. Then Umesh Yadav was sensational. The other bowlers then did their job to give India only 106 to chase. Let’s hope, India will complete the formalities before the lunch to seize the Border-Gavaskar trophy.
Debutante Kuldeep Yadav leads India off the field after having brought them right back in to the Test today. India were looking at a world of pain when Australia ran away to 130 for 1 at the Lunch, but this has been an amazing comeback. Australia's tail hung in to take them to 300 on an interesting pitch that has kept both quicks and spinners interested without really looking unplayable. Kuldeep took four wickets for 68 runs. Australia's captain Steven Smith motored to his third century of the series - one of only six visiting batsmen to score that many in India - but was left without significant top-order support, as the Indian debutant Kuldeep Yadav weaved a wrist spinner's web around the tourists on the first afternoon of the decisive fourth Test in Dharamsala. Kuldeep Yadav was actually roped in place of Captain Virat Kohli who couldn’t play the test match owing to injury in last match. It will be interesting to see how Indian batsmen will play on the pitch which has something for the bowlers.
Superstar Rajinikanth is in dilemma whether to enter politics or not. In fact, his contemporary Chiranjeevi’s bad experience is politics is making him think numerous times. There have been various stories about Rajini’s political entry, post Tamil Nadu former chief minister Jayalalithaa’s death. Some reported that, he would join Bharatiya Janata Party; few predicted he would support Panneerselvam and others forecasted he may launch his own party. Condemning all the reports, Rajinikanth stated that, he will not support any party in the next elections in the state. “My support is for no one in the coming elections,” informed Rajinikanth. This statement would bother BJP biggies who thought the superstar would back their party in Tamil Nadu. Narendra Modi also had an opinion of it would be better for BJP if Rajinikanth would be face of the party in the state. Unfortunately, Rajini is not keen on joining politics or supporting any party for now. On the work front, Rajinikanth is presently busy wrapping up the most prestigious project Robo 2.0 which is slated for release during Diwali.
ALSO ON TELUGUONE N E W S
Megastar Chiranjeevi and Victory Venkatesh are very good friends since ages. Venkatesh was the guest at Ugadi special show of Chiranjeevi’s Meelo Evaru Koteeswarudu. Venkatesh made an interesting revelation during the program. “During an event I, Ram Charan and Salman Khan were having blast. I told Charan that, we both (Venky and Salman) want to feature in a special song in Khaidi No 150. However, I couldn’t make my promise as I was injured and advised rest. On the other hand, Salman too was busy with other commitment. It would be a cherish moment for all of us, if our plan was executed perfectly.” Chiranjeevi was stunned with what Venky revealed to him. Expressing his joy, Chiru stated, “It would really be a blast, if you both had acted in cameos in the film.” Interim, Chiranjeevi watched Venkatesh’s upcoming film Guru couple of days ago and he is said to have loved the film which is releasing tomorrow.
Young hero Nithin has been growing as a hero by choosing different film every time. His forthcoming film ‘Lie’ with director Hanu Raghavapudi is also going to be another special film for the actor. On the eve of Nithin’s birthday today, makers of the film have unveiled first look posters. Nithin is looking cool and stylish best even with heavily grown beard. The director defines LIE as “Love Intelligence Enmity”. Billed to be a romantic entertainer, Nithin’s look raises expectations on the film made under 14 Reels Enetertainment Banner. The film is due for release in summer.
ప్రస్తుతం తెలుగులో టాప్ హీరో ఎవరంటే, గుక్క తిప్పుకోకుండా ప్రతి ఒక్కరు చెప్పే పేరు పవన్ కళ్యాణ్. హిట్లు, ప్లాపులతో సంబంధం లేకుండా, ఫాన్స్ ఫాలోయింగ్ విషయంలో అందరిని మించి ముందున్నాడు. ఈ మధ్యే విడుదలయిన కాటమరాయుడు యావరేజ్ టాక్ తో మొదటి వారంలోనే 50 కోట్లు పై చిలుకు వసూళ్లు రాబట్టనుంది. అదే ఇంకొకరయితే, పరిస్థితి ఇంకోలా ఉండేది. త్వరలో సినిమా సన్యాసం పుచ్చుకుంటానన్న పవన్ కళ్యాణ్ తో పని చేయాలని టాప్ డైరెక్టర్లు, ప్రొడ్యూసర్లు క్యూలు కడుతున్నారు. అయితే, పవన్ మాత్రం ఎవరితో చేసిన ఇంకో రెండు సినిమాలు మించి తీయకూడదని భీష్మించుకొని కూర్చున్నాడు. తన తదుపరి చిత్రం త్రివిక్రమ్ శ్రీనివాస్ ది పోనూ, పవన్ చేసేది ఇంకా ఒక్క సినిమా మాత్రమే. తమిళ దర్శకుడు నీసన్ తో ఏయం రత్నం నిర్మాణంలో పవన్ ఒక సినిమా చేయాల్సి ఉంది. కానీ, ఈ సినిమా క్యాన్సల్ అయినట్టు వార్తలొస్తున్నాయి. దీనికి ప్రధాన కారణం, యూవీ క్రియేషన్స్ వాళ్ళు పవన్ కి బంపర్ ఆఫర్ ఇవ్వడమే. పవన్ కళ్యాణ్ కేవలం 40 రోజుల కాల్ షీట్స్ ఇవ్వగలిగితే, రోజుకి ఒక కోటి చొప్పున 40 కోట్ల రెమ్యూనరేషన్ ఇవ్వడానికి సిద్దమయ్యారంట. ఆఫర్ టెంప్టింగ్ గా ఉండడంతో పవన్ కళ్యాణ్ కూడా ఒప్పుకున్నాడట. కందిరీగ ఫేమ్ సంతోష్ శ్రీనివాస్ దర్శకత్వం వహించనున్న ఈ సినిమా, త్రివిక్రమ్ మూవీ తర్వాత పట్టాలకెక్కనుంది. ఏదేమైనా 40 కోట్లు పారితోషికం అంటే మాములు విషయం కాదు. ఇది నిర్మాతలకి పవన్ మీద ఉన్న అపారమైన నమ్మకం గా చెప్పుకోవచ్చు!
అలనాటి నటి సావిత్రి జీవిత కథ ఆధారంగా దర్శకుడు నాగ్ అశ్విన్ మహానటి అనే సినిమా తీస్తున్న విషయం మనందరికీ విదితమే. కీర్తి సురేష్ మహానటి పాత్ర పోషిస్తుండగా, సమంత ని ఒక ముఖ్యమైన పాత్రకి తీసుకున్నారు. ఈ ప్రతిష్టాత్మక చిత్రంలో సావిత్రి భర్త జెమినీ గణేశన్ పాత్ర ఎవరు పోషించనున్నారు అనే విషయంలో రక రకాల వార్తలు వినిపిస్తున్నాయి. తమిళ హీరో సూర్యని ఈ పాత్ర కోసం అడిగారని తెలుస్తుంది. జెమినీ గణేశన్ జీవితం వివాదాల మయం. అందుకని, సూర్య కొన్ని మార్పులు చేర్పులు అడిగాడట. అయితే, దీనికి నాగ్ అశ్విన్ ఏం చెప్పాడనేది తెలియదు, కానీ ఒప్పుకుంటే మాత్రం తాను ఎంతో ఇష్టంతో రాసుకున్న కథ మార్చాల్సిన పరిస్థితి వస్తుంది. వాస్తవాలు పక్కకు పెట్టేసి, సావిత్రి జీవిత గాద ని కల్పిత గాధగా మార్చాల్సి వస్తుంది. చూద్దాం, అశ్విన్ సూర్య కోసం కథ మారుస్తాడా, లేక తాను అమితంగా ప్రేమించి రాసుకున్న కథకే ఓటేసి ఇంకో నాయకుడి కోసం చూస్తాడో!
  నాగార్జున తన తనయుడు నాగచైతన్యకు సవాల్ విసిరారంట. ఇంతకీ ఏం విషయంలో నాగార్జున.. నాగచైతన్యకు సవాల్ విసిరారు అనుకుంటున్నారా..? అది నాగచైతన్య సినిమా ఫస్ట్‌లుక్‌ విషయంలో. ఇంతకీ అసలుసంగతేంటంటే... కల్యాణకృష్ణ దర్శకత్వం వహిస్తున్న సినిమాలో నాగచైతన్య హీరో గా నటిస్తున్న సంగతి తెలిసిందే. అయితే ఈ సినిమాకు సంబంధించిన ఫస్ట్ లుక్ ను ఈరోజు ఉగాది పండుగ సందర్భంగా విడుదల చేయనున్నారు. కానీ ఈ ఈ సినిమాకు సంబంధించి రెండు ఫస్ట్‌లుక్‌లను ఒకేసారి విడుదల చేస్తున్నారట. ఒకేసారి రెండు ఫస్ట్‌లుక్స్‌ను విడుదల చేయబోతున్నట్టు తెలిపాడు చైతూ. దీనికి కారణం మొదట విడుదల చేయాలనుకున్న ఫస్ట్ లుక్ నాగార్జునకు అంతగా నచ్చలేదట. దాంతో ఆయన మరో ఫస్ట్‌లుక్‌ను సిద్ధం చేశాడట. దీంతో ఎవరు రెడీ చేసిన ఫస్ట్‌లుక్‌ను విడుదల చేయాలో తెలియక ఒకేసారి రెండు ఫస్ట్‌లుక్‌లను విడుదల చేసెయ్యాలని డిసైడ్‌ అయిపోయాడు. దీంతో ఎవరు డిసైడ్‌ చేసిన ఫస్ట్‌లుక్‌ ఆదరణ పొందుతుందో చూద్దాం అంటూ ట్విట్టర్‌ ద్వారా చైతూకు సవాల్‌ విసిరాడు నాగార్జున. మరి ఎవరు రెడీ చేసిన ఫస్ట్ లుక్ ఎక్కువ ప్రజాదరణ పొందుతుందో చూద్దాం.
  సినిమాల్లో… హీరో విలన్ని ఎన్ని సమస్యలు ఎదురైనా ఖచ్చితంగా ఓడిస్తాడు! ఓడించకుంటే అసలు హీరోనే కాడు! కాని, పాలిట్రిక్స్ లో అలా కుదరదు. ఇక్కడ ఒక్కో చోట, ఒక్కోసారి ఒకరు హీరో అయితే… మరోకరు విలన్! ఆ విలనే హీరో అయినప్పుడు … హీరో కాస్తా విలనైపోతాడు! అందుకే, పాలిటిక్స్ లో ఎవ్వరూ ఎవ్వరితోనూ శాశ్వతంగా కొట్టుకోరు. తిట్టుకోరు. అలాగని, దాడి చేసుకోకుండా కూడా వుండరు!   కాటమరాయుడు సినిమా చూసి సూపర్ అన్నాడు … టీఆర్ఎస్ పార్టీ చినరాయుడు! అవును… కేసీఆర్ తనయుడు, టీఆర్ఎస్ నెంబర్ టూ నేత… కేటీఆర్ పవన్ సినిమాని మెచ్చుకున్నాడు. అంతే కాదు, పంచెలు కట్టి పంచ్ లు విసిరిన పవన్ కళ్యాణ్ నేతన్నలకు కూడా మంచి చేశాడని కితాబునిచ్చాడు కేటీఆర్! ఇంత వరకూ పాలిటిక్స్ ఏం లేదు కానీ… అసలు మ్యాటర్ తెరపైన కాటమరాయుడు  చూడటంలో లేదనీ… తెర వెనుక జరుగుతోన్న తతంగంలో వుందనీ అంటున్నారు విశ్లేషకులు!   టీఆర్ఎస్ కి , వపన్ కళ్యాణ్ కి పెద్దగా పడదని ఇప్పుడు మనం చెప్పుకోవాల్సిన పని లేదు. గత ఎన్నికల్లో కేసీఆర్ ఘాటుగానే విమర్శించారు పవర్ స్టార్ ని. అయితే, గత కొంత కాలంగా టీఆర్ఎస్ పవన్ ని టార్గెట్ చేయటం మానేసింది. అలాగే, పవన్ కూడా ఏపీ మీద దృష్టి పెట్టి తెలంగాణను ప్రస్తావించటం లేదు. ఇక టీఆర్ఎస్ నైతే పల్లెత్తు మాటని చాలా రోజులే అయిపోయింది. ఇలాంటి గివ్ రెస్పెక్ట్, టేక్ రెస్పెక్ట్ ఫార్ములా ఎందుకు అమలవుతోంది? తాజాగా కేటీఆర్ , పవన్ ల సెల్ఫీ ఫ్రెండ్ షిప్ చూస్తే ఆల్రెడీ అనుమానిస్తోన్న వారి డౌట్స్ మరింత బలపడతాయి! వచ్చే ఎన్నికల్లో జనసేన జెండాలు టీఆర్ఎస్ కారుపై రెపరెపలాడనున్నాయా? అలాంటి అవకాశాలు పుష్కలంగా వున్నాయని కొందరంటున్నారు!   కాటమరాయుడు సినిమా చూసిన కేటీఆర్… సినిమా టికెట్ల గురించే కాకుండా పొలిటికల్ టికెట్స్ గురించి కూడా మాట్లాడారని గుసగుసలు వినిపిస్తున్నాయి. వచ్చే ఎన్నికల్లో తెలంగాణలో తమతో కలిసి పోటీ చేస్తే జనసేనకు తగినన్ని సీట్లు కేటాయిస్తామని ఆయన అన్నారట. తెలంగాణలో పవన్ పార్టీకి భారీగా సీట్లు గెలిచే అవకాశం ఎలాగూ లేదు కాబట్టి పొత్తు పెట్టుకుంటే టీఆర్ఎస్ క్యాడర్, బలం జనసేనకు కలిసి వస్తుందని అంచనా వేస్తున్నారు. అలాగే, పవన్ గ్లామర్, ఫాలోయింగ్ గులాబీ పార్టీకి అదనపు ఆకర్షణ అవుతుంది!   2019 ఎన్నికలకి ఇంకా రెండేళ్లు మిగిలి వున్నాయి కాబట్టి ఇటు పవన్ , అటు టీఆర్ఎస్ నాయకులు ఇప్పుడప్పుడే బయటపడే అవకాశం లేదు. పైగా అప్పటిలోగా ఇంకా బోలెడు మార్పులు రావచ్చు కూడా. నియోజకవర్గాల సంఖ్య పెరిగితే జనసేనతో పొత్తు టీఆర్ఎస్ కి మరింత ఈజీ అవుతుంది. కాబట్టి అంత వరకూ వెయిట్ అండ్ వాచ్ ఫార్ములానే ఇరు పార్టీలు వాడతాయి! అవసరమైతే వెయిట్ అండ్ వాచ్ పవన్ కళ్యాణ్ మూవీస్ అంటూ… కేటీఆర్ లాంటి నేతలు మళ్లీ మళ్లీ థియేటర్స్ కి కూడా రావచ్చు! ట్వీట్స్ కూడా చేయొచ్చు!
  ఒకసారి అధికారంలోకి రావటం వేరు. ఆ అధికారాన్ని అయిదేళ్ల తరువాత కూడా నిలబెట్టుకోవటం వేరు! రెండో పని సర్కస్ లో  తాడు మీద నడవటం లాంటి సాహస కృత్యం! అందరి వల్లా కాదు. అందుకే, చాలా రాష్ట్రాల్లో , కేంద్రంలో కూడా ప్రతీ అయిదేళ్లకు అదికారం చేతులు మారిపోతుంటుంది. అందుకు కారణాలు బోలెడు! మరీ ముఖ్యంగా, భారతదేశంలో కేవలం ఇచ్చిన హామీలు నిలబెట్టుకోకుంటేనే అధికారం కోల్పోతామని గ్యారెంటీ లేదు. ఒక్కోసారి హామీలు నెరవేర్చకపోయినా జనం అందలం ఎక్కిస్తారు. కాని, కొన్ని అత్యంత కీలకమైన విషయాలు మాత్రం ఫలితాల్ని తారుమారు చేసేస్తుంటాయి!   సమైక్యాంధ్రప్రదేశ్ ను అత్యంత సుదీర్ఘ కాలం పాలించిన సీఎంగా చంద్రబాబు రికార్డ్ సృష్టించారు. కాని, ఆయన 2004లో ఓడిపోయినప్పుడు కారణం ఏంటి? కరువు, రైతుల బాధలు వగైరా వగైరా వున్నప్పటికీ మరో ముఖ్య కారణం కూడా వుంది. అదే... ప్రభుత్వ ఉద్యోగుల్లో వ్యతిరేకత. కారణాలు ఏమైనా చంద్రబాబు మీద అప్పట్లో ఉద్యోగులు, అధికారులు గుర్రుగా వుండేవారు. అది కూడా వైఎస్ విజయానికి దోహదం చేసిందని కొందరు రాజకీయ పండితులు విశ్లేషించారు! అది ఎంత వరకూ నిజమో చెప్పలేం...   గతంలో బాబుకి ఉద్యోగుల సెగ తగిలిందో లేదో మనకు తెలియదు కాని... ఇప్పుడు మాత్రం ఆయన జాగ్రత్తగా వ్యవహరించాల్సిందే! ఎందుకంటే, కొత్తగా ఏర్పడ్డ ఏపీ కోసం గవర్నమెంట్ ఉద్యోగులు హైద్రాబాద్ వదిలి వచ్చారు. కట్టిన ఇల్లు, పెట్టిన పొయ్యి విడిచి వచ్చి అమరావతిలో ఇక్కట్లు పడుతున్నామని వారి భావన. రాష్ట్రాభివృద్ధి కోసం వాళ్లు అలా చేయాల్సిందే. వేరే మార్గం లేదు. కాని,అదే సమయంలో చంద్రబాబు ప్రభుత్వం కూడా ఉద్యోగులు, అధికారులు చేస్తున్న శ్రమని గుర్తించి మసులు కోవాలి. అలా కాకుండా వారిపై అనవసర ఒత్తిడి పెంచితే ఎన్నికల సమయంలో అనూహ్య ఫలితాలు రావచ్చు. ఒక్కోసారి జనం మన వైపు వున్నా ప్రభుత్వానికి జవసత్వాల్లాంటి ఉద్యోగులు సహకరించకుంటే సీఎం, మంత్రులు చేయగలిగింది ఏం లేదు!   విజయవాడలో రవాణశాఖ కమీషనర్ తో టీడీపీ నేతల వాగ్వాదం ఎంత మాత్రం సరైంది కాదు.ఒక ఎంపీ, ఎమ్మెల్యే, ఒక ఎమ్మెల్సీ మూకుమ్మడిగా అధికారిని టార్గెట్ చేయటం చాలా తప్పుడు సంకేతాల్ని పంపుతుంది ప్రభుత్వ యంత్రాంగానికి. నిజంగా అధికారి తప్పే వున్నా హ్యాండిల్ చేసే పద్ధతి అలా వుండకూడదు. రూల్స్ ప్రకారం ఆఫీసర్ లని ప్రశ్నించే హక్కు ప్రజాప్రతినిధులకి వుంటుంది. ఇక తాజాగా జరిగిన ఉదంతంలో అయితే టీడీపీ నేతలదే తప్పని చంద్రబాబు కూడా డిసైడ్ అయ్యారట. ఇంటలిజెన్స్ నివేదిక ప్రకారం టీడీపీ నేతల ప్రవర్తన సరిగ్గా లేదని నిర్ణయించుకున్నాకే వాళ్లని పిలిచి క్లాస్ తీసుకున్నారట సీఎం. ఆయన ఆదేశంలో టీడీపీ నాయకులు కమీషనర్ కి సారీ చెప్పటంతో సమస్య ఇప్పటికైతే సద్దుమణిగినట్టే!   రాష్ట్రంలో ఎక్కడో ఒక చోట ఒక అధికారితో నాయకుల గొడవ పెద్ద విషయం కాకపోవచ్చు. కాని, అధికారంలో వున్నప్పుడు ఇలాంటి సంఘటనలు ఎక్కువైతే జనంలోకి తప్పుడు సంకేతాలు వెళతాయి. అదీ కాక ప్రతిపక్ష నేత జగన్ కూడా పలు సందర్బాల్లో అధికారులపై నోరు చేసుకుంటున్నారు. అలాంటి సమయంలో వాళ్లలో భరోసా కల్పించాల్సిన అధికార పక్షం దురుసుగా, దూకుడుగా ప్రవర్తిస్తే అసలుకే మోసం వస్తుంది. కాబట్టి, సీఎంగా, అధికార పార్టీ నాయకుడిగా రెండు బాధ్యతలు నిర్వర్తిస్తోన్న చంద్రబాబు ముందు ముందు మరింత అలెర్ట్ గా వుండాలి. నిప్పు రాజుకున్నాక ఫైర్ ఫైటింగ్ చేయటం కన్నా... ముందే ఫైర్ సేఫ్టీ పాటిస్తే మంచిది!
  వ్యక్తిగతంగా మనకు ఎన్నైనా అభిప్రాయాలుండవచ్చు. కాని, ఒక బాధ్యత గల పదవిలోకి వచ్చాక మనం ఏం మాట్లాడినా జనం అ పదవి నేపథ్యంలోనే చూస్తారు. ఇది కాదనలేని సత్యం. కాని, చాలా మంది ప్రముఖులు పదే పదే ఒకే తప్పు చేస్తుంటారు. సరైంది అయినా, కాకపోయినా తమ ఒపీనియన్ కుండబద్ధలు కొట్టినట్టు చెప్పేస్తుంటారు. ఆ పని సామాన్యులు చేస్తే బాగానే వుంటుంది. కాని, ఒక స్థాయి వచ్చాక కూడా అలా చేస్తూ పోతే అనవసరపు రాద్ధాంతం తప్పదు!   జయశంకర్ భూపాలపల్లి జిల్లా కలెక్టర్ అకునూరి మురళి ఏం మాట్లాడారో అందరికీ తెలిసిందే! నిజానికి ఆయన మాట్లాడినదంతా మన దేశంలో భావప్రకటనా స్వాతంత్ర్యం కిందకి వస్తుంది. కాని, అసలు సమస్య ఒక కలెక్టర్ అయ్యి వుండీ అలా పబ్లిగ్గా మాట్లాడటం సబబా? అదీ ఒక కులాన్ని టార్గెట్ చేస్తూ బ్రాహ్మణిజం లాంటి పదాలు వాడటం, హిందూ మతాన్ని కించపరిచేలా పిచ్చి మాలాలు అనటం కరెక్టేనా? ఎవరో యూనివర్సిటీలో కూర్చుని మాట్లాడే మేధావి అయితే ఎవ్వరూ పెద్దగా ఆక్షేపణ పెట్టరు. కాని, మురళీ ఒక జిల్లాకి ప్రభుత్వం తరుఫున నియమింపబడ్డ కలెక్టర్. మరి ఆయన ఇలా ఒక వర్గం, ఒక మతం పట్ల అసహనంతో కూడిన మాటలు మాట్లాడితే ఎలా? వాటిలోని సారాంశం సరైందే అని ఒక క్షణం పాటూ భావించినా... చెప్పాల్సిన పద్ధతంటూ ఒకటి వుంటుంది కదా? పదాలు వాడేటప్పుడు ఆలోచించుకోవాలి కదా?   అసలు పెద్ద మాంసం తినండీ అని ఒక ప్రభుత్వ ప్రతినిధి అనవచ్చా? దాంట్లో వుండే లాభాలు ఎలా వున్నా మన దేశంలో రాజ్యాంగం ప్రకారం పశు సంపద ఖచ్చితంగా కాపాడబడాలి. గోవులు, బర్రెలు, ఎడ్లు వంటివి వదించటం కుదరదు. అయినా కూడా జనాల ఆహారపు అలవాట్ల ప్రకారం ఒక్కో రాష్ట్రంలో ఒక్కో స్థాయిలో కబేళాలు నడుస్తూనే వుంటాయి. గో సంరక్షణ బీజేపియేతర పార్టీలు అధికారంలో వున్న చోట్ల పెద్దగా జరగదనే విషయం అందరికీ తెలిసిందే. ఇక బీజేపి అధికారంలో వున్నా గోవా లాంటి రాష్ట్రాల్లో బీఫ్ పుష్కలంగా లభిస్తూనే వుంది. కాబట్టి గోవు, ఎద్దు, బర్రె మాంసాలు జనం అస్సలు తినలేకపోతున్నారన్నది అబద్ధం. అలాగే, కలెక్టర్ గారు అడవి పందిని కూడా వేటాడి తినండని పిలుపునిచ్చారు. అందులో పోషకాలు పుష్కలంగా వుంటే వుండవచ్చు గాక... కాని, ప్రత్యేకంగా తినమని ప్రొత్సహించటం ఎందుకు? తినమని చెప్పేవారు చెప్పినప్పుడు... వద్దని చెప్పే వారు కూడా తమ పని తాము చేస్తారు కదా? ఆ విషయంలో మాత్రం బ్రాహ్మణిజం అన్న పదం వాడుతూ... బ్రాహ్మణుల మీద అసహనానికి గురైతే ఎట్లా ? పోనీ ఇప్పటి వరకూ బ్రహ్మణులు గో మాంసం తినవద్దని ఎక్కడైనా దాడులు చేశారా? అలాంటి దాఖలాలు ఎక్కడా లేవు!   మురళీ మాట్లాడిన మాటల్లో అత్యంత  ఆక్షేపనీయ వ్యాఖ్యలు పిచ్చి మాలలు అనటం! దేవుడ్ని పూజించటం, మాలలు వేసుకోవటం జనం తాలూకూ వ్యక్తిగత స్వేచ్ఛ! దాన్ని ఎవ్వరూ విమర్శించటానికి లేదు. అలాగే, ఆయన చెప్పిన మాంసాహారం మానేయటం కూడా మాలలు వేసుకోవటం వల్ల ఆగిపోవటం లేదు. ఏ మాలైనా 40రోజులు వేసుకుంటారు. సంవత్సరంలోని మిగతా రోజులన్నీ మాంసాహారం తినటానికే చాన్స్ వుంది. మరప్పుడు హిందువుల మనోభావాలకు సంబంధించిన మాలలపై పిచ్చి మాలలు అన్న పద ప్రయోగం సమంజసమేనా? అసలు ఇలా వేరే మతాల వారి ఆచారాల్ని, సంప్రదాయాల్ని, వ్రతాల్ని, దీక్షల్ని కలెక్టర్ స్థాయిలో వుండి టార్గెట్ చేయగలరా?   వ్యాఖ్యలు చేసిన కలెక్టర్ మురళీ వెంటనే క్షమాపణలు కూడా చెప్పారు. దాంతో సమస్య సద్దుమణిగిందనే చెప్పొచ్చు. కాని, ప్రభుత్వ ప్రతినిధులుగా వున్న వారు ఇక నుంచైనా బాధ్యతగా సరైన పదాలు ఎంపిక చేసుకుని తమ భావాలు వ్యక్తం చేస్తే బావుంటుంది! అదే వారి స్థాయికి హుందాగా వుంటుంది. సమాజానికి కూడా లాభదాయకంగా వుంటుంది!
మన దేశంలో అత్యంత అరుదుగా కనిపించే మంచి పొలిటీషన్స్ ని పక్కన పెడితే .. దుర్మార్గ రాజకీయ నతేలు రెండు రకాలు! మొదటి రకం బాగా చదువుకున్నట్టు కనిపిస్తూ వ్యవస్థని నిర్వీర్యం చేసే అవినీతిపరులు. ఇక రెండో రకం, ఖద్దర్ బట్టలు వేసుకుని చట్ట సభల్లోకి జొరబడ్డ రౌడీలు, గూండాలు! తాజాగా దేశ రాజధాని ఢిల్లీలో రచ్చ రచ్చ చేశాడు ఈ రెండో రకం నాయకుడుగారు!   అసలు మన దేశంలో ఏదైనా పార్టీ చితక్కొట్టుడు రాజకీయం బాగా ఒంటబట్టించుకుందంటే... అది శివసేననే! ఒకప్పుడు బాలాసాహెబ్ థాక్రే వుండగా ఆ పార్టీ వారు ఉత్తరాది వార్ని ఉతికి ఆరేస్తూ వుండేవారు. అది ఖచ్చితంగా తప్పే అయినా మరాఠీల సంక్షేమం కోసం పోరాడుతోందని భావించి కొందరు చూసి చూడనట్టు సహించే వారు. కాని, రాను రాను శివసేన అరాచకాలు మరీ శృతీ మించిపోయాయి. దానికి తోడు మహారాష్ట్రాలో పుట్టుకొచ్చిన రాజ్ థాక్రే పార్టీ ఎంఎన్ఎస్ కూడా వీలున్నప్పుడల్లా వీపులు విమానం మోత మోగిస్తుంటుంది! అదీ ఎవరో అమాయకుల్ని చూసుకుని మాత్రమే! బలమైన రాజకీయ ప్రత్యర్థుల్ని ఈ శివసేన, ఎంఎన్ఎస్ నేతలు ఒక్కసారన్నా ఇరగొట్టిన పాపాన పోలేదు. వీరి ప్రతాపం అంతా పేద, మిడిల్ క్లాస్ జనాల మీదే!   శివసేన నుంచి ఎంపీగా ఎన్నికైన నాయకుడు రవీంద్ర గైక్వాడ్. ఈయన పూణే నుంచి ఢిల్లీ వచ్చాడు. అయితే, విమానంలో తనకు ఎగ్జిక్యూటివ్ క్లాస్ లో సీట్ ఎందుకు ఇవ్వలేదని వాదన పెట్టకున్నాడు ఫ్లైట్ లోని స్టాఫ్ తో. ఆ వివాదంలో ఎవరి తప్పు వుందో దేవుడికే తెలియాలి కాని... అతి కష్టం మీద గైక్వాడ్ ని విమానం నుంచి కిందకు దించారు. తరువాత ఇందిరా గాంధీ ఎయిర్ పోర్ట్ నుంచి బయటకు వెళుతుండగా మరోసారి వాదన మొదలుపెట్టాడు ఎంపీ గైక్వాడ్. 61 ఏళ్ల కస్టమర్ సర్వీస్ అధికారితోటి మాటా మాటా పెరిగింది. ఇక మనోడు రెచ్చిపోయి... తన మరాఠా పాలిటిక్స్ స్టైల్లో చెప్పు తీసి ఆ ఉద్యోగిని కొట్టడం మొదలు పెట్టాడు. ఒక్కసారి కాదు... ఏకంగా పాతిక సార్లు చితక్కొట్టాడు! ఇదంతా ఏదో తప్పుడు ప్రచారం అనుకోటానికి కూడా లేదు. గైక్వాడ్ స్వయంగా ఒప్పుకున్నాడు కూడా!   రవీంద్ర గైక్వాడ్ తాను ఎయిర్ ఇండియా ఎంప్లాయిపై చెప్పుతో దాడి చేసిన సంగతి సగర్వంగా ఒప్పుకోవటమే కాదు.. ఎలాంటి పశ్చాత్తాపం ప్రదర్శించలేదు కూడా! మీడియా ముందు ఎలాంటి క్షమాపణ చెప్పే ప్రసక్తే లేదని ఢంకా బజాయించాడు! ఈయనగారు ఇలా చేయటం మొదటి సారి అనుకోకండి! గౌరవనీయ ఎంపీ గైక్వాడ్ గారు రెండ్రోజులు క్రితమే ఒక డీఎస్పీ మీద ఇష్టం వచ్చినట్టు మరాఠీలో కేకలు వేశాడు. ఆ వీడియో కూడా ఇప్పుడు నెట్ లో చక్కర్లు కొడుతోంది!    శివసేనలో గైక్వాడ్ లో లాంటి నాయకులు, కార్యకర్తలు బోలెడు మంది! ఇక మిగతా పార్టీల సంగతి కూడా బెటర్ గా ఏం లేదు. కాకపోతే , శివసేన, ఎంఎన్ఎస్ ల మాదిరిగా పబ్లిక్ గూండాగిరి చేయకపోవచ్చు. అంతే తప్ప మన దేశంలో ఈ రౌడీ కల్చర్ అన్ని పార్టీలకు, అన్ని ప్రాంతాలకు వ్యాపించింది. టోల్ గేట్ల వద్ద నుంచీ ఎయిర్ పోర్ట్ ల వరకూ ఎక్కడ పడితే అక్కడ మన నేతలు తమ స్థాయి మరిచి రచ్చ చేస్తుంటారు! ఎంపీలు, ఎమ్మెల్యేలు అయ్యాక కూడా పూర్వాశ్రమం వాసనలు వీర్ని వదలటం లేదు! దీనికి సరైన పరిష్కారం చట్ట సభల్లో వీరికి తగిన శిక్షలు పడటమే. క్రమశిక్షణ సంఘాలు గైక్వాడ్ లాంటి నేతల్ని గట్టిగా శిక్షించాలి. అప్పుడైనా కొంత బుద్ది రావొచ్చు!   తమ ఎంప్లాయి పై దాడి చేసిన గైక్వాడ్ ను శాశ్వతంగా తమ సర్వీసుల్లో తిరగకుండా బ్యాన్ చేద్దామనుకుంటోంది ఎయిర్ ఇండియా. దాని వల్ల గైక్వాడ్ కు వచ్చే నష్టమేం లేదు కాబట్టి ఆయన ప్రవర్తన మారుతుందని ఆశించలేం. ఇక ఇప్పటికే ఆయన వివరణ కోరిన శివసేన పార్టీ కూడా ... సదరు రౌడీ ఎంపీపై తీవ్రమైన చర్యలు తీసుకుంటుందని ఆశించనక్కర్లేదు! 
భారత్ లో అమరుల సంస్మరణ దినం జనవరి 30న జరుపుతారు. అధికారికంగా గాంధీజీ చనిపోయిన ఆ రోజు అమరుల త్యాగాలకు గుర్తుగా ఎంచుకున్నా మార్చ్ 23 మాత్రమే అందుకు సరైందని చాలా మంది భావిస్తుంటారు. ఉత్తరాదిలో షహీద్ దివస్ గా మార్చ్ 23ను పేర్కొంటారు. అందుకు కారణం... తల్లి భారతి దాస్య విముక్తి కోసం ముగ్గురు నవ యువకులు ప్రాణాలు త్యాగం చేసిన రోజు... మార్చ్ 23 కావటమే! 86 ఏళ్ల కింద వారి త్యాగంతో పావనమైన భూమి ఇవాళ్ల స్వతంత్ర దేశంగా వర్ధిల్లుతోందంటే అందులో వారు అందించిన ప్రేరణ ఖచ్చితంగా వుందని చెప్పాల్సిందే! ఇంతకీ భగత్ సింగ్, రాజ్ గురు, సుఖ్ దేవ్ ఎవరు? వాళ్లు చేసిన పోరాటం ఏంటి? మీకు తెలుసా...    భగత్ సింగ్ 12ఏళ్ల వయస్సులోనే జలియన్ వాలా బాగ్ మారణకాండని చూసి చలించిపోయాడు. 1919వ సంవత్సరంలో వందలాది మందిని డయ్యర్ కాల్పులు జరిపించి పొట్టనబెట్టుకున్నాడు. అది చూసి కదిలిపోయిన భగత్ జలియన్ వాలా బాగ్ లోని రక్తంతో తడిసిన మట్టిని సీసాలో దాచుకుని దేశం కోసం తపించి పోయేవాడు!భగత్ సింగ్ చిన్నప్పట్నుంచే సాయుధ పోరాటం గురించి మాట్లాడేవాడు. ఇంకా లోక జ్ఞానం లేని సమయంలోనే పొలాల్లో గన్నులు పెంచి బ్రిటీష్ వాళ్లని ఎదుర్కోవాలని అనేవాడట! ఆ విప్లవ ఆలోచనలు తరువాతి కాలంలో సోషలిజమ్, సోషలిస్టు విప్లవం గురించిన సాహిత్యం చదివాక మరింత పదునెక్కాయి! క్రమక్రమంగా కమ్యూనిజం వైపు ఆకర్షితుడైన భగత్ సింగ్ అంతిమంగా నాస్తికుడు, హేతువాది అయ్యాడు. అయితే, తన ఏకైక దైవం దేశమే అనుకున్న ఆయన ప్రపంచ ప్రఖ్యాత ఇన్ క్విలాబ్ జిందాబాద్ నినాదం అందించాడు. ఇన్ క్విలాబ్ జిందాబాద్ అంటే ... విప్లవం వర్ధిల్లాలి అని అర్థం!   1929లో భగత్ సింగ్ తన తోటి యోధులతో కలిసి ఢిల్లీలోని సెంట్రల్ అసెంబ్లీలో బాంబులు పేల్చాడు. అది ఎవ్వర్నీ చంపటానికి ఉద్దేశించిన ప్రయత్నం కాదు. కేవలం తమ పోరాటం వైపు ప్రపంచ దృష్టిని ఆకర్షించటం కోసం మాత్రమే! తరువాత భగత్ సింగ్ జైల్లో చారిత్రక ఆమరణ నిరాహార దీక్ష చేశాడు. ఖైదీలకు, స్వాతంత్ర్య సమర యోధులకు కనీస సౌకర్యాలు కల్పించాలని డిమాండ్ చేసి ...సాధించాడు!   మార్చ్ 23న ఒకే రోజు దేశం కోసం ప్రాణాలు అర్పించిన భగత్ సింగ్, రాజ్ గురు, సుఖ్ దేవ్ లలో రాజ్ గురుయే చిన్నవాడు. ఆయన వయస్సు కేవలం 22 మాత్రమే. భగత్ 23ఏళ్ల వాడు కాగా సుఖ్ దేవ్ 24ఏళ్ల వయస్సు వాడు. ఈ ముగ్గురిలో రాజ్ గురు మహారాష్ట్రా వాసి. పుట్టుకతో బ్రాహ్మణుడైనా సాయుధ పోరాటమే జాతి విముక్తికి పరిష్కారమని నమ్మాడు. గాంధీ అహింసా మార్గం, సహాయ నిరాకరణ విశ్వసించే వాడు కాదు. ఇవాళ్ల రాజ్ గురు జన్మస్థానమైన పూణే దగ్గర్లోని ఖేద్ ను రాజ్ గురు నగర్ గా పిలుస్తున్నారు! ముగ్గురిలో మూడోవాడైన సుఖ్ దేవ్ పంజాబ్ లోని లుధియానాకు చెందినవాడు. ఆయన కూడా సాయుధ పోరాటమే బ్రిటీష్ వారికి బుద్ది చెబుతుంది నమ్మేవాడు. అంతే కాదు, సుఖ్ దేవ్ మహాత్మ గాంధీకి ఆయన చేపట్టిన అహింసాయుత ఉద్యమాన్ని తిరస్కరిస్తూ లేఖ కూడా రాశాడు. తాము చేస్తున్న హింసాత్మక పోరాటాన్ని గాంధీజీ గుర్తించకపోవటాన్ని సుఖ్ దేవ్ తప్పుబట్టాడు.   భగత్, రాజ్ గురు, సుఖ్ దేవ్ లకు ఉరి శిక్ష పడటానికి కారణమైన హత్య జాన్ సాండర్స్ అనే బ్రిటీష్ పోలీస్ అధికారిది. నిజానికి వాళ్లు ముగ్గురూ ఆయన్ని చంపుదామని అనుకోలేదు. జేమ్స్ స్కాట్ అనే బ్రిటీష్ అధికారిని మట్టుబెడదామని భావించారు. కాని, పొరపాటున సాండర్స్ చనిపోయాడు. లాహార్లో భగత్, రాజ్ గురు, సుఖ్ దేవ్ లు సాండర్స్ ను చంపిన కేసులోనే వారికి ఉరిశిక్ష పడింది.    ఉరిశిక్ష అమలు చేస్తే జనం నుంచి తీవ్ర వ్యతిరేకత రావచ్చనే ఉద్దేశంతో ముగ్గురు వీరుల్ని బ్రిటీష్ ప్రభుత్వం ప్రకటించిన సమయాని కంటే 11గంటల ముందే మృత్యు దేవతకు అర్పించింది. అలా మార్చ్ 23, 1931న రాత్రి 7.30కి భగత్, రాజ్ గురు, సుఖ్ దేవ్ లు వీర స్వర్గం పొందారు. వారి పార్థివ దేహాల్ని రహస్యంగా జైలు గోడలకున్న కన్నాల్లోంచి బయటకు తరలించిన బ్రిటీష్ వారు అక్కడే దహనం చేసి... భస్మాన్ని సట్లెజ్ నదిలో కలిపేశారు! అలా వారి త్యాగం సింధూ నదికి ఉపనది అయిన సట్లెజ్ వున్నంత కాలం... భారతీయులు ఆ నది నీళ్లు తాగుతున్నంత కాలం చిరస్థాయిగా వుండిపోయింది!
  గంగ మనకు నది మాత్రమే కాదు. గంగ మనకు గంగమ్మ! ఆమె పాపాల్ని కడిగేసే పరమ పావని! అందుకే, గంగోత్రిలో గంగ పుట్టింది మొదలు గంగా సాగర్ అనే ప్రాంతంలో సముద్రంలో చేరే వరకూ మనకు గంగా తీరమంతా పుణ్య  క్షేత్రాలే! మరీ ముఖ్యంగా, కాశీ లాంటి చోట శివుడ్ని పూజించటం ఎంత ముఖ్యమో అంతే ముఖ్యం గంగలో మునగటం! ఇక గంగతో సమానంగా పూజలందుకునే యమున గురించి చెప్పేదేముంది? శ్రీకృష్ణుని రాసలీలలకు ప్రత్యక్ష సాక్షిగా భావిస్తారు యమునమ్మని! అయితే, ఇక మీదట గంగా, యమునలు భక్తులకు, ఆస్తికులకు మాత్రమే కాదు... లాయర్లకు, కోర్టులకు కూడా అమ్మలే! ఉత్తరాఖండ్ హై కోర్ట్ తాజా అభిప్రాయం ఇదే సంగతి చెబుతోంది! గంగా, యమునల గురించి ఉత్తరాఖండ్ హైకోర్ట్ మాట్లాడాల్సి రావటానికి కారణం... ఉత్తర్ ప్రదేశ్, ఉత్తరాఖండ్ మధ్య ఆస్తులు, అప్పుల పంపకాల గురించి దాఖలైన ఒక పిటీషన్! దాని పై విచారణ చేస్తున్న న్యాయమూర్తులు గంగ, యమున నదులు కేవలం నీటి ప్రవాహాలు కాదని అన్నారు. అవ్వి హిందువుల భక్తి, శ్రద్దలకి మూలమైనవి. అంటే,గంగ, యమున కూడా న్యాయస్థానం ముందు వ్యక్తులుగా అస్థిత్వం కలిగి వుంటాయి. వాటి తరుఫున బాధ్యత తీసుకున్న వ్యక్తులు వాదనలు వినిపించవచ్చు! అలాగే, వాటికి దేశంలోని అందరు పౌరులుకుండే హక్కులు కూడా వుంటాయి! ఈ విషయం చెబుతూ కోర్ట్ గంగా మయ్యా అంటారు అని కూడా తెల్పింది. అంటే, గంగను భారతీయులు తల్లిలా చూస్తారన్నమాట! గంగ, యమునల్ని ప్రత్యేక అస్థిత్వం గల ప్రాణులుగా పరిగణించాలి అని కోర్టు అనటం వెనుక చాలా అర్థమే దాగుంది. ప్రస్తుతం ఉత్తర భారతదేశానికి జీవనాడుల్లాంటి గంగా, యమునా నదులు తీవ్ర ప్రమాదంలో వున్నాయి. తీరం వెంబడి నివసించే జనం నిర్లక్ష్యం, లక్షలాదిగా తరలి వచ్చే భక్తుల విశృంఖలత్వం, కలుషితాల్ని ప్రవాహాల్లో కలిపేసే కర్మాగారాలు... అన్నీ కలిసి ఆ జీవనదుల జీవాన్ని హరించేస్తున్నాయి. వాటి బ్రతికే హక్కుని హరించేసి గంగా, యమునల అంతానికి ఆరంభం పలికేశాయి! ఈ క్రమంలోనే కేంద్ర ప్రభుత్వం చాలా రోజులుగా గంగా, యమునా రక్షణకి నడుం బిగించింది. కాని, మొన్నటి వరకూ యూపీలో, ఉత్తరాఖండ్ లో బీజేపి ప్రత్యర్థి పార్టీలు అధికారంలో వుండటంతో గంగా మ్యానేజ్ మెంట్ బోర్డ్ ఏర్పాటు కుదరలేదు. దీనిపై కూడా కోర్టు ఆగ్రహం వ్యక్తం చేసింది. త్వరలోనే నదుల సంరక్షణకి బోర్డ్ ఏర్పాటు చేయాలని సూచించింది. గంగా, యమునలు పునర్వైభవం పొందేలా చేస్తామని హామీ ఇచ్చిన మెదీ సర్కార్ ఇప్పుడు ఉత్తరాఖండ్ , ఉత్తర్ ప్రదేశ్ లలో కూడా తమ ప్రభుత్వాలే ఏర్పాడ్డాయి కాబట్టి ఏం చేస్తుందో వేచి చూడాలి! మన పురాణాలు, ఇతిహాసాలతో పాటూ కోర్టు కూడా గంగా, యమునలు సజీవ అస్థిత్వాలని, కోట్లాది జనం తాలూకూ విశ్వాసానికి మూలాలని ప్రకటించింది కాబట్టి పాలకుల బాధ్యత మరింత పెరుగుతుంది. దేశ సంపద, వారసత్వం లాంటి నదుల్ని ఎంతటి శ్రమైనా భరించి రక్షించుకోవాల్సిన అవసరం ఎంతైనా వుంది! వాటి కోసం కాకపోయినా.. మన అస్థిత్వం కోసమైనా...
అనగనగా ఓ రాకుమారి. ఆ రాకుమారి మనసులో ఏదో దిగులు. తన జీవితంలో ఏదో పొందలేకపోయానన్న బాధ. ఆ బాధతోనే నిరంతరం దేవుని ప్రార్థిస్తూ ఉండేది. తనకో దారి చూపమని ఆ భగవంతుని వేడుకునేది. ఒకసారి అలా తీవ్రమైన ప్రార్థనలో మునిగి ఉండగా ఆమెకు ఒక ఆకాశవాణి వినిపించింది. ‘నీ మనసులో ఉన్న వెతని తీర్చేందుకు నేను ముగ్గురు దేవదూతలను పంపుతాను. ఆ ముగ్గురులో ఎవరు నీకు శాంతిని కలిగించగలరో నువ్వే తేల్చుకో!’ అంటూ ఆ ఆకాశవాణి చెప్పింది.   ఆ మాటలు వినిపించినప్పటి నుంచీ ఆ రాకుమారి తన కోసం వచ్చే దేవదూతల కోసం ఎదురుచూడసాగింది. ఆకాశవాణి చెప్పినట్లుగా మర్నాడు రాత్రి ఆ రాకుమారి గది దగ్గరకి ఓ దేవదూత వచ్చి నిల్చొంది. ‘రా నేస్తం నాతో కలిసి కాసేపు ప్రయాణించు. నీ మనసుకి తృప్తి కలుగుతుందేమో చూద్దాము,’ అని చెప్పింది.   రాకుమారి ఆ దేవదూత మాటని నమ్మి తనతో ప్రయాణం సాగించింది. వారి ప్రయాణం నిజంగా ఓ అద్భుతం. ఆకాశ వీధులగుండా, బంగారు తాపడం చేసిన భవనాల పక్క నుంచీ, మిరుమిట్లు గొలిపే వజ్రాల కాంతిలో వారి ప్రయాణం సాగింది. ఆ వైభవాన్ని చూసేందుకు రాకుమారికి రెండు కళ్లూ సరిపోలేదు. కానీ ఆమె మనసులోని అసంతృప్తి మాత్రం అలాగే మిగిలిపోయింది. ‘ఎవరు నువ్వు! నీతో ఉంటే నా కళ్లకి తృప్తిగా ఉంది కానీ నా మనసు మాత్రం సంతోషంగా లేదు’ అని అడిగింది రాకుమారి. ఆ మాటలకు దేవదూత చిరునవ్వుతో... ‘నేను సంపదను, నేను ఎంతసేపు నీతో ఉన్నా నీకు తృప్తి కలగదు,’ అంటూ మాయమైపోయింది.   రెండో రోజు రాత్రి రాకుమారి చెంతకు మరో దేవదూత వచ్చింది. తనతో కలిసి ప్రయాణించమని రాకుమారిని ఆహ్వానించింది. అతనితో రాకుమారి బయల్దేరింది కూడా. సుదూర రాజ్యాల వైపుగా వారి ప్రయాణం సాగింది. దారి పొడుగునా వారిని చూసి ప్రజలు జేజేలు పలకసాగారు. ఆకాశం ఎత్తుల నుంచి పూలు వర్షం కురిసింది. కానీ రాకుమారి మనసులోని అసంతృప్తి మాత్రం అలాగే మిగిలిపోయింది. ‘ఎవరు నువ్వు! నీతో ఉంటే నాకు భలే గర్వంగా ఉంది. ఆ గర్వంతో ఒళ్లు గగుర్పొడుస్తోంది. కానీ మనసు మాత్రం ఇంకా చింతలోనే మునిగి ఉంది,’ అని అడిగింది రాకుమారి. ఆ మాటలకు బదులుగా దేవదూత దర్పంగా... ‘నేను కీర్తిని, నేను నీతో ఉంటే ఈ లోకం నీకు జేజేలు పలుకుతుంది. కానీ నీ మనసుకి తృప్తి కలుగుతుందో లేదో చెప్పలేను,’ అంటూ వెళ్లిపోయింది.   ఇక మూడో రోజు రాత్రి రాకుమారి విచారవదనంతో తన భవనంలో కూర్చుంది. బహుశా ఇవాళ వచ్చే దేవదూత కూడా తన అశాంతిని తొలగించలేదేమో అన్న నిరాశలో మునిగిపోయింది. అలా ఉండగా ఓ దేవదూత ఆమె దగ్గరకి వచ్చింది. ఆమె నడక చాలా నిదానంగా ఉంది. మొహంలో ముదుసలి ఛాయలు కనిపిస్తున్నాయి. కానీ ఆ ముడతల వెనుక ఏదో తెలియని ప్రశాంతత కనిపిస్తోంది. ఆమెని చూడగానే ఆమె వెనకాలే నడిచింది రాకుమారి. వాళ్లు గాలిలో తేలలేదు. బంగారపు భవనాల మీదుగా ఎగరలేదు. వారిని చూసిన జనం అసలు పట్టించుకోనేలేదు. పైగా తను నడుస్తున్న బాట ఏమంత సౌఖ్యంగా లేదని అనిపించింది రాకుమారికి. మధ్యమధ్యలో ఆమె శరీరాన్ని ముళ్లు గీరుకున్నాయి కూడా! అలా చాలా దూరం నడిచీ నడిచీ రాకుమారికి చెప్పలేని అలసట కలిగింది. కానీ ఆమె మనసు మాత్రం ఎందుకనో చాలా సంతోషంగా ఉంది. ‘ఏంటి ఈ వైరుధ్యం. నేను నీతో వచ్చి బావుకున్నది ఏమీ లేదు. అయినా నా మనసు ఎందుకనిలా సంతోషంలో తేలిపోతోంది. ఇంతకు ముందెన్నడూ ఎరుగని తృప్తి కలుగుతోంది,’ అని అడిగింది రాకుమారి. ‘నేను నిజానికి ప్రతినిధిని. నాతో ఉంటే నీ జీవితం సుఖంగా ఉంటుందని చెప్పలేను, ప్రజలు నిన్ను ఆదరిస్తారని అనుకోను. కానీ నీ మనసు మాత్రం ఎప్పుడూ సంతోషంగా ఉంటుంది. నీ బతుకు మీద నీకే గౌరవం ఏర్పడుతుంది,’ అని బయల్దేరింది దేవదూత.   రాకుమారి అశాంతికి ఎట్టకేళకు ఆ దేవదూత దగ్గర సమాధానం లభించింది. ఇక మీదట ‘సత్యం’ అనే మార్గానికే కట్టుబడి ఉండాలని నిర్ణయించుకుంది. (ప్రచారంలో ఉన్న కథ ఆధారంగా)     - నిర్జర.
  మన పండుగలని రెండు రకాలుగా అర్థం చేసుకోవచ్చు. ఒకటి- పూజలు, పిండివంటలతో హడావుడిగా సాగే భౌతికమైన ఆచారం, రెండు- ఆ పండుగ ద్వారా పెద్దలు మనకి చెప్పదలచిన జీవితసారం. మొదటి సందర్భాన్ని మనం పాటించినా పాటించకపోయినా రెండో సందర్భాన్ని మాత్రం అర్థం చేసుకోవడం చాలా ముఖ్యం. అలా ఉగాది నుంచి కూడా ఏమైనా మంచి విషయాలను నేర్చుకునే ప్రయత్నం చేస్తే, ఉగాది అణువణువూ ఏదో ఒక జీవితపాఠం కనిపిస్తూనే ఉంటుంది.   తైలాభ్యంగనం – ఉగాది రోజున లేవగానే నువ్వులనూనెతో స్నానం చేయాలని చెబుతారు పెద్దలు. ఒంటికి నువ్వులనూనెని పట్టించి, ఆపై సున్నిపిండితో నలుగుపెట్టుకుని స్నానం చేయడం వల్ల ప్రతి స్వేదరంథ్రమూ శుభ్రపడుతుంది. ఏ పండుగలో చేసినా చేయకున్నా ఉగాదినాడు మాత్రం ఈ ఆచారం పాటించితీరాలంటారు. ఉగాది మన సంవత్సరపు ఆరంభం కాబట్టి, ఆ రోజుని శుచిగా మొదలుపెట్టాలన్నది ఈ నియమం వెనుక సూచన కావచ్చు. శరీరం క్షణభంగురమే కావచ్చు! కానీ ఉన్న ఆ కాస్త కాలమూ దానిని ఆరోగ్యంగా, శుచిగా కాపాడుకోవాల్సిందే! మనసుని పరిశుద్ధంగా, శరీరాన్ని పరిశుభ్రంగా ఉంచుకోవాల్సిందే!   కాలమే దైవం – హిందువులకు ముక్కోటి దేవతలు ఉన్నారు. కానీ ఉగాది రోజున కాలమే దైవం. కొన్ని సందర్భాలలో కాలాన్ని కేవలం ‘సమయం’గా కాకుండా ఈ ప్రకృతిలోని సమన్వయాన్ని నెలకొల్పే శక్తిగా (రుతం) వేదాంతులు భావిస్తూ ఉంటారు. అంత లోతుల్లోకి వెళ్లకున్నా... జీవితంలో కాలం విలువని తెలియచేసే సందర్భంగా, కాలాన్ని విభజించే లెక్కగా ఉగాదిని చూడవచ్చు.   తీపిచేదుల కలయిక – జీవితమంటే కష్టసుఖాల కలయిక. వీటితో పాటు సంతోషం, కోపం, బాధ, వైరాగ్యం, గర్వం, వినయం... వంటి సవాలక్ష భావాలన్నీ మనిషిని పలకరిస్తూ ఉంటాయి. వీటన్నింటినీ అదుపులో ఉంచుకోవాలని, ఎటువంటి ఒడిదొడుకులనైనా ఎదుర్కోవాలనీ సూచించేదే ఉగాది పచ్చడి. అందుకే పులుపు, తీపి, వగరు, చేదు, ఉప్పు, కారం అనే ఆరురుచులతో కూడిన ఉగాది పచ్చడిని తినందే పండుగకి అర్థం లేదంటారు పెద్దలు.   పంచాంగ శ్రవణం – మన ప్రాచీనుల ఖగోళశాస్త్రానికి కాస్త నమ్మకాన్ని జోడిస్తే అదే పంచాంగం. రాబోయే సంవత్సరంలో రాజకీయం, వ్యవసాయం, వాతావరణం వంటి పరిస్థితులు ఎలా ఉంటాయో అన్న అంచనా ఎలాగూ ఉంటుంది! ఇక వ్యక్తిగతంగా ఆదాయవ్యయాలు, అవమానం రాజపూజ్యం వంటి వివరాలూ కనిపిస్తాయి. వీటిపట్ల నమ్మకం ఉన్నా లేకున్నా ఖర్చులను అదుపులో ఉంచుకోవాలనీ, ఏ సందర్భంలోనూ వినయాన్ని కోల్పోకూడదనీ పెద్దల సూచనగా భావించవచ్చు.   పరోపకారం – ఉగాది రోజున చలివేంద్ర పెడితే బోలెడు పుణ్యమని చెబుతారు. అలా కుదరకున్నా కనీసం నీటితో నిండిన కుండని దానం చేయమన్నారు. ఇక ఉగాదినాడు చెప్పులు, గొడుగు దానం చేసినా విశేష ఫలితాన్ని ఇస్తుందని చెబుతారు. ఎండాకాలంలో తోటివారికి నీరు, చెప్పులు, గొడుగులు అందించడాన్ని మించిన సాయం ఏముటుంది! మన స్తోమతను అనుసరించి కాలానుగుణంగా తోటివారికి సాయపడేందుకు సిద్ధపడాలన్న ఆశయం ఈ ఆచారంలో కనిపిస్తుంది.     - నిర్జర.
  ప్రపంచం విద్యుత్తు మీద విపరీతంగా ఆధారపడుతోందనీ, ఆ విద్యుత్తుని ఉత్పత్తి చేసే ప్రయత్నంలోనూ, విద్యుత్ పరికరాల వల్లా విపరీతమైన కాలుష్యం ఏర్పడుతోందని పరిశోధనలు రుజువు చేస్తున్న విషయం తెలిసిందే! ఈ విషయమై ప్రజల్లో అవగాహన కలిగించేందుకు 2004లో World wildlife fund (WWF) ఏదన్నా కార్యక్రమాన్ని చేపట్టాలనుకుంది. కానీ ఏం చేస్తే తాము చెప్పదల్చుకున్న విషయం ప్రజల్లోకి వెళ్తుందో ఆ సంస్థకి తెలియలేదు. చివరికి 2007లో ‘EARTH HOUR’ అనే ప్రచారం చేపట్టింది. ఒక గంటపాటు విద్యుత్ వాడకం లేకుండా చేయడమే ఈ ఎర్త్ అవర్ లక్ష్యం.   ఇలా 2007 మార్చి 31న సిడ్నీలో (ఆస్ట్రేలియా) సాగిన ఎర్త్ అవర్ కార్యక్రమం ప్రపంచం దృష్టిని ఆకర్షించింది. ఇక అప్పటి నుంచి ఈ ప్రయోగానికి తిరుగులేకుండా పోయింది. 2008లో ఈ కార్యక్రమంలో 35 దేశాలలోని 400 నగరాలు ఈ కార్యక్రమంలో పాలుపంచుకున్నాయంటే ఈ ఆలోచన ఎంత విజయవంతమైందో తెలిసిపోతుంది. అది మొదలు ఏటా ఎర్త్ అవర్కు ప్రచారం, ప్రాధాన్యత పెరుగుతూ వస్తున్నాయి. నేషనల్ జాగ్రఫిక్, గూగుల్ వంటి సంస్థలు ఒకొక్కటిగా ఎర్త్ అవర్ను ప్రచారం చేసేందుకు సిద్ధపడుతున్నాయి.     ఎర్త్ అవర్ వల్ల ఓ గంట పాటు విద్యుత్తు వాడకం తగ్గుతుంది. దీని వల్ల కొన్ని టన్నుల కొద్దీ కార్బన్ డై ఆక్సైడ్ గాల్లోకి చేరకుండా ఆపినవారవుతాం. అంతేకాదు! ఎర్త్ అవర్ని పాటించడం వల్ల ప్రజల్లో పర్యావరణం పట్ల స్పృహ పెరుగుతోందని తేలింది. ఒక అంచనా ప్రకారం ఎర్త్ అవర్ తర్వాత, ప్రజల్లో పర్యావరణాన్ని కాపాడుకోవాలనే తపన ఓ నాలుగు శాతం పెరిగిందట. చాలా సంస్థలు విద్యుత్తు పొదుపుని ఎర్త్ అవర్కే పరిమితం చేయకుండా... దీర్ఘకాలికంగా విద్యుత్తుని పొదుపు చేసే ప్రయత్నాలు మొదలుపెట్టాయట.   ఒక గంటసేపు విద్యుత్తు వాడకాన్ని తగ్గిస్తే ఏం ఒరుగుతుంది అని పెదవి విరిచేవారూ లేకపోలేదు. ఎర్త్ అవర్కు వ్యతిరేకంగా వీరు వినిపించే వాదనలూ లేకపోలేవు. ఎర్త్ అవర్ సమయంలో లైట్ల బదులు కొవ్వొత్తులను వెలిగించడం వల్ల వచ్చే కార్బన్ డై ఆక్సైడ్ సంగతి ఏంటి అని వీరు ప్రశ్నిస్తున్నారు. ప్రపంచాన్ని చీకటిలో మగ్గించే ఎర్త్ అవర్ సమయంలో నేరాలు, ప్రమాదాలు ఎక్కువయే ప్రమాదం ఉందని ఎత్తి చూపుతున్నారు.     ఎన్ని విమర్శలు ఎదురైనా ఎర్త్ అవర్ వెనుక ఉన్న ఉద్దేశం ఉన్నతమైనదే అని చాలామంది అభిప్రాయం. అందుకే ప్రభుత్వాలు సైతం ఇందులో పాలుపంచుకుంటున్నాయి. ఈఫిల్ టవర్, బకింగ్హామ్ ప్యాలెస్, ఒపెరా హౌస్ వంటి ప్రముఖ పర్యటక స్థలాలన్నీ ఎర్త్ అవర్లో పాలు పంచుకుంటున్నాయి. మన దేశంలోనూ ఎర్త్ అవర్కు ఏటా ప్రాచుర్యం పెరుగుతూ వస్తోంది. గత ఏడాది రాష్ట్రపతి భవన్లో సైతం ఎర్త్ అవర్ను పాటించారు. ఈ ఏడాది ఎర్త్ అవర్ను మార్చి 25 రాత్రి 8:30 నుంచి 9:30 వరకూ జరుపుకోవాలని WWF పిలుపునిస్తోంది. మరి ఈ పిలుపుని అందుకునేదెవరో. ఎవరో దాకా ఎందుకు! మనమే ఓ గంటపాటు ఇంట్లో వీలైనన్ని విద్యుత్ పరికరాలను నిలిపివేస్తే సరి! - నిర్జర.      
  ఐసీసీ టెస్టు ర్యాంకింగ్స్‌ ప్రకటించింది. ఈ ర్యాంకింగ్స్ లో టీమిండియా బౌలర్ రవీంద్ర జడేజాకు ప్రథమ స్థానం దక్కింది. స్పిన్నర్ మాంత్రికుడు అశ్విన్ జడేజా రెండో స్థానంలో నిలిచాడు. ఇక బ్యాట్స్‌మెన్‌ ర్యాంకింగ్స్‌లో ఆసీస్‌ సారథి స్మిత్‌ అగ్రస్థానాన్ని నిలబెట్టుకున్నాడు. న్యూజిలాండ్‌, ఇంగ్లండ్‌ ఆటగాళ్లు కేన్‌ విలియమ్సన్‌, జాయ్‌ రూట్‌ తర్వాతి స్థానాల్లో ఉన్నారు. కోహ్లీ మరో స్థానం దిగజారి ఐదో స్థానానికి పడిపోయాడు. ఆసీస్‌తో ముగిసిన టెస్టు సిరీస్‌లో రాణించలేకపోయిన కోహ్లీ టెస్టు బ్యాట్స్‌మెన్‌ ర్యాంకింగ్స్‌లో నాలుగో స్థానం నుంచి ఐదో స్థానానికి పడిపోయాడు. ఆల్‌రౌండర్ల జాబితాలో బంగ్లాదేశ్‌ ఆటగాడు షకీబ్‌ అగ్రస్థానంలో ఉన్నాడు.
  జీఎస్టీ బిల్లుకు లోక్ సభలో ఆమోద లభించిన సంగతి తెలిసిందే. అయితే జీఎస్టీ బిల్లుకు ఆమోదం పొందడం దేశీయ మార్కెట్లకు కలిసొచ్చినట్టుంది. స్టాక్ మార్కెట్లు ఈరోజు లాభాల్లో ముగిశాయి. మార్కెట్‌ ముగిసేసరికి సెన్సెక్స్‌ 116 పాయింట్లు పెరిగి 29,647 వద్ద స్థిరపడింది. నిఫ్టీ 30 పాయింట్ల లాభంతో 9,174 వద్ద ముగిసింది. దేశీయ స్టాక్‌ ఎక్స్ఛేంజ్‌లో అదానీ పోర్ట్స్‌, ఐషర్‌ మోటార్స్‌, గెయిల్‌, హెచ్‌డీఎఫ్‌సీ, ఇండస్‌ఇండ్‌ బ్యాంక్‌ షేర్లు లాభపడగా.. ఐడియా, బీహెచ్‌ఈఎల్‌, కోల్‌ఇండియా, బోష్‌ లిమిటెడ్‌, టాటాస్టీల్‌ షేర్లు స్వల్పంగా నష్టపోయాయి.
  ట్రిపుల్ తలాఖ్ పై సుప్రీంకోర్టులో ఎప్పటినుండో విచారణ జరుగుతున్న సంగతి తెలిసిందే. ట్రిపుల్ తలాక్ పై గత కొద్ది రోజులనుండి వ్యతిరేకిస్తున్నారు. దీన్ని రద్దు చేయాలని కోరుతూ పలువురు మహిళలు సుప్రీంకోర్టులో పిటిషన్లు కూడా వేశారు. ఇప్పుడు తాజాగా ట్రిపుల్ తలాక్‌పై వ‌చ్చిన  పిటిషన్లపై విచారణను ఐదుగురు సభ్యుల రాజ్యాంగ ధర్మాసనానికి సుప్రీంకోర్టు ఈ రోజు అప్ప‌గించింది. ఈ పిటిష‌న్‌ల‌పై విచార‌ణ ఈ ఏడాది మే 11 నుంచి ప్రారంభ‌మ‌వుతుంద‌ని చెప్పింది.
  చిన్నా పెద్దా ధనిక పేదా అన్న తేడా లేకుండా ప్రతి ఒక్కరినీ కనికరం లేకుండా కబళిస్తోన్న వ్యాధి క్యాన్సర్. దీన్ని అరికట్టడం చేతకాక ప్రపంచం దేశాలన్నీ పరిశోధనల్లో మునిగి తేలుతున్నాయి. ఎందుకు వస్తుందో ఎవరికి వస్తుందో ఎలా వస్తుందో అర్థం కాని మహమ్మారి క్యాన్సర్. అయితే కొన్ని రకాల ఆహార పదార్థాల జోకిలి పోకుండా ఉంటే క్యాన్సర్ వచ్చే అవకాశాలను తగ్గించుకోవచ్చు అన్నది మాత్రం సత్యం.    బిస్కట్లు, కేకులు వంటి వాటి దగ్గర్నుంచి బొబ్బట్లు వంటి సంప్రదాయ వంటకాలన్నిటికీ ప్రధాన దినుసు మైదాపిండి. ఇది పాంక్రియాస్ మీద తీవ్ర ఒత్తిడి కలిగించి ఇన్సులిన్ లెవెల్స్ ని అస్తవ్యస్తం చేస్తుంది. అదే విధంగా చక్కెర కూడా ఎక్కువ తీసుకోకూడదు. స్థూలకాయం, మధుమేహాలకు కారణమయ్యే చక్కెర పాంక్రియాస్, కాలేయాలతో పాటు జీర్ణవ్యవస్థను కూడా పాడు చేస్తుంది. అందుకే పండ్లు, తేనె వంటి వాటి ద్వారా అందే సహజ చక్కెర తప్ప నేరుగా చక్కెరను తీసుకోవడం మంచిది కాదు.    పాలు తాగితే ఎముకలు గట్టి పడతాయని అందరూ అంటారు. అయితే వయసు పెరిగేకొద్దీ పాలలో ఉండే ల్యాక్టోజ్ ను అరాయించుకునే శక్తి తగ్గిపోతుంది. కాబట్టి వయసు పెరిగేకొద్దీ పాలు మోతాదు దాటి తాగడం ఆరోగ్యానికి హానికరం అంటున్నారు ప్రముఖ న్యూట్రిషనిస్ట్ ప్యాట్రిక్ హాఫార్డ్.    వీటితో పాటు సరిగ్గా ఉడికించకుండా క్షణాల్లో తయారుచేసే జంక్ ఫుడ్... చక్కెరతో పాటు కెమికల్స్ ఎక్కువగా ఉండే సోడాలు...  మైదా, పాలు, చక్కెర కలిపి తయారు చేసే డోనట్స్ కూడా  ఎంతో కీడు చేస్తాయి. ఒకేసారి పది చెంచాల చక్కెరని కడుపులోకి పంపించే ఏ ఆహార పదార్థమైనా ప్రమాదకరమేనంటారు న్యూయార్క్ టైమ్స్ సృష్టికర్త, ప్రముఖ వైద్యులు అయిన డాక్టర్ జోసెఫ్ మెర్కోలా.   ఇక సోడియం, నైట్రేట్ ఎక్కువగా ఉండే మాంస పదార్థాలని ముట్టవద్దనేది అమెరికన్ క్యాన్సర్ ఇన్ స్టిట్యూట్ సూచన. ఉప్పు ఎక్కువ వేసి, నూనెలో వేయించే బంగాళాదుంప చిప్స్ జోలికి పోవద్దంటున్నారు మసాచుసెట్స్ లోని క్లార్క్ యూనివర్శిటీ ప్రొఫెసర్ డాక్టర్ డేల్ హ్యాటిస్. ఉప్పు ఎక్కువగా ఉండే ఆహారం తరచుగా తీసుకుంటే ఉదర క్యాన్సర్ వచ్చే ప్రమాదం ఉందని 2005లొ క్యాన్సర్ సైన్స్ మ్యాగజైన్ చేసిన పరిశోధనలో సైతం వెల్లడైంది. అదే విధంగా క్యాన్స్ లో నిల్వ చేసి అమ్మే ఆహార పదార్థాలు,  మార్గరీన్ చీజ్ వంటివి కూడా ఎక్కువ తీసుకోకూడదనేది నిపుణుల సూచన.   కాబట్టి వీలైనంత వరకూ వీటి జోలికి పోకుండా జాగ్రత్తపడండి. క్యాన్సర్ ని మీ దరిదాపుల్లోకి కూడా రాకుండా చూసుకోండి.      - sameeranj
  రక్తపోటు ఉన్నవారు పులుపు ముట్టుకోకూడదని వైద్యులు చెబుతూ ఉంటారు. అయితే వేలసంవత్సరాలుగా మన ఆహారంలో భాగంగా ఉన్న చింతపండుని వదులుకోవాల్సిందేనా! నానారకాల అనర్థాలకీ, అనారోగ్యాలకీ చింతపండు కారణం అవుతోందా! అంటే కాదనే అంటున్నారు నిపుణులు. చింతపండుతో రక్తపోటు పెరగకపోగా తగ్గే అవకాశం ఉందంటున్నారు. ఇంకా ఏమేం చెబుతున్నారంటే... రక్తపోటు - చింతపండులో పొటాషియం చాలా ఎక్కువగా ఉంటుంది. సోడియం తక్కువగా ఉంటుంది. ఈ కారణంగా చింత శరీరంలోని రక్తపోటుని అదుపులో ఉంచుతుందన్నది నిపుణుల వాదన. పైగా చింతపండులో పీచుపదార్థం చాలా ఎక్కువ. చింతపండు నుంచి ఎంత గుజ్జు తీసినా కూడా ఇంకా పీచు మిగిలి ఉండటాన్ని గమనించవచ్చు. శరీరంలోని కొవ్వుని తొలగించేందుకు ఈ పీచు చాలా ఉపయోగపడుతుంది. రక్తహీనత - చింతపండులో ఇనుము (iron) శాతం కూడా చాలా ఎక్కువ. దీని వల్ల శరీరంలో రక్తహీనత తొలగిపోతుంది. ఆ రక్తహీనత కారణంగా వచ్చే నీరసం, తలనొప్పులూ దూరమైపోతాయి. ఊబకాయం - చింతపండులో hydroxycitric acid అనే రసాయనం ఉందంటారు. ఇది శరీరానికి అందే కార్బోహైడ్రేట్లు, కొవ్వు కిందకి మారకుండా అడ్డుకుంటుంది. పైగా చింతపండుకి LDL కొలెస్టరాల్‌ని తగ్గించే శక్తి కూడా ఉంది. వీటి అర్థం... చింతపండుతో బరువు తగ్గిపోతుందనేగా! జీర్ణశక్తి - ఇప్పుడంటే మన ఆహారపు అలవాట్లు మారిపోయాయి కానీ, చింతపండుతో చేసిన చారు లేక పులుసు లేకపోతే ఒకప్పుడు భోజనం పూర్తయ్యేది కాదు. మనం తిన్న భోజనాన్ని చక్కగా అరాయించుకునేందుకు ఈ చింతపండు చారు ఉపయోగపడుతుంది. ఇప్పటికీ జీర్ణశక్తి కాస్త మందగిస్తున్నట్లు తోస్తే తక్షణ ఉపశమనం కోసం పెద్దలు చింతపండుతో కాస్త చారుని తినమనే చెబుతారు. కాలేయం - జ్వరంతో బాధపడేవారికి చింతపండు చారునే పథ్యంగా చెబుతూ ఉంటారు. దీని వెనకాల శాస్త్రీయ కారణాలు లేకపోలేదు. చింతపండు త్వరగా జీర్ణమవుతుంది. అంతేకాదు! చింతపండుకి కాలేయం నుంచి విడుదల అయ్యే పైత్య రసాన్ని (bile) నియంత్రించే శక్తి ఉంది. ఈ పైత్య రసంలో తేడాలే చాలా సందర్భాలలో జ్వరానికి దారితీస్తాయని నమ్ముతారు. బి విటమిన్‌ - బి విటమిన్లలో ముఖ్యమైన ‘థయామిన్‌’ (B1) చింతపండులో పుష్కలంగా లభిస్తుంది. మెదడు చక్కగా పనిచేయాలన్నా, ఆహారం శక్తిగా మారాలన్నా, ఎర్రరక్త కణాలు ఉత్పత్తి కావాలన్నా, శరీరం యవ్వనంగా కనిపించాలన్నా ఈ థయామిన్‌ చాలా అవసరం. రోగనిరోధక శక్తి - కేవలం B1 మాత్రమే కాదు C,E,K విటమిన్లు... కాల్షియం, మెగ్నీషియం, పాస్ఫరస్‌, జింక్‌ వంటి ఖనిజాలు కూడా చింతపండులో కనిపిస్తాయి. వీటన్నింటివల్లా శరీరంలో రోగనిరోధక శక్తి పెరుగుతుందనీ, ఆరోగ్యం నిలిచి ఉంటుందని వేరే చెప్పాలా!
కొన్ని ఆచారాలను చెక్కుచెదరకుండా శతాబ్దాల తరబడి పాటిస్తూ ఉంటాము. మరికొన్ని ఆచారాలు మాత్రం కాలానుగుణంగా మరుగున పడిపోతుంటాయి. అశోక వృక్షపు ప్రాధాన్యత తగ్గిపోవడం వాటిలో ఒకటి. ఒకప్పుడు వసంత రుతువు వచ్చిందంటే చాలు... హోళీ పండుగ సందర్భంగా, ఉగాది సమయంలోనూ అశోక వృక్షం లేనిదే పనిజరిగేది కాదు. మన్మధుని అయిదు బాణాలలో అశోక పూలు కూడా ఒకటని చెబుతారు. అలాగే ఉగాది పచ్చడిలో అశోక వృక్షపు చిగుళ్లు కూడా వేసుకోవాలని శాస్త్రంలో కనిపిస్తుంది. అశోక వృక్షం భారత ఉపఖండంలోనే అవిర్భవించిందన్నది శాస్త్రవేత్తల మాట. అందుకే దీనిని Saraca Indica అనే శాస్త్రీయ నామంతో పిల్చుకుంటారు. భారతదేశానికి చెందిన SARACA జాతి వృక్షమని దీని అర్థం. ఇందుకు అనుగుణంగానే మన దేశ చరిత్రలో, పురాణాలలో అశోక వృక్షం పెనవేసుకుపోయి కనిపిస్తుంది. బుద్ధుడు జన్మించినది, హనుమంతుడు సీతమ్మ జాడ కనుగొన్నదీ అశోక వృక్షం దిగువునే అని చెబుతారు.     అశోక వృక్షం ఏడాది పొడవునా పచ్చగా ఉంటుంది. ఎన్నో ఆరోగ్య సమస్యలను ఔషధంగా పనిచేస్తుంది. అందుకనే దానికి అశోకము అన్న పేరు వచ్చి ఉండవచ్చు. గత ఏడాది బెంగళూరులోని ఇండియన్ ఇన్స్టిట్యూట్ ఆఫ్ సైన్స్కు చెందిన పరిశోధకులు అశోక వృక్షంలో క్యాన్సర్ను నివారించే రసాయనాలు ఉన్నాయని కనుగొన్నారు. కానీ ఇలాంటి ఆధునిక పరిశోధనలు జరగక పూర్వమే... మన పెద్దలు అశోక వృక్షంలో అనేక ఔషధ గుణాలు ఉన్నాయని తెలుసుకొన్నారు. వాటిలో కొన్ని... - అశోక వృక్షం స్త్రీలకు గొప్ప వరం. స్త్రీలలో రుతుక్రమం, గర్భధారణకి సంబంధించి అనేక సమస్యలకి అశోక బెరడు, పువ్వులతో చేసిన మందులని సూచిస్తుంటారు. అధిక రక్తస్రావం, సంతానం కలగకపోవడం, రుతుస్రావం సమయంలో కడుపులో నొప్పి, రుతుస్రావం తరువాత కండరాల నొప్పులు... వంటి అనేక సమస్యలకు అశోక వృక్షం అధిక ఫలితాన్నిస్తుందట. గర్భవతులు ఈ మందుల జోలికి పోతే మాత్రం గర్భస్రావం అయ్యే ప్రమాదం ఉంది.. - అశోకపూలని కాస్త నీటితో కలిపి రుబ్బి.... ఓ పావు గ్లాసుని తీసుకుంటే విరేచనాలు తగ్గుముఖం పడుతాయని ప్రాచీన వైద్యం చెబుతోంది.   - అశోక వృక్షం నుంచి తయారుచేసిన లేపనాలతో చర్మరోగాలు తగ్గిపోతాయనీ, చర్మం మృదువుగా మారుతుందనీ అంటారు. అశోక వృక్షపు బెరడుతో చేసిన కషాయంతో రక్తం శుద్ధి అవుతుంది కాబట్టి... ఎలాంటి మొటిమలూ, మచ్చలూ లేకుండా చర్మం యవ్వనంగా కనిపిస్తుంది. - అశోకవృక్షపు గింజలని పొడి చేసుకుని తింటే.. కిడ్నీ, మూత్రాశయంలో ఉన్న రాళ్లు త్వరగా బయటకి వచ్చేస్తాయనీ... అవి మూత్రం ద్వారా వచ్చే సమయంలో నొప్పి కూడా తెలియదనీ చెబుతారు. - పైల్స్ నుంచి ఉపశమన్నా కలిగించే మందులు చాలా అరుదు. కానీ అశోక వృక్షపు పూలు, బెరడు నుంచి తీసిన కషాయంతో పైల్స్ నుంచి రక్తం స్రవించడం, నొప్పి తగ్గుతాయట. అంతర్గతంగా ఉండి బాధపెడుతున్న పైల్స్ కూడా అశోకంతో అదుపులోకి వస్తాయన్నది అనుభవజ్ఞుల నమ్మకం. - మధుమేహంతో బాధపడేవారు అశోక వృక్షపు పూలని ఎండపెట్టి పొడిచేసుకుని తింటే మంచిదని సూచిస్తున్నారు. - అశోక వృక్షపు బెరడుకి యాంటీఫంగల్, యాంటీబ్యాక్టీరియల్ గుణాలు పుష్కలంగా ఉన్నాయి. అందుకని బెరడుతో చేసిన చూర్ణం లేదా కషాయం- క్షయ, కడుపులో నులిపురుగులు, మూత్రకోశ వ్యాధులు వంటి అనేక సమస్యలకి ఔషధంగా పనిచేస్తుంది. ఇన్ని ఔషధ గుణాలున్న అశోక చిగుళ్లని ఉగాది పచ్చడిలో వాడటంలో ఆశ్చర్యం లేదు కదా! అయితే రానురానూ ఈ పద్ధతిని మానుకోవడానికి ఒక కారణం కనిపిస్తుంది. ఈ మధ్య కాలంలో అశోక వృక్షం పేరుతో మనం చూస్తున్న చాలా చెట్లు నిజానికి అశోక చెట్లు కావు. వీటిని FALSE ASHOKA అని పిలుస్తారు. ఇవి అశోక వృక్షంలాగానే ఉంటాయి. కానీ సన్నగా, పొడుగ్గా, దట్టమైన ఆకులతో ఎదుగుతాయి. నిజమైన అశోకవృక్షం కాస్త విశాలంగా ఎర్రటిపూలతో కనిపిస్తే... FALSE ASHOKA ఆకుపచ్చని పూలతో ఉంటుంది. FALSE ASHOKA ఆకులు, పూలు విషప్రాయం కావచ్చు. వృక్షాల గురించి అంత అవగాహన లేని వ్యక్తులకు, అందునా... ఇప్పటి తరం వారికి ఏది నిజమైన అశోక చెట్టు, ఏది FALSE ASHOKA అని గుర్తించడం కష్టం కావచ్చు. ఇలాంటి సమస్యను నివారించేందుకే పెద్దలు క్రమేపీ ఉగాది పచ్చడి నుంచి అశోక చిగుళ్లని తొలగించి ఉంటారు. - నిర్జర.