LATEST NEWS
  At least 11 children were dead today morning as a train has colluded with a school van. The van has been moving through an unmanned level crossing at Kushinagar of Uttar Pradesh. The van has been hit by Siwan-Gorakhpur passenger train which was on its way to Gorakhpur. 22 children were traveling in the van during the time of mishap. The van belonged to a nearby school named Divine Public School. UP CM Yogi Adityanath has expressed his `deepest condolences’ towards the incident.
  As the self styled godman Asaram Bapu has been convicted in the case of raping a minor girl... here is yet another blow for his followers. One more rape case is being tried by a court in Gandhinagar against Asaram. Two sisters living in Surat has accused Asaram and his son for repeatedly assaulting them for five years between 2001 and 2006. The Supreme Court has ordered the local police to speed up the case and submit the conclusions within five weeks. So, it’s going to be another HEARING for Asaram.
  Have you ever received a message from your telecom service provider, threatening to dissolve your connection if you haven’t linked it with Aadhar! Did the message mention that it was the `Supreme Court’ which has mandated the linkage? Well if that is the case- we have been fooled by those companies. Yesterday, the Supreme Court has vehemently denied to have served such an order. It has merely said that `Aadhar Card’ can be treated as one of documents that can be used for the identity of the subscriber. It has reiterated that the government should not force the citizens to link their Aadhar card with mobiles and bank accounts until the judgement gets delivered on the issue.
ALSO ON TELUGUONE N E W S
Superstar Mahesh Babu's latest outing Bharat Ane Nenu has been a smashing hit and has been drawing rave reviews along with wide appreciation from all the corners. This Koratala Siva directorial focuses on the challenges people face in life and how a dynamic Chief Minister Bharat comes in to rescue the people. Telangana IT Minister KTR watched Bharat Ane Nenu in a special screening and could not wait to appreciate the team. KTR lauded Mahesh and Koratala Siva for their efforts and he promised to participate in the film's promotions. An interactive session with Mahesh Babu, KTR and Koratala Siva was shot and it will be aired soon. Several public issues and political challenges were discussed in the interactive session. Before this KTR took twitter to laud Mahesh and Koratala Siva about Bharat Ane Nenu. Mahesh was delighted and he thanked KTR for his words. The big question is how far will KTR’s promotions help in boosting BAN Collections, because they have been slowed down in week days.
  నటసింహ నందమూరి బాలకృష్ణ డ్రీం ప్రాజెక్ట్ ఎన్టీఆర్ బయోపిక్ నుండి దర్శకుడు తేజ తప్పుకున్నట్లు వార్తలు వస్తున్నాయి. దాదాపు నెల రోజుల క్రితం గ్రాండ్ గా లాంచ్ అయిన ఈ సినిమా, త్వరలో సెట్స్ పైకి వెళ్లాల్సి ఉంది. అంతా సక్రమంగా జరుగుతున్న సమయంలో తేజ తప్పుకోవడం అందరినీ ఆశ్చర్యానికి గురి చేస్తుంది. బాలకృష్ణ కథ, నటీ, నటుల ఎంపిక విషయంలో ఇన్వాల్వ్ అవ్వడం తేజ కి అస్సలు నచ్చ లేదట. కొన్ని రోజులు చూసి ఇక చివరికి, తాను ఈ సినిమా చేయలేనని బయటకి వచ్చేసాడట. మరి, ఇంతకీ ఎన్టీఆర్ బయోపిక్ కి ఎవరు దర్శకత్వం వహించనున్నారు? వెటరన్ దర్శకుడు రాఘవేంద్ర రావు పేరు ప్రముఖంగా వినిపిస్తున్నా, బాలకృష్ణ కి దర్శకత్వ బాధ్యతలు వేరే వాళ్ళకి ఇవ్వడం ఇష్టం లేదట. తాను ఇష్టపడి రాసుకున్న కథకి తాను అయితేనే న్యాయం చేయగలనని నమ్ముతున్నాడట. అందుకే, ఎన్టీఆర్ బయోపిక్ ని స్వతహాగా బాలకృష్ణే దర్శకత్వం వహించే అవకాశం ఉంది అంటున్నారు. అందుకు, నిర్మాతలు కూడా సమ్మతంగా ఉన్నట్లు తెలుస్తుంది. అన్నీ సక్రమంగా జరిగితే, ఈ సినిమా త్వరలో సెట్స్ పైకి వెళ్లనుంది. అయితే, ఎవరు తీసినా, ఈ సినిమాని దసరా కల్లా విడుదల చేయడం కాస్త కష్టతరం గా కనిపిస్తుంది. చూద్దాం ఏం జరుగుతుందో!
  ఎన్టీఆర్ బ‌యోపిక్ నుంచి తేజ అర్థాంత‌రంగా బ‌య‌ట‌కు వ‌చ్చేసిన వార్త‌... టాలీవుడ్ కి షాకిచ్చింది. బాల‌య్య‌తో సినిమా, అందులోనూ ఎన్టీఆర్ జీవిత క‌థ‌ని సినిమాగా తీసే అదృష్టం. ఇంత‌కంటే తేజ‌కు ఇంకేం కావాలి??   ఎన్టీఆర్‌కి వీరాభిమానిని.. ఈ సినిమా తీయ‌డం నా అదృష్టం అని ఓపెనింగ్ వేడుక‌లో చెప్పుకున్న తేజ - ఇప్పుడు ఇలాంటి నిర్ణ‌యం తీసుకుంటాడ‌ని ఎవ్వ‌రూ అనుకోరు. కాక‌పోతే ఇది ఇప్ప‌టిక‌ప్పుడు తీసుకున్న నిర్ణ‌యం కాదు. ఎన్నో రోజుల అంతఃమ‌ధ‌నం. మ‌రి తేజ ఈ ప్రాజెక్టు నుంచి ఎందుకు వ‌చ్చేయాల‌నుకున్నాడు?  అస‌లైన కార‌ణాలేంటి? తేజ‌కి ఎన్టీఆర్ బ‌యోపిక్ చేయ‌డం ముందు నుంచీ ఇష్టం లేదు. ఇది చాలా పెద్ద బాధ్య‌త.. నేను మోయ‌లేనేమో అని ముందు నుంచీ బాల‌య్య‌కు చెబుతూనే వ‌స్తున్నాడ‌ట తేజ‌. కానీ బాల‌య్య మాత్రం బ‌ల‌వంతంగా ఈ బాధ్య‌త తేజ నెత్తిమీద పెట్టాడు. తేజ స్కూలు వేరు. త‌న క‌థ‌లు తానే రాసుకుంటాడు. కొత్త వాళ్ల‌తోనే ప్ర‌యోగాలు చేస్తాడు. ఇక్క‌డ స్లార్ల‌ను హ్యాండిల్ చేయాల్సిరావ‌డం ఒత్తిడిలా ఫీల‌య్యాడు తేజ‌. అంతేకాదు.. బాల‌య్య‌కు దూకుడు ఎక్కువ‌. ఎదురెళ్లి మాట్లాడ‌డం ఎవరికైనా క‌ష్ట‌మే. తాను చెప్పిన‌ట్టు మిగిలిన‌వాళ్లు వినాల‌నుకుంటాడు తేజ‌. బాల‌య్య ద‌గ్గ‌ర ఈ రూలు వ‌ర్క‌వుట్ అవ్వ‌దు. ఈమధ్య న‌టీన‌టులు, ఇత‌ర సాంకేతిక నిపుణుల ఎంపిక ప‌ట్ల తేజ‌, బాల‌కృష్ణ మ‌ధ్య అభిప్రాయ బేధాలొచ్చిన‌ట్టు తెలుస్తోంది. ప్ర‌తీ విష‌యంలోనూ బాల‌య్య‌దే అంతిమ నిర్ణ‌యం కావ‌డం, త‌న అభిప్రాయాల‌కు విలువ ఇవ్వ‌క‌పోవ‌డం తేజ‌కు న‌చ్చ‌లేద‌ని స‌మాచారం.  సినిమా అంతా ఒక‌రి చెప్పు చేత‌ల్లోనే న‌డ‌వ‌డం క‌ష్టం అనుకున్న తేజ‌... ఇక ఈ బాధ్య‌త‌లు మోయ‌లేన‌ని, ముందే చెప్పి బ‌య‌ట‌కు వ‌చ్చేశాడ‌ట‌.  ప‌ది రోజుల క్రిత‌మే... ఈ సినిమా నుంచి తేజ త‌ప్పుకున్నాడ‌ని, కాక‌పోతే ఈ వార్తే కాస్త ఆల‌స్యంగా వెలుగులోకి వ‌చ్చింద‌ని తెలుస్తోంది.
  అన్న కళ్యాణ్ రామ్ తో జూనియర్ ఎన్టీఆర్ కి విభేదాలు ఉన్నాయని వార్తలు వస్తున్నాయి. గత కొన్నేళ్లుగా అన్నతో చాలా సఖ్యతగా ఉంటున్న ఎన్టీఆర్, కళ్యాణ్ రామ్ ఎమ్మెల్యే సినిమా ప్రీ రిలీజ్ ఫంక్షన్ కి డుమ్మా కొట్టడం పై రక రకాల కథనాలు వచ్చాయి. కళ్యాణ్ రామ్ మాత్రం తన తమ్ముడు త్రివిక్రమ్ శ్రీనివాస్ దర్శకత్వంలో వస్తున్న సినిమాకి బాడీ బిల్డ్ చేసే పనిలో ఉన్నాడని, ఇప్పుడు తనని పిలవడం నాకు కూడా ఇష్టం లేదని సమర్ధించుకున్నారు. ఇంతలో, ఐపీయల్ యాడ్ లో ఎన్టీఆర్ దర్శనమివ్వడం, మహేష్ బాబు భరత్ అనే నేను బహిరంగ సభకి ముఖ్య అతిధిగా విచ్చేయడం అన్నదమ్ముల మధ్య విభేదాలు ఉన్నాయి అనే వార్తలకి ఊతమిచ్చాయి. అయితే, వీటన్నిటినీ అబద్దం చేస్తూ, ఈ రోజు ఎన్టీఆర్ కళ్యాణ్ రామ్ కొత్త సినిమా ఓపెనింగ్ కి తండ్రి హరికృష్ణ తో పాటు హాజరయ్యారు. ఈ కార్యక్రమంలో ఎన్టీఆర్ తన అన్నతో ఎంతో సఖ్యతతో మెదిలినట్టు కనిపించింది. అయితే, ఎన్టీఆర్ ఎమ్మెల్యే ఫంక్షన్ రాకపోవడానికి వేరే కారణాలున్నాయి అని, ఇద్దరి మధ్య విభేదాలు వట్టి పుకార్లని ఇద్దరికీ సన్నిహితంగా ఉండే వాళ్ళు చెబుతున్నారు. ఈ రోజు లాంచ్ అయిన కళ్యాణ్ రామ్ కొత్త సినిమా కి ప్రముఖ కెమరామెన్ KV గుహన్ దర్శకత్వం వహిస్తున్నాడు. ఇక ఎన్టీఆర్ విషయానికి వస్తే, ప్రస్తుతం త్రివిక్రమ్ దర్శకత్వంలో ఒక సినిమా చేస్తున్నాడు.
  Superstar Mahesh Babu’s Bharat Ane Nenu is doing steady business at box office. The film directed by Koratala Siva raked for five days in Andhra Pradesh and Telangana. With no big competition at box office, the film’s domination will continue until the arrival of Allu Arjun’s Naa Peru Surya on May 4th. Here is Bharat Ane Nenu collections report: Area      Shares Nizam 13.07Crs Ceded  6.38Crs Krishna 4.16Crs Guntur 6.37crs Nellore 1.73Crs East  5.11crs West  3.07Crs UA 6.08cr Total  share : 45.98Crs
  ఒకరు కాదు ఇద్దరు కాదు దాదాపు 23 మంది ఎమ్మెల్యేలు అధికార పార్టీ అయిన టీడీపీలోకి చేరిన సంగతి అందరికీ తెలిసిందే. ఇక అంతమంది వైసీపీ నేతలు టీడీపీ పార్టీలోకి జంప్ అవుతున్నా... జగన్ మాత్రం వారిని ఆపలేదు. ఇక ఎలాగూ వస్తున్నారు కదా అని టీడీపీ కూడా అందరినీ ఆహ్వానించేసింది. అప్పుడు జగన్ చంద్రబాబుకి ఫోన్ చేసింది లేదు...మా వాళ్లను మీ పార్టీలోకి తీసుకోవద్దు అని చెప్పింది లేదు. అయితే పాపం ఇప్పుడు జగన్ కు ఆ అవకాశం కూడా లేకుండా పోయింది. అదేంటో తెలుసుకోవాలంటే అసలు స్టోరీ లోకి వెళ్లాల్సిందే.   ఏపీ బీజేపీ అధ్యక్ష పదవి నియామకంపై కేంద్రం యూటర్న్ తీసుకున్న సంగతి తెలిసిందే. గత కొద్ది కాలంగా ఏపీ అధ్యక్ష నియామకం పై చర్చలు జరుగుతుండగా.. ఆఖరికి సోము వీర్రాజు ను ఖరారు చేసినట్టు వార్తలు వచ్చాయి. కానీ ఇప్పుడు మళ్లీ పునరాలోచనలో పడ్డారు. అయితే బీజేపీ అధ్యక్ష పదవిపై ఆశలు పెట్టుకున్న కన్నా లక్ష్మీనారాయణ కేంద్రం తీసుకున్న నిర్ణయంతో అసంతృప్తి చెందారు. దీంతో ఆయన బీజేపీని వీడి వైసీపీలో చేరాలని నిర్ణయించుకున్నట్టు తెలుస్తోంది. కన్నాతో పాటు ఇప్పుడు పలు నేతలు కూడా వైసీపీలోకి రావడానికి చూస్తున్నట్టు. అందులో కావూరి సాంబశివరావు, కర్నూలు జిల్లా పాణ్యం మాజీ ఎమ్మెల్యే కాటసాని రాంభూపాల్ రెడ్డి కూడా ఉన్నట్టు విశ్వసనీయ వర్గాల సమాచారం. కాటసాని ఈనెల 29న వైసీపీలో చేరుతారని తెలుస్తుండగా, కావూరి చేరికపై అధికారిక ప్రకటన వెలువడాల్సివుంది.   అయితే ఇక్కడే జగన్ కు ఓ షాక్ తగిలింది. ఏపీ బీజేపీ నుంచి వైసీపీలోకి చేరికలకు ఆ పార్టీ హైకమాండ్ అడ్డుకట్ట వేసింది. ఈ నేపథ్యంలోనే జగన్ కు అమిత్ షాకు ఫోన్ చేసినట్టు సమాచారం. తమ పార్టీ నుండి నేతలు వైసీపీలోకి వస్తే వారిని చేర్చుకోవద్దని అమిత్ షా జగన్ కు చెప్పినట్టు రాజకీయ వర్గాలు చర్చించుకుంటున్నాయి. అంతేకాదు... కన్నాకి కూడా షా ఫోన్ చేశారంట. కన్నా లక్ష్మీనారాయణకు అమిత్ షా ఫోన్ చేసి పార్టీలోనే ఉండాలని కోరారట. ఇక అమిత్ షానే కోరడంతో కన్నా కూడా తన మనసును మార్చుకున్నట్టు తెలుస్తోంది. అందుకనే.. ఆరోగ్యం బాలేదని.. ఏదో సాకు చెప్పి వైసీపీలో చేరే కార్యక్రమాన్ని ఆపేసి, ఆసుపత్రిలో చేరారని అంటున్నారు. పాపం జగన్ కు ఈ అవకాశం కూడా లేకుండా పోయింది.
  శ్రీరెడ్డి ఎపిసోడ్ ఒక్కసారిగా యూటర్న్ తీసుకొని పొలిటికల్ డ్రామా తెరపైకి వచ్చింది. క్యాస్టింగ్ కౌచ్ దగ్గర మొదలైన వ్యవహారం ఆఖరికి రాజకీయాల వరకూ వచ్చింది. శ్రీరెడ్డి ఒక్కసారిగా పవన్ కళ్యాణ్ పై అనుచిత వ్యాఖ్యలు చేయడంతో అసలు ఎక్కడ మొదలైంది... ఎక్కడివరకూ వెళ్లింది ఈ వ్యవహారం అని అందరూ ఒకటే చర్చించుకుంటున్నారు. కొంతమంది అయితే పవన్ ను అనవసరంగా ఈ వ్యవహారంలోకి లాగారు అని అనుకునేవాళ్లు కూడా ఉన్నారు. పవన్ అభిమానులు, సినీ ప్రముఖులు సామాన్య ప్రజలు సైతం శ్రీరెడ్డి పై ఆగ్రహం వ్యక్తం చేశారు. ఇక దీనిపై చర్చలు జరుగుతుండగానే ఆడియో లీక్స్ ఒకటి బయటకు వచ్చాయి. దీని సూత్రధారి రామ్ గోపాల్ వర్మ అని బయటపడింది. అంతేకాదు దీని వెనుక వైసీపీ కుట్ర కూడా ఉందని బయటకు రావడంతో అసలు ఇష్య్చూ మొత్తం ఒక్కసారిగా రాజకీయాలవైపు మళ్లింది.   ఇక ఏ విషయంపైనా పెద్దగా స్పందించని పవన్ ఈ విషయంలో మాత్రం చాలా సీరియస్ ఉన్నట్టు తెలుస్తోంది. నిన్న మధ్యరాత్రి ట్విట్టర్ వేదికగా చాలా భావోద్వేగంగా కొన్ని ట్వీట్లు కూడా పెట్టారు. అయితే ఆ ట్వీట్లలో ఏపీ సీఎం చంద్రబాబు నాయుడుపై, మీడియాపై తీవ్ర స్థాయిలో మండిపడ్డారు పవన్. ‘నా తల్లిపై ప్రయోగించిన అభ్యంతరకర భాషని పదేపదే ప్రసారం చేసిన వార్తను ముఖ్యమంత్రి చంద్రబాబునాయుడు, లోకేష్ లేదా ప్రతిపక్షనేతల తల్లిపై కూడా వాడి ఉంటే మీ మీడియా సంస్థలు ప్రసారం చేసే ధైర్యం చేసేవా?’ అని సూటిగా ప్రశ్నించారు. కేవలం పవన్ కల్యాణ్ తల్లి, ఎవరికీ, ఏనాడూ అపకారం తలపెట్టని పవన్ కల్యాణ్ తల్లిపై వాడిన అసభ్యకరమైన భాషను మాత్రం పదేపదే టెలీకాస్ట్ చేసి, దానిపై విశ్లేషణలు, చర్చలు చేపడతారు... అంటూ తీవ్ర ఆగ్రహం వ్యక్తం చేశారు. ‘ఇప్పుడు చెప్పండి శక్తిమంతమైన, ధనిక మీడియా శక్తులారా? పవన్ కల్యాణ్ కే ఈ ప్రత్యేకమైన ట్రీట్ మెంట్ ఎందుకు?’ అని ఆయన నిలదీశారు. అంతేకాదు దీనిపై ఆయన లీగల్ కూడా యాక్షన్ తీసుకోనున్నట్టు సమాచారం.   ఇదిలా ఉండగా ఇప్పుడు పవన్ ట్వీట్ వ్యాఖ్యలపై పార్టీ నేతలెవరూ స్పందించవద్దని టీడీపీ వారి నేతలకు ఆదేశించినట్టు తెలుస్తోంది. ఎందుకంటే కేంద్ర ప్రభుత్వాన్ని నిరసిస్తూ చంద్రబాబు ఈరోజు దీక్ష చేస్తున్నారు. ఈ నేపథ్యంలో పవన్ వ్యాఖ్యలపై స్పందిస్తే చంద్రబాబు నాయుడు చేపట్టిన ధర్మ పోరాట దీక్ష పక్క దారిపడుతుందని...చంద్రబాబు దీక్షా సమయంలో ఈ తరహా రాజకీయాలకు తెరలేపడం కుట్రలో భాగమేనని టీడీపీ అధిష్టానం అభిప్రాయపడింది. శ్రీరెడ్డి ఎపిసోడ్‌ను రాజకీయాలకు ఆపాదించడంలోనే అతిపెద్ద రాజకీయ కుట్ర ఉందని.. ఒక వేళ టీడీపీ నేతలు పవన్‌పై విమర్శలు చేస్తూ రంగంలోకి దిగితే చంద్రబాబు చేపట్టిన దీక్షకు తగిన ప్రాధాన్యత లభించకపోవచ్చనే టీడీపీ అధిష్టానం ఈ మేరకు అప్రమత్తంగా వ్యవహరించినట్లు తెలుస్తోంది. మరి ముందు ముందు ఇంకెన్నిఈ వ్యవహారంలో ఇంకెన్ని ట్విస్ట్ లు చోటుచేసుకుంటాయో... పవన్ ఎలాంటి నిర్ణయం తీసుకుంటాడో.. దానికి టీడీపీ ఎలా స్పందిస్తుందో.. చూద్దాం..
  రాజకీయాల్లో జంపింగ్ లు కామన్. ఒకప్పుడైతే పార్టీకి కట్టుబడి ఉండి.. పార్టీ మీద ప్రేమతో అధికారంలో ఉన్నా.. లేకపోయినా అదే పార్టీలో ఉండేవారు. కానీ రోజులతో పాటు అలాంటి ప్రేమలు, పద్దతులు కూడా మారిపోయాయి. ఏ పార్టీ అధికారంలో ఉంటే ఆ పార్టీలోకి జంప్ అవ్వడం.. అప్పటి వరకూ వినడానికి కాస్త ఇబ్బందిగా ఉండే పదజాలంతో అనుచిత వ్యాఖ్యలు చేసినా.. ఎలాంటి మొహమాటం లేకుండా వేరే పార్టీలోకి వెళ్లడం.. వారితో కలిసిపోవడం చూస్తూనే ఉన్నాం. ఇప్పుడు ఈ ఉపోద్ఘాతం అంతా ఎందుకంటే...   అధికార పార్టీ అయిన టీడీపీలోకి ఒకరు కాదు ఇద్దరు కాదు దాదాపు 22 మంది ఎమ్మెల్యేలు జంప్ అయిన సంగతి తెలిసిందే. అయితే ఇప్పుడు ఆ ఎమ్మెల్యేలందరూ టీడీపీపై అసంతృప్తితో రగిలి పోతున్నారట.  తమను పార్టీలో చేర్చుకునే ముందు… చంద్రబాబు ఎన్నో హామీలిచ్చారని, కాని వచ్చాక కూరలో కరివేపాకులా తీసేస్తున్నారని మండిపడుతున్నారట. నంద్యాల ఎమ్మెల్యే భూమా నాగిరెడ్డి మరణానంతరం ఆయన అన్న కొడుకు భూమా బ్రహ్మానందరెడ్డి ఉప ఎన్నికల్లో గెలుపొందారు. ముందుగా ఇచ్చిన మాట ప్రకారం నలుగురు ఫిరాయింపు ఎమ్మెల్యేలకు మంత్రిపదవులిచ్చారు చంద్రబాబు. అందులో ప్రధానంగా రెడ్డి వర్గాన్ని ప్రసన్నం చేసుకునేందుకు ముగ్గురికి స్థానం కల్పించారు. మరో నలుగురికి మంత్రి పదవులిచ్చారు.. అయితే  మిగిలిన ఫిరాయింపు ఎమ్మెల్యేలు మాత్రం మా పరిస్థితి ఏంటని ప్రశ్నిస్తున్నారు. కనీసం నామినేటెడ్ పోస్టుల్లో కూడా తమకు ప్రాధాన్యం కల్పించలేదని మండిపడుతున్నారట. దీంతో సైకిల్ పై వెళితే.. తమకు భవిష్యత్ ఉండదని గ్రహించి.. ఫ్యాన్ కిందకు వచ్చేయాలని ఆరాటపడుతున్నారట. ఈ నేపథ్యంలో టీడీపీలో చేరిన ఎమ్మెల్యేల్లో.. పదిమంది ఎమ్మెల్యేలు జగన్ తో చర్చలు జరిపారట.   మరి జగన్ వైఖరి అందరికీ తెలిసిందే. పార్టీలో ఉన్నవాళ్లే జగన్ కు భయపడుతుంటారు. తాను చెప్పిందే వినాలనుకుంటాడు జగన్. అలాంటిది..ఇప్పుడు టీడీపీలోకి జంప్ అయి ఇప్పుడు వస్తా అంటే అంత ఈజీగా ఓకే అంటాడా..? తాము ఏదో అనుకుని పార్టీ మారామని, కానీ, ఇక్కడ తాము అనుకున్నంత లేదని వారు ఆవేదన వ్యక్తం చేసినా... వారి మాటలు విన్న జగన్ మోహన్ రెడ్డి మాత్రం.. వారికి ఎలాంటి హామీ ఇవ్వలేదట. పార్టీ మారిన ఎమ్మెల్యేల నియోజకవర్గాల్లో కొత్త అభ్యర్థులకు అవకాశం ఇచ్చి గెలుపించుకోగలనన్న దీమాతో ఉన్నారట జగన్. పాపం మరి రెంటికి చెడ్డ రేవడిలా.. పాపం అటు టీడీపీలో ఉన్నా ఉపయోగం లేదు.. ఇటు జగన్ కనికరించక ఏం చేయాలో తెలియని పరిస్థితిలో ఉన్నారట. ఆయన ఎప్పుడు ఊ అంటే.. అప్పుడు గోడదూకేందకు సిద్ధంగా ఉన్నారట. మరి చూద్దాం ఏం జరుగుతుందో...
మొత్తానికి ఏపీ రాజకీయాలు మాత్రం రోజుకో ట్విస్ట్ తో.. రోజుకో కొత్త అంశంతో వేడి వేడిగా తయారవుతున్నాయి. ఎవరికి వాళ్లు వచ్చే ఎన్నికల్లో గెలుపుకోసం తెగ కష్టాలు పడుతున్నారు. ఇక ఇప్పుడు ఏపీ ప్రత్యేక హోదా అంశాన్ని అడ్డుపెట్టుకొని రాజకీయాలు నడుపుతున్నారు. తమ వల్లే ప్రత్యేక హోదా ఇచ్చారని చెప్పుకోవడానికి తాపత్రయపడుతున్నారు. అయితే కేంద్రం మాత్రం ప్రత్యేక హోదా ఇచ్చేది లేదని చెప్పేసిందనుకోండి. అయినా భగీరధ ప్రయత్నం చేస్తున్నారు ఏపీ నేతలు. ఇక ఇప్పటికే అసలు రాష్ట్రంలో ఏం జరుగుతుందబ్బా అని అయోమయంలో ఉన్న సామాన్య ప్రజలకు...అప్పుడప్పుడు సంచలన వ్యాఖ్యలు చేస్తూ ఇంకా అయోమయంలో పడేస్తుంటారు  హీరో శివాజీ.   ఈ మధ్య ఆపరేషన్ గరుడ అంటూ.. దాని గురించి ఏకంగా ఓ బ్లాక్ బోర్డ్ పెట్టి.. ఆ ఆపరేషన్ గురించి చెప్పి హడావుడి చేసిన సంగతి తెలిసిందే. ఆ తరువాత రెండు మూడు రోజులు దానిపై చర్చలు జరిగినా..తరువాత దాని గురించి మరిచిపోయారు. ఇక ఇప్పుడు మరోసారి ఆయన ప్రత్యేక హోదాపై మాట్లాడుతూ సంచలన వ్యాఖ్యలు చేశారు. ‘ప్రత్యేక హోదా’ సాధించే ఉద్దేశం రాజకీయ నేతలకు గానీ, రాజకీయ పార్టీలకు గానీ లేదని, వాళ్ళందరూ ఒకరిపై ఒకరు నిందలు వేసుకోవడంలో నిమగ్నమై ఉన్నారని, ఎవరికీ ప్రత్యేక హోదా సాధించే చిత్తశుద్ధి లేదని అంటున్నారు. అంతేకాదు... కొందరు నేతలైతే రాష్ట్రంలో అల్లకల్లోలాలు సృష్టించేందుకు డబ్బులు కూడా తీసుకున్నారని, వాళ్ళందరి గుట్టు విప్పుతానని మండిపడ్డారు. మరో పది రోజుల్లో అందరినీ నడిరోడ్డుపై నిలబెట్టి జనాలు రాళ్ళు వేసి కొట్టేలా చేస్తానని చెప్పిన శివాజీ, తనకు మాత్రం రాష్ట్ర ప్రయోజనాలే ముఖ్యమని అభిప్రాయపడ్డారు. ‘స్పెషల్ స్టేటస్, రైల్వే జోన్, పోలవరం’ వంటి కీలకమైన అంశాల కోసం రాజకీయ నాయకులే పోరాటానికి దిగని సందర్భంలో... సినీ హీరోలను ఎలా విమర్శిస్తామని శివాజీ లాజికల్ గా ప్రసంగించారు. మరి  శివాజీ ఏం గుట్టు విప్పుతారో... ఎవరిపై ఏం బాంబు పేల్చుతారో తెలియాలంటే అప్పటివరకూ వెయిట్ చేయాల్సిందే.
  ఈ మధ్య  రాజకీయ నాయకులకు ఒక్కరోజు నిరాహారదీక్షలు చేయడం.. ఒక్కరోజు పాదయాత్రలు చేయడం ఫ్యాషన్ అయిపోయింది.  ఏపీ ప్రత్యేక హోదా పోరాటంలో భాగంగా ఇటీవల జనసేన అధినేత పవన్ కళ్యాణ్ ఒక్కరోజు పాదయాత్ర చేశారు. అంతేనా ప్రధానమంత్రి మోడీ కూడా ఒక్కరోజు నిరాహార దీక్ష చేశారు. మోడీ ఒక్కరోజు నిరాహార దీక్ష ఎందుకు చేశారో తెలుసుకదా. ఏపీకి ప్రత్యేక హోదా ఇవ్వాలని డిమాండ్ చేస్తూ ఏపీ ఎంపీలందరూ పార్లమెంట్లో పెద్ద ఎత్తున ఆందోళనలు చేసిన సంగతి తెలిసిందే. కేంద్రంపై అవిశ్వాస తీర్మానం కూడా పెట్టారు. ఇక చేయాల్సింది అంతా చేసి కేంద్రం డ్రామాలు ఆడి దానిపై చర్చ జరగకుండా చేసింది. పైగా విపక్షాలు చర్చలు జరగకుండా అడ్డుకున్నాయని... దానిని నిరసిస్తూ ప్రధాని మోడీ దీక్ష చేశారు. ఇక తమిళనాడులో కూడా కావేరి బోర్డు యాజమాన్యం ఏర్పాటు చేయాలని అన్నాడీఎంకే అధ్వర్యంలో నేతలు ఆమరణ నిరాహార దీక్ష చేశారు. అయితే పేరుకే ఆమరణ నిరాహార దీక్ష అని తేలిపోయింది. దీక్ష పేరుతో నేతలు ఎంచక్కా పక్కకు వెళ్లి ఫుల్ గా కుమ్మేయడం కెమెరాల కంటికి చిక్కి పరువు పోవడం అన్నీ జరిగిపోయాయి. ఇక ఇప్పుడు ఏపీ ముఖ్యమంత్రి చంద్రబాబు కూడా ఆ జాబితాలో చేరిపోయారు. తాను కూడా నిరాహారదీక్షను చేయబోతున్నానంటూ ప్రకటన చేశారు. తన పుట్టినరోజైన ఏప్రిల్ 20వ తేదీన దీక్షను చేపడుతున్నానని ఆయన తెలిపారు. ఉదయం నుంచి సాయంత్రం వరకు దీక్ష చేయనున్నట్టు చంద్రబాబు ప్రకటించారు.   ఈ సందర్భంగా ఆయన మాట్లాడుతూ... పార్లమెంటును జరగనివ్వలేదని చెప్పి ప్రధాని మోదీ నిరాహారదీక్ష చేశారని... పార్లమెంటు జరగకపోవడానికి కారణం మీరే కదా? అని ఆయనను తాను అడుగుతున్నానని చంద్రబాబు ఎద్దేవా చేశారు. తాను మాత్రం రాష్ట్రానికి జరుగుతున్న అన్యాయాన్ని నిరసిస్తూ దీక్ష చేయబోతున్నానని... తద్వారా కేంద్రం పట్ల నిరసన వ్యక్తం చేస్తానని తెలిపారు. అంతేకాదు... ఢిల్లీని శాసించబోయేది టీడీపీనే అని... ఢిల్లీలో చక్రం తిప్పుతామని చెప్పారు. 2019లో మనం మద్దతు ఇచ్చే పార్టీనే కేంద్రంలో అధికారంలోకి వస్తుందని ధీమా వ్యక్తం చేశారు. రానున్న ఎన్నికల్లో 25 ఎంపీ సీట్లను గెలిపిస్తే... ప్రత్యేక హోదాను తెస్తామని తెలిపారు. తెలుగుదేశం పార్టీ అంటే ఏమిటో యావత్ దేశానికి చూపుదామని అన్నారు. మరి ఈ ఒక్కరోజు దీక్షలు ఏంటో అని సామాన్య ప్రజలు చర్చించుకుంటున్నారు. ఒక్కరోజు దీక్ష చేస్తే ఆ ఎఫెక్ట్ ఎంత వరకూ ఉంటుందో వాళ్లకే తెలియాలి అని అంటున్నారు. అసలు ఏం తినకుండా ఒక్కరోజు ఉండటం పెద్ద మ్యాటరేం కాదు.. అలాంటిది ఒక్కరోజు దీక్ష చేసి ఏం సాధిస్తారో ఏమో అని అసహనం వ్యక్తం చేస్తున్నారు. చూద్దాం మరి చంద్రబాబు ఒక్కరోజు దీక్షతో సాధిస్తారేమో..!
  కర్ణాటక ఎన్నికలు చాలా కీలకంగా మారాయి. ఈ ఎన్నికల్లో గెలవడానికి బీజేపీ, కాంగ్రెస్ రెండు పార్టీలు చాలా కష్టపడుతున్నారు. ముఖ్యంగా బీజేపీ... బీజేపీకి ఈ ఎన్నికలు ఇంకా కీలకంగా మారాయి. కారణం.. దీనికి బీజేపీ పై దేశవ్యాప్తంగా ఉన్న వ్యతిరేకతే. ఇప్పటికే వచ్చిన ఉపఎన్నికల్లో బీజేపీ ఓడిపోతుండటంతో.. ఈ ఎన్నికల్లో గెలిచి మళ్లీ తమ సత్తా చూపించాలని చూస్తున్నారు. ఇక కాంగ్రెస్ కూడా తమ వ్యూహాలు తాము రచించుకుంటున్నారు.   ఇంకా ఆశ్చర్యకరమైన విషయం ఏంటంటే.. ఈ ఎన్నికల్లో తెలుగు వాళ్ల ప్రచారానికి బాగా డిమాండ్ ఏర్పడుతోంది. ప్రధానంగా తెలుగువారు ఉండే ప్రాంతాల్లో, బెంగళూరు సిటీలో తెలుగు స్టార్ క్యాంపెయినర్ల ప్రచారం కోసం కన్నడ నేతలు ఎదురుచూస్తున్నారు. ఇప్పటికే పవన్ కల్యాణ్ తో ప్రచారం చేయించుకోవడానికి జేడీఎస్ ప్రయత్నాలు చేస్తున్నట్టుగా ప్రకటించుకుంది. ఇప్పుడు కాంగ్రెస్ చిరంజీవితో ప్రచారం చేయించాలన్న ఆలోచన ఉన్నట్టు తెలుస్తోంది. మెగాస్టార్ ప్రచారానికి వస్తారని కర్ణాటక కాంగ్రెస్ నేతలు అంటున్నారు. చిరంజీవి ప్రస్తుతం కాంగ్రెస్ లోనే ఉన్నారని... కర్ణాటకలో కాంగ్రెస్ తరఫున ప్రచారం చేయడానికి ఆయన వస్తారని అక్కడి కాంగ్రెస్ నేతలు అంటున్నారు.   అయితే మరో వాదన కూడా వినిపిస్తోంది. చిరంజీవి పదవికాలం ఇటీవలే ముగిసింది. చిరును మళ్లీ రాజ్యసభకు పంపడానికి తగిన బలం కాంగ్రెస్ కు లేకపోయింది. ఈ నేపథ్యంలో ఇప్పుడు చిరంజీవి కర్ణాటక ఎన్నికల ప్రచారానికి వెళ్తారా? అన్న అనుమానాలు వ్యక్తమవుతున్నాయి. అందులోనూ చిరంజీవి ప్రత్యక్ష రాజకీయాలకు కాస్త దూరంగానే ఉంటున్నారు. అయితే కర్ణాటకలో కాంగ్రెస్ పార్టీ మరీ ఏపీలో ఉన్నంత వీక్ గా లేదు. చిరంజీవి వచ్చి ప్రచారం చేస్తే సినీ గ్లామర్ కలిసి వస్తుందని అక్కడి నేతలు భావిస్తున్నారు. అధిష్టానం చేత చెప్పించి, చిరంజీవిని ప్రచారానికి రప్పించేయత్నాల్లో ఉన్నారట అక్కడి కాంగ్రెస్ నేతలు. మరి చిరంజీవి వెళతారో లేదో చూడాలి. ఒకవేళ చిరంజీవి కనుక గ్రీన్ సిగ్నల్ ఇస్తే పవన్ ను చిరంజీవి కి మధ్య పోటీ ఏర్పడుతుందేమో.
చాలా మంది ఇంటర్వ్యూలకి వెళ్ళడానికి, వాటిని ఫేస్ చేయడానికి చాలా కంగారు పడుతుంటారు. అలాంటివారు ఈ క్రింద సూచనలను పాటించినట్లయితే విజయం సాధించవచ్చు. ఇంటర్వ్యూలలో సక్సెస్ కావడానికి ఎన్నో స్కిల్స్ వున్నాయి. వాటిలో కొన్నిటిని ఇప్పుడు చూద్దాం.   బయోగ్రఫీ చెప్పొద్దు... ఇంటర్వ్యూలో తరచుగా మన బయోడేటాకు సంబంధిన ప్రశ్న అడుగుతుంటారు అలాంటప్పుడు చాలామంది వెంటనే తమ బయోగ్రఫీ గురించి చెప్పుకొంటూ పోతారు. కాని అ విధంగా చెప్పడం సరైన పద్ధతికాదు. ఒక రిక్రూటర్ అభ్యర్థి మాట తీరును చూస్తాడు. అభ్యర్థికి పనిచేసే సామరథ్యం ఎంత ఉందో చూస్తాడే తప్ప ఫ్యామిలీ బ్యాక్ గ్రౌండ్, ఎంత కష్టపడి పైకి వచ్చిందీ చూడడు.  అందుకే ఇంటర్వూలో పర్సనల్ హిస్టరీ గురించి ఎప్పుడు చెప్పకూడదు.   స్కిల్స్ ఏమిటో స్పష్టంగా చెప్పాలి.. ఇంటర్వ్యూకి వెళ్ళిన అభ్యర్థులు ఆ జాబ్‌కు తాము ఎలా న్యాయం చేయగలమో స్పష్టంగా చెప్పాలి. అందుకు తగ్గ స్కిల్స్ తమ దగ్గర ఏమున్నాయో వివరించాలి. అలా వివరించే సమయంలో స్పష్టత తప్పనిసరి. ముందు జాబ్ కు సంబంధించిన స్కిల్స్ చెప్పాలి. అవసరమైతే ఎవిడెన్స్ రూపంలో చూపించవచ్చు.   సూటిగా చూడాలి... ఇంటర్వ్యూ చేసే వ్యక్తులను సూటిగా చూడాలి. మన కళ్ళలో సూటితనమే వారిలో వున్న ఎన్నో ప్రశ్నలకు చెప్పకుండానే సమాధానాలు చెప్పేస్తాయి.   బలహీనతలు ఒప్పుకోండి... రిక్రూటర్‌కు చెప్పే బలహీనతలు విషయంలో కూడా జాగ్రత్తగా ఉండాలి. నిజాయితీగా మన బలహీనతలు ఒప్పుకోవాలి. మీరు ఏ పనులైతే చేయలేరో, ఏయే విషయాలలో మీకు స్కిల్ లేదో స్పష్టంగా చెప్పేయాలి. లేని స్కిల్స్‌ ఉన్నాయని చెప్పుకోవడం వల్ల ఉపయోగం లేదు. లేని విషయాలు చెబితే వాటిని రిక్రూటర్ పట్టేస్తాడు. దానికి సంబంధించిన ప్రశ్నలు అడిగితే దొరికిపోయే ప్రమాదం వుంది. అయినా శుభమా అంటూ ఒక ఉద్యోగంలో చేరుతూ మొదటి స్టెప్‌లోనే అబద్ధాలు చెప్పడం వల్ల ఉపయోగం ఏముంటుంది చెప్పండీ?   సాగదీయొద్దు... సమాధానాలు చెప్పేటప్పుడు దాన్ని సాగదీయొద్దు. ఏ విషయాన్నయినా సూటిగా, స్పష్టంగా, సుత్తిలేకుండా చెప్పండి.. ఇక ఉద్యోగం మీదే.. నో డౌట్.. ఆల్ ద బెస్ట్..
మీరు మీ భార్య లేదా భర్తతో...హ్యాపీగా మంచి రిలేషన్ లో వుండాలను కు౦టున్నారా? అయితే ఓకే ఒక్క సూత్రం వుంది. దానిని పాటించ౦డి చాలు అంటున్నారు పరిశోధకులు..! ''సారీ'' ( Sorry ) ని కాస్త విరివిగా వాడితే చాలు బంధం బలపడుతుంది అంటున్నారు వీరు. సుదీర్ఘ౦గా కొన్ని వందల జంటలపై సాగించిన అధ్యయనంలో భార్య భర్తలకి ఒకరిపై ఒకరికి ఉండే ఆరోపణల్లో మొదటిస్థానంలో ఈ 'సారీ' చెప్పకపోవడమే నిలిచి౦దిట. మనసు గాయం చిన్నదైనా, పెద్దదైనా ఎదుటవ్యక్తి దానికి 'సారీ' చెప్పకపోతే దానిని తమపై ప్రేమ లేనట్లుగానే భావిస్తారట. భార్య అయినా భర్త అయినా.. నిర్లక్ష్యం, ప్రేమ లేకపోవడం, బాధ్యతారాహిత్యం, ఇలా అ ఫీలింగ్ కి రకరకాల మాస్కులు తొడిగేసి బాధ పడిపోతారట. ఇక ఆ భావనలు మనసుని పట్టి కుదిపెస్తుంటే అనుబంధం బీటలు వారక ఏమవుతుంది చెప్పండి? చిన్న సారీ పెద్ద ఉపద్రవాలని ఆపెయ్యగలదు అంటున్నారు పరిశోధకులు. చిన్న చిన్న మనస్పర్ధలు ఒకొటోకటిగా చేరి మనసును విరిచేస్తాయి కాబట్టి ఎదుటి వ్యక్తి మనసు నొప్పి౦చగానే సిన్సియర్ గా సారీ చెప్పండి..బంధాన్ని కాపాడుకోండి అని సలహా ఇస్తున్నారు. మరి కాస్త ఇగో పక్కన పెట్టి సారీ చెప్పేయడం ప్రారంభించ౦డి.      ...రమ
  సంతోషంగా వుండాలి. ఇదే అందరి కోరిక. అలా సంతోషంగా వుండాలంటే ఏమి కావాలి? ఏం చేయాలి అని తీవ్రంగా ఆలోచిస్తారు. ఏవేవో సూత్రాలు, ప్రణాళికలు చెబుతారు, వింటారు. సంతోషంగా వుండటం ఎలా అని నాలాగా ఎవరైనా వాళ్ళకి తోచింది రాస్తే అర్జెంటుగా చదివేస్తారు ఏమన్నా సీక్రెట్ తెలుస్తుందేమో అని. సంతోషపు నిధి తాళం దొరుకుతుందేమో అని. కానీ, దానికి యూనివర్సల్ సూత్రాలు అంటూ ఏవి వుండవు. వ్యక్తికీ వ్యక్తికి అవి మారిపోతుంటాయి. వాళ్ళవాళ్ళ మనస్తత్వాల బట్టి. ఎన్ని మాట్లాడుకున్నా, ఎన్ని తెలుసుకున్నా, లోపలి నుంచి నమ్మనిది ఏదీ ఆచరణలో కలకాలం నిలవదు. అందుకే ఒక్కసారి లోపలి నుంచి తర్కించి చూసుకోండి, అంతర్ముఖులుగా మారండి, మీతో మీరు వాదించుకోండి. ఏది నిజంగా మీకు సంతోషాన్ని ఇస్తుంది అన్నది తెలుసుకోండి. గుర్తించండి.  అర్జెంటుగా ఈ విషయం కోసం ఇంత ఆలోచించాలా? అనిపిస్తే ఒక్క ప్రశ్న వేసుకోండి! ఇప్పుడు నేను సంతోషంగా వున్నానా? దానికి సమాధానం టక్కున అవును అని వస్తే సరే. లేదంటే తరచి చూసుకునే పని మొదలు పెట్టండి. "సంతోషం గా ఉండటానికి చాలా చాలా కావాలి, అవన్నీ వుంటే అప్పుడు పూర్తి సంతోషం నా స్వంతం" అంటూ చాలా లిస్టు చెబుతారుచాలా మంది. కానీ ఓటి కుండ ఎప్పుడూ నిండదు  అంటారే అలానే సంతోషంగా ఉండటమన్నది మన ఛాయస్ తప్ప అది ఛాన్స్ కానేకాదని తెలియని వారికి ఇప్పుడే కాదు వాళ్ళు కోరినవన్నీ దొరికినా సంతోషం మాత్రం దరిచేరదు. జీవితాన్ని జీవించటం అంటారు చూసారా? అంటే ప్రతి క్షణాన్ని ఆస్వాదిస్తూ , ఆనందిస్తూ, ఆ ఆనందాన్ని వేరొకరికి కూడా పంచుతూ అలా జీవించే వాళ్ళకి సంతోషం ' ఐ లవ్ యు ' అంటూ తోడుగా నిలిచిపోతుంది. అంతర్ముఖులు కావటం అవసరం అని ఇందాక చెప్పుకున్నాం కదా ! ఒక ప్రశాంతమైన ప్రదేశంలో ఒక్కరే కూర్చుని, ప్రకృతితో మమేకం అవుతూ, ఏ ఆలోచనలూ లేకుండా ఒక్క రెండు నిముషాలు గడిపి చూడండి. మన లోపలకి మనం చేసే జర్నీనే అతి కష్టమయినది. అది చేయగలిగితే చాలు జీవిత ప్రయాణం ఏంతో  సులువు. ఆ జర్నీలో ఎన్నో ప్రశ్నలు ఎదురవుతాయి., జవాబులు ఎలా అనుకోవద్దు, ఎందుకంటే మన లోపలి శక్తికి అన్ని ప్రశ్నలకి సమధానం తెలుసు. కళ్ళు మూసుకోగానే నిజనిజాలని మన ముందు ఉంచుతుంది. మనం చేయాల్సిందల్లా ఆ లోపలి శక్తిని పలకరించటమే. ఒక్కసారి ఆ లోపలిదాకా  ప్రయాణం చేసి వస్తే చాలు. ఏవీ సమస్యలుగా కనిపించవు, ఎవరూ శత్రువులుగా తోచరు. ఈ రెండు లేకపోతే చాలు సంతోషం పరిగెట్టుకు వచ్చేస్తుంది. చకచకా పరుగులు పెడుతూ, బడ బడా మాట్లాడేస్తూ , ప్రపంచంతో ఎంతో మమేకం  అయిపోతూ మనకి మనం దూరం అయిపోతున్నాం.  మన లోపలి మనిషిని ఒంటరిని చేసేస్తున్నాం. సంతోషం చిరునామా తెలియలేదంటూ వాపోతున్నాం. మనలోనే వున్న దాని కోసం బయటి ప్రపంచమంతా వెతుకుతున్నాం. -రమ
  వైసీపీ నుండి ఇప్పటికే ఎంతో మంతి నేతలు టీడీపీ లోకి జంప్ అయిన సంగతి తెలిసిందే. ఇప్పుడు తాజాగా మరో నేత జగన్ షాకిచ్చి.. టీడీపీ కండువా కప్పుకున్నారు. ఆ కీలక నేత శత్రుచర్ల చంద్ర శేఖర రాజు. ఈయన పార్టీ పెట్టినప్పటినుండి ఉన్నారు. అయితే ఇప్పుడు ఆయన పార్టీని వీడి తెలుగుదేశం గూటికి చేరుకున్నారు. పార్వతీ పురంలో పర్యటిస్తున్న నారా లోకేశ్ ఆధ్వర్యంలో ఆయన టీడీపీలో చేరారు. పార్టీ కండువా కప్పి లోకేశ్ శత్రుచర్లను పార్టీలోకి ఆహ్వానించారు.
  జనసేన అధినేత పవన్ కల్యాణ్‌ మీడియాపై వార్ చేస్తున్న సంగతి తెలిసిందే. పలు ఛానళ్లను చూడొద్దని ఇటీవలే పవన్ తన అభిమానులకు పిలుపునిచ్చారు కూడా. ఇక పవన్ పిలుపు మేరకు ఇప్పటికే ఆయన అభిమానులు ఆ ఛానెళ్లను బ్యాన్ కూడా చేశారు. పవన్ కూడా తమ ట్విట్టర్ ఖాతా ద్వారా మీడియాపై వ్యతిరేకంగా ట్వీట్లు చేస్తూనే ఉన్నారు. దీంతో కొన్ని మీడియా సంఘాలు.. బంజారా హిల్స్‌ పోలీసులకు ఫిర్యాదు చేశారు. ఈనేపథ్యంలో పవన్ పై కేసులు నమోదైనట్టు తెలుస్తోంది. ఐపీసీ సెక్షన్లు 469, 504, 506 సెక్షన్ల కింద కేసు నమోదు చేశారు. ఈ మేరకు వారు పలు ఆధారాలను సమర్పించినట్లు తెలిసింది.
  వైసీపీ ఎమ్మెల్యే కొడాలి నానికి టీడీపీ ఎమ్మల్యే వల్లభనేని వంశీ వార్నింగ్ ఇచ్చారు. ఇంతకీ ఏ విషయంలో అనుకుంటున్నారా..? అసలు సంగతేంటంటే... జగన్ పాదయాత్రలో భాగంగా కృష్ణాజిల్లా చేరిన సంగతి తెలిసిందే. ఇక ఈ పాదయాత్రలో భాగంగా.... కొడాలి నాని మాట్లాడుతూ తనకూ.. నానికి మధ్య సాన్నిహిత్యం ఉందని చెప్పుకొచ్చారు. అయితే నాని మాటలపై స్పందించిన వంశీ..ఆయనపై విమర్శలు గుప్పించారు. నాని చేసిన వ్యాఖ్యలను ఆయన ఖండించారు. కొడాలి నాని పిచ్చి కుక్కలా మాట్లాడితే సహించేది లేదని చెప్పారు. నాని ఒకప్పుడు తనకు స్నేహితుడని, ఇప్పుడు కాదని తెలిపారు. నోటికొచ్చినట్టు మాట్లాడుతున్న కొడాలి నానితో పాటు బరితెగించి మాట్లాడుతున్న ఇతర నేతలను జగన్ కంట్రోల్ చేయాలని... లేకపోతే పరిణామాలు తీవ్రంగా ఉంటాయని హెచ్చరించారు.
  డయాబెటీస్‌ ఉన్నవారు పండ్లకి ఆమడ దూరంలో ఉంటారు. మహా అయితే నేరేడు పండ్ల సీజన్ ఎప్పుడు వస్తుందా అని ఆసక్తిగా ఎదురుచూస్తూ ఉంటారు. ఎందుకంటే చక్కెర వ్యాధి ఉన్నవారు నేరేడు పండు తప్ప మరే పండు తిన్నా తేడా వస్తుందేమో అన్న భయం వారిది. నిజానికి మన శరీరానికి కావల్సిన ఎన్నో పోషకాలను అతి చవకగా, అతి సహజంగా అందించే బాధ్యత పండ్లది. అలాంటి పండ్లని పూర్తిగా దూరం పెట్టడం వల్ల, ఇతరత్రా ఆరోగ్య సమస్యలు తలెత్తే ప్రమాదం లేకపోలేదు. మరి డయాబెటీస్‌ ఉన్నవారు ఎలాంటి పండ్లను, ఏ రకంగా తీసుకోవాలో నిపుణులు చెబుతున్న మాటలను ఓసారి చూద్దాం... ఎలాంటి బెర్రీలైనా!  స్ట్రాబెర్రీలు, బ్లూబెర్రీలు... ఇలా రకరకాల బెర్రీ పండ్లు ఇప్పుడు మనకి కూడా అందుబాటులో ఉంటున్నాయి. వీటిని నిస్సంకోచంగా తీసుకోవచ్చంటున్నారు వైద్యులు. వీటిలో ఉండే చక్కెర ఒక్కసారిగా రక్తంలోకి చేరుకోదనీ, కాబట్టి వీటిని తినవచ్చనీ సూచిస్తున్నారు. పైగా ఈ బెర్రీలలో ఉండే రకరకాల విటమిన్ల వల్ల శరీరానికి చాలా మేలు జరుగుతుంది కూడా. నారింజ: చక్కెరవ్యాధిగ్రస్తులకు ఇష్టమైన పండు నారింజేనేమో! తీపి కంటే పులుపే ఎక్కువగా ఉండే నారింజతో శరీరానికి కావల్సిన ‘C’ విటమిన్‌ పుష్కలంగా దొరుకుతుంది. ఇందులో పీచుపదార్థాలు కూడా అధికమే! పైగా నారింజలో ఉండే ఫోలేట్‌, పొటాషియం అనే పదార్థాలకి రక్తపోటుని అదుపుచేసే గుణం ఉంది. జామ:  డయాబెటీస్‌ ఉన్నవారు జామని కూడా నిరభ్యంతరంగా తీసుకోవచ్చు. ఇందులో ఉండే విటమిన్‌ ఏ,సీలు ఆరోగ్యానికి కావల్సిన పోషకాలను అందిస్తే, పీచు పదార్థాలు ఆహారం త్వరగా జీర్ణమయ్యేందుకు దోహదపడతాయి. ఇక శరీరంలోని కండరాల పనితీరుని మెరుగుపరిచే పొటాషియం కూడా జామకాయలో సమృద్ధిగా దొరుకుతుంది. యాపిల్:  రోజుకో యాపిల్‌తో రోగాలు దూరమన్న విషయం తెలిసిందే! కానీ కాస్త తియ్యగా ఉండే యాపిల్‌ అంటే డయాబెటీస్‌ రోగులు భయపడుతూ ఉంటారు. నిజానికి యాపిల్ పండులో ఉండే యాంటీ ఆక్సిడెంటల్ల వల్ల శరీరానికి చాలా మేలు జరుగుతుంది. ఇవి మన శరీరంలోని రోగనిరోధక వ్యవస్థను మెరుగుపరుస్తాయి. అంతేకాదు! కొన్ని పోషకాలను శరీరం మరింత సమర్థంగా జీర్ణం చేసుకునేందుకు కూడా యాపిల్స్ ఉపయోగపడతాయి. అయితే వీటిని తొక్కుతో సహా తిన్నప్పుడే... మరింత ఉపయోగం అని గుర్తుచేస్తున్నారు వైద్యులు. అరటిపండు:  అరటిలో ఉన్న సుగుణాలు అన్నీఇన్నీ కావు! అత్యంత చవకగా ఎక్కడ పడితే అక్కడ దొరికే ఈ అరటిపండులో పొటాషియం, మెగ్నీషియంలు ఉండటం వల్ల రక్తపోటు అదుపులో ఉంటుందట. అంతేకాదు శరీరంలోని జీవక్రియకు (మెటాబాలిజం) తోడ్పడే B6 విటమిన్‌ కూడా అరటిలో కనిపిస్తుంది. ఇక జీర్ణక్రియకు అరటిపండు చేసే సాయం గురించి ప్రత్యేకంగా చెప్పేదేముంది! పుచ్చకాయ:  ఎండాకాలం వస్తూనే ఊరించే ఈ పండుని పూర్తిగా కాకుండా కొన్ని ముక్కలను తీసుకోవడంలో తప్పులేదంటున్నారు నిపుణులు. పుచ్చకాయలో విటమిన్‌ సి ఎలాగూ ఉంటుంది. ఇక పళ్లరసాలను దూరంగా ఉండే డయాబెటీస్‌ రోగులకు... పుచ్చకాయ, జ్యూస్‌ తాగినంత ఉపశమనాన్ని కలిగిస్తుంది. ఇందులో ఉండే అధిక నీరు, దాహాన్ని తీర్చి శరీరానికి కావల్సిన తేమని అందిస్తుంది. కేవలం పైన పేర్కొన్న పండ్లే కాకుండా పీచ్‌, పియర్స్‌, కివీ, అవకాడో... వంటి విదేశీ పళ్లు కూడా తీసుకోవచ్చు. ఇలాంటి ఖరీదైన పండ్ల జోలికి ఎవరు వెళ్తారులే అనుకుంటే ఉసిరి, దానిమ్మ, పంపరపనస... వంటివి ప్రతి చోటా కాస్త తక్కువ ధరలోనే లభిస్తూ ఉంటాయి. అన్నింటికీ మించి కాస్త కాస్త మోతాదులో తీసుకోవడం, అన్ని పదార్థాలతో కలిపి లాగించేయకుండా విడిగా తినడం వంటి జాగ్రత్తలు పాటిస్తే మధుమేహం ఉన్నవారు కూడా పళ్ల రుచిని ఆస్వాదించవచ్చునని సూచిస్తున్నారు వైద్యులు. - నిర్జర
  కబాలి హడావుడి ముగిసింది. కానీ పోకేమాన్‌ మాత్రం దూసుకునిపోతున్నాడు. ప్రపంచానికంతా ఇప్పుడు పోకెమాన్‌ జాడ్యమే పట్టేసింది. ఇలాంటి ఆటలు ఆడుతూ, లేని జంతువులను ఊహించుకుంటూ రోడ్ల మీద తిరగడం వల్ల రకరకాల సమస్యలు వస్తాయన్న వార్తలు పుంఖానుపుంఖాలుగా వినిపిస్తూనే ఉన్నాయి. ఇన్ని విమర్శల మధ్య కొన్ని సానుకూలమైన మాటలు కూడా వినిపిస్తున్నాయో. అవేంటంటే...   విటమిన్‌ డి లభ్యం- పొద్దస్తమానం, అయితే ఇంట్లోనూ లేకపోతే కారులోనూ గడిపేసే పాశ్చత్యులని ఆరుబయలకు తీసుకువచ్చిన ఘనత పోకెమాన్‌దే. ఇందులో ఎలాంటి అనుమానమూ లేదు! ఇలా రోజూ కాసేపు ఎండపట్టున తిరగడం వల్ల ఇంతవరకూ దూరంగా ఉన్న విటమిన్‌ డి ఇప్పుడు పుష్కలంగా లభిస్తోందంటున్నారు పోకెమాన్‌ ప్రియులు. కీళ్ల నొప్పుల నుంచి చర్మవ్యాధుల వరకూ విటమిన్‌ డి ఎంత అవసరమో చెప్పేదేముంది. జీవనశైలిలో మార్పు- ఆధునిక జీవనశైలి అంటే, నిరంతరం ఏదో ఒక చోట కూర్చుని ఉండటమే! దానికి తోడు ఇప్పటి వరకూ ప్రచారంలో ఉన్న వీడియో గేమ్స్ అన్నీ కూడా కూర్చుని అడేవే. పోకెమాన్‌తో ఇలాంటి పరిస్థితి నుంచి మార్పు వచ్చిందంటున్నారు. పోకెమాన్‌తో ఇంతవరకూ కుర్చీలోంచి కదలని వారంతా లేచి నాలుగు అడుగులు వేస్తున్నారట.     వేగం.. వేగం-  పోకెమాన్‌గోని పట్టుకోవాలంటే అలా ఓ నాలుగడుగులు వేస్తే సరిపోదు. కాస్త వేగంగా నడవాలి. కాస్త చురుగ్గా పోకెమాన్ల కోసం వెతకాలి. దీని వల్ల కావల్సినంత వ్యాయామం అవుతోందంటున్నారు కొందరు. ఈ ఆట ఆడుతున్న దగ్గర్నుంచీ రోజుకి కనీసం గంట తక్కువ కాకుండా నడుస్తున్నాం అనేవారి సంఖ్య నానాటికీ పెరిగిపోతోంది. పని ఒత్తిడి నుంచి విశ్రాంతి- ఈ రోజుల్లో ఉద్యోగాలు ఎంత ఒత్తిడితో కూడుకుని ఉంటాయో చెప్పేదేముంది! రోజుకి పది పన్నెండు గంటలు పనిచేసినా కూడా ఇంకా మెదడు మీద ఆ ఉద్యోగభారం ఉంటూనే ఉంటుంది. పోకెమాన్‌గోతో అలాంటి ఒత్తిడి నుంచి సులువుగా దూరం కావచ్చునంటున్నారు. ఒత్తిడి నుంచి ఉపశమనం పొందేందుకు సిగిరెట్టు, మద్యపానాల జోలికి పోకుండా, పోకెమాన్‌తో ఆడుకోవడం మంచిదే కదా అని దబాయిస్తున్నారు.   డోపమైన్‌:  పోకెమాన్‌గో ఆడుతున్నప్పుడు శరీరంలో డోపమైన్‌ అనే రసాయనం విడుదల అవుతుందనీ, ఇది ఒకరకమైన సంతృప్తిని కలిగిస్తుందనీ చెబుతున్నారు. నిరంతరం ఈ సంతృప్తిని కోరుకోవడం కోసమే పోకెమాన్‌గో అంటే పడి చస్తున్నారు జనం.   సరే! పోకెమాన్‌గోతో ఇలాంటి ఉపయోగాలు కొన్ని ఉంటే ఉండవచ్చుగాక! కానీ ఎక్కడ నడుస్తున్నామో చూసుకోకుండా, ఏ హద్దులు దాటుతున్నామో గమనించుకోకుండా... గంటల తరబడి జీవితాలను వెచ్చించే ఈ పోకెమాన్‌గో ఏ వ్యసనానికీ తీసిపోదంటున్నారు పెద్దలు. ఇలా ఎవరి వాదనని వారు వినిపించేశారు. ఇక నిర్ణయించుకోవల్సింది మనమే!   - నిర్జర.
  ఒకప్పుడు ఉద్యోగం పురుష లక్షణం అనే నానుడి ఉండేది.  కాలం మారింది ఆ నానుడి కూడా పాతబడిపోయింది. ఇప్పుడు అన్ని రంగాల్లో మగవారితో పాటు ఆడవాళ్ళు కూడా ఎందులోనూ మేము తక్కువ కాము అన్నట్టు ఉద్యోగాలు చేస్తున్నారు. ఈ మధ్య కాలంలో అమెరికన్ టైమింగ్స్ కి అనుగుణంగా రాత్రిళ్ళు కూడా పనిచెయ్యాల్సి వస్తే దానికి కూడా ఎక్కడా వెనకడుగు వెయ్యకుండా ముందుకు దూసుకేళ్తున్నారు. జీతాలు ఎక్కువ విశ్రాంతి తక్కువ అయిపోతోంది.   ఇలాంటి నైట్ షిఫ్ట్ లు అమ్మాయిల ఆరోగ్యంపై ఎలాంటి ప్రభావం చూపిస్తున్నాయి అని అడిగితే చెడు ప్రభావమే అంటున్నారు పరిశోధకులు. రాత్రిళ్ళు డ్యూటి చేసే ఆడవారిలో బ్రెస్ట్ కాన్సర్ వచ్చే అవకాశం ఎక్కువగా ఉంటుందిట. శరీరంలో మెలటోనిన్‌, హార్మోన్లపై ప్రభావం చూపటం వల్లే రాత్రి డ్యూటీలు క్యాన్సర్‌కు కారణమవుతున్నట్లు పరిశోధకులు స్పష్టం చేస్తున్నారు. ఈ మెలటోనిన్‌ రక్తంలో ఈస్ట్రోజన్‌ను తగ్గిస్తుంది, క్యాన్సర్‌ కణాల పెరుగదలనూ నిరోధిస్తుంది. మామూలుగా మన మెదడు మెలటోనిన్‌ను ఎక్కువగా మధ్యరాత్రి వేళల్లో వాతావరణం చీకటిగా ఉన్నప్పుడే ఉత్పత్తి చేస్తుంది. అలాంటి  సమయంలో నిద్రపోకుండా సహజ సిద్ధమైన వెలుతురులో కాకుండా కృత్రిమ వెలుతురు కింద, లైట్ల కాంతిలో పని చేసేటప్పుడు మెదడు మెలటోనిన్‌ విడుదలను ఆపేస్తుంది. దీనికారణంగా ఆరోగ్యం దెబ్బతిని రొమ్ము క్యాన్సర్‌ ఒక్కటే కాకుండా, పలురకాల అనారోగ్య సమస్యల ముప్పు పొంచి ఉంటుందన్నారు.     ఈ కారణంగానే పగటి వేళల్లో విధులు నిర్వర్తించే వారితో పోలిస్తే, రాత్రి డ్యూటీలు చేసే మహిళల్లో రొమ్ము క్యాన్సర్‌ ముప్పు48 శాతం దాకా ఎక్కువగా ఉంటున్నట్లు తేలింది. ఈ సమస్యని నివారించుకోవాలంటే శరీరానికి  వ్యాయామం ఎంతైనా అవసరం. అలాగే నీళ్ళు ఎక్కువగా  తాగుతూ ఉండాలి. వెల్లుల్లి అన్ని వంటకాలలో తగిన విధంగా వాడాలి. దానిమ్మ పండుని ఎక్కువగా తినాలి. మాములు టీ బదులు గ్రీన్ టీ అలవాటుచేసుకోవటం మంచిది. రాత్రిపూట భోజనం బరువైనది కాకుండా చూసుకోవాలి. తేలికగా అరిగె పదార్థాలు తింటే సమస్య మన దగ్గరకి రాకుండా ఉంటుంది.         ...కళ్యాణి