గౌహతి ఐఐటీ విద్యార్థి ఆత్మహత్య

గౌహతి ఐఐటీలో ఎలక్ట్రానిక్స్ అండ్ కమ్యూనికేషన్స్ ఇంజనీరింగ్ చదువుతున్న ఒక విద్యార్థి హాస్టల్ బిల్డింగ్ మీద నుంచి దూకి ఆత్మహత్య చేసుకున్నాడు. తుషార్ యాదవ్ అనే పేరున్న ఈ విద్యార్థి గుర్‌గావ్ ప్రాంతానికి చెందినవాడు. ఈ విద్యార్థి గత కొంతకాలంగా తీవ్ర డిప్రెషన్‌లో వున్నట్టు తెలుస్తోంది. అయితే తుషార్ యాదవ్ ర్యాగింగ్ కారణంగానే చనిపోయి వుండొచ్చని పోలీసులు అనుమానిస్తున్నారు. అయితే ఐఐటీ అధికారులు మాత్రం తుషార్‌ని ఎవరూ ర్యాగింగ్ చేయలేదని అంటున్నారు. ఈ ఏడాది మార్చిలో ఇదే ఐఐటీలో ఎమ్మెస్సీ చదువుతున్న ఓ పశ్చిమ బెంగాల్ విద్యార్థి ర్యాగింగ్ కారణంగా ఆత్మహత్య చేసుకున్నాడు.