పచ్చిపాలు ఇలా వాడితే ముఖం నిగనిగ..! ముఖం మెరిసేలా చేయడానికి మార్కెట్లో అనేక చర్మ సంరక్షణ ఉత్పత్తులు అందుబాటులో ఉన్నాయి. వాటిని ఉపయోగించడం వల్ల ముఖానికి తక్షణ మెరుపు వస్తుంది. కానీ కొన్నిసార్లు ఈ ఉత్పత్తులు చర్మానికి ప్రయోజనం చేకూర్చే బదులు హాని కలిగిస్తాయి. ఇలాంటి పరిస్థితిలో నటీమణుల నుండి సామాన్యుల వరకు ప్రతి ఒక్కరూ ఇంటి రెమిడీస్  ప్రయత్నించడానికి ఇష్టపడతారు. ఇలా ఉపయోగించేవాటిలో పచ్చిపాల వినియోగం చాలా ముఖ్యమైనది. నిజానికి పచ్చి పాలు చర్మానికి చాలా ప్రయోజనకరంగా ఉంటాయి. పచ్చి పాలను  సరిగ్గా ఉపయోగించినప్పుడు  ఎక్కువ ప్రయోజనం పొందవచ్చు. అయితే పచ్చిపాలను ఎలా ఉపయోగించాలి? ఎలా ఉపయోగించడం వల్ల ముఖం నిగనిగలాడుతుంది? తెలుసుకుంటే.. పచ్చిపాలు ప్యాక్ వాడితే.. కావలసిన పదార్థాలు.. 2-3 టేబుల్ స్పూన్లు పచ్చి పాలు  1 స్పూన్ శనగపిండి తయారీవిధానం.. పచ్చిపాలతో ఫేస్  ప్యాక్ తయారు చేయడానికి ముందుగా ఒక గిన్నెలో పచ్చి పాలు తీసుకోవాలి. దానిలో కొంచెం శనగపిండి కలిపి పేస్ట్ తయారు చేసుకోవాలి. ఈ పేస్ట్ చాలా నీళ్లగా ఉండకూడదు.పేస్ట్ పల్చగా  మారితే దానిని ముఖానికి పూయడం కష్టం అవుతుంది. కాబట్టి కొంచెం మందంగా పేస్ట్ తయారు చేసి కొంత సమయం అలాగే ఉంచాలి. తద్వారా అది బాగా సెట్ అవుతుంది. ఎలా ఉపయోగించాలి? తయారు చేసిన పేస్ట్ ను కొద్దిసేపు అలాగే నిల్వ చేసిన తరువాత  ముందుగా  ముఖం,  మెడను బాగా కడుక్కోవాలి. ముఖాన్ని శుభ్రం చేసుకున్న తరువాత పొడి టవల్ తీసుకుని ముఖం మీద తేమను శుభ్రంగా తుడుచుకోవాలి. ఇప్పుడు తయారు చేసుకున్న మిశ్రమాన్ని బ్రష్ సహాయంతో ముఖం,  మెడపై సమానంగా అప్లై చేయాలి. ప్యాక్ ను 15-20 నిమిషాలు ఆరనివ్వాలి. 20 నిమిషాల తర్వాత ముఖాన్ని చల్లటి నీటితో కడగాలి. ముఖం కడుక్కున్న తర్వాత, తేలికపాటి చేతులతో స్క్రైబ్ చేస్తూ  తుడవాలి.   తరువాత ముఖాన్ని శుభ్రం చేసుకుని పొడి టవల్ తో తుడుచుకోవాలి.  ముఖం తేమ లేకుండా తుడుచుకున్న తరువాత మాయిశ్చరైజన్ ను ముఖానికి అప్లై చేసి ఆ తరువాత టోనర్ ను ముఖానికి అప్లై చేయాలి.  ఇలా చేస్తే ముఖం ప్రకాశవంతంగా మారుతుంది. ఈ ప్యాక్ ను వారానికి 2-3 సార్లు మాత్రమే ఉపయోగించాలి.  2-3 సార్ల  కంటే ఎక్కువగా ఉపయోగిస్తే అది ముఖానికి హాని కలిగిస్తుంది. మరొక విషయం ప్యాక్ ట్రై చేసేముందు ప్యాక్ ను ప్యాచ్ టెస్ట్ చేసుకోవాలి.                                *రూపశ్రీ.

కేవలం ఒక్క నెలలో జుట్టు స్వరూపాన్ని మార్చే ఆయిల్ ఇది.. దీన్నెలా చేయాలంటే..! జుట్టు అందంగా, ఆరోగ్యంగా ఉండాలని ప్రతి ఒక్కరు కోరుకుంటారు.  ముఖ్యంగా అమ్మాయిలు ఏ కొద్దిగా జుట్టు రాలుతున్నా చాలా ఆందోళన చెందుతారు. అయితే జుట్టు రాలకుండా ఉండటానికి పోషకాహారం తీసుకోవడంతో పాటు.. జుట్టు సంరక్షణ కూడా చాలా ముఖ్యం. జుట్టుకు ఎలాంటి నూనె పెడుతున్నారు? ఎలాంటి షాంపూ వాడుతున్నారు? ఎలా దువ్వుతున్నారు?  జుట్టును జాగ్రత్తగా చూసుకునే విధానం ఎలా ఉంది? ఇవన్నీ కూడా జుట్టు పెరుగుదల మీద ప్రభావం చూపిస్తాయి. ఇకపోతే..  ఇంట్లోనే తయారు చేసుకునే నూనె వల్ల జుట్టు చాలా ఆరోగ్యంగా,  ఒత్తుగా పెరుగుతుంది. ఈ నూనె ఏంటి? దీన్ని తయారు చేయడానికి ఏ పదార్థాలు వినియోగించాలి? ఎలా తయారు చేయాలి? మొదలైన విషయాలన్నీ తెలుసుకుంటే.. నూనె తయారీకి కావలసిన పదార్థాలు.. కొబ్బరి నూనె మెంతి గింజలు కరివేపాకు మందార పువ్వులు ఉల్లిపాయ రసం తయారీ విధానం.. ముందుగా మెంతుల గింజలను మెత్తగా రుబ్బుకోవాలి. రుబ్బిన తర్వాత పక్కన పెట్టుకోవాలి. పక్కన ఉంచేటప్పుడు, కరివేపాకు, మందార పువ్వులను కడిగి ఎండలో ఆరబెట్టాలి. దీని తరువాత, ఉల్లిపాయను తురుముకుని దాని రసాన్ని తీయాలి. మొదటగా కొబ్బరి నూనెను ఇనుప పాన్‌లో వేడి చేయాలి. నూనె వేడెక్కడం ప్రారంభించినప్పుడు, పొడి పదార్థాలను ఒక్కొక్కటిగా అందులో వేయాలి. ముందుగా మెంతులు వేయండి. ఆ తర్వాత కరివేపాకు మరియు మందార పువ్వులను వేయాలి. అవి చిటపటలాడుతూ  రంగు మారతాయి.  ఇలా జరిగేటప్పుడు వాటిలో పోషకాలు నూనెలోకి చేరతాయి. ఇలా జరిగినప్పుడు ఉల్లిపాయ రసం వేసి   మరిగించాలి. నూనెలో ఉల్లిపాయ రసం బాగా ఇగిరిపోయాక స్టౌ ఆఫ్ చేయాలి. నూనె పూర్తిగా చల్లబరచాలి. అది చల్లబడిన తర్వాత  ఫిల్టర్ చేసి గాజు సీసాలో నిల్వ చేయాలి. ఎలా ఉపయోగించాలి.. ఈ నూనను రెగ్యులర్ గా కంటే వారంలో 2 లేదా 3 సార్లు ఉపయోగించడం మేలు.  నూనెను జుట్టు మూలాల నుండి అప్లై చేయాలి. ఇలా అప్లే చేసిన తరువాత సున్నితంగా మసాజ్ చేయాలి. కనీసం 1 గంట లేదా రాత్రంతా అలాగే ఉంచుకోవాలి.  గంట తరువాత లేదా మరుసటిరోజు ఉదయం గాఢత లేని షాంపూతో తలస్నానం చేయాలి. వారంలో 2లేదా 3 సార్లు ఈ ప్రాసెస్ చేస్తుంటే జుట్టు చక్కగా, ఆరోగ్యంగా పెరుగుతుంది. హెయిర్ పాల్ అనేది కనిపించదు.  ఈ నూనెలో ఉపయోగించిన ఏ పదార్థం ఎలా పనిచేస్తుందంటే.. మెంతులు: జుట్టు రాలడాన్ని తగ్గిస్తుంది, చుండ్రును తొలగిస్తుంది.  కరివేపాకు: కొత్త జుట్టు పెరగడానికి సహాయపడుతుంది.  మందార: జుట్టు పొడవు,  సాంద్రతను పెంచుతుంది. ఉల్లిపాయ రసం: జుట్టు కుదుళ్లను సక్రియం చేస్తుంది. కొబ్బరి నూనె: తలకు బాగా పోషణ అందిస్తుంది.                        *రూపశ్రీ.

రోజూ ఫౌండేషన్ వాడుతున్నారా...కొంపలు మునిగినట్టే..! మేకప్  వల్ల ముఖం అందంగా ఉండటమే కాకుండా ఆత్మవిశ్వాసం కూడా పెరుగుతుంది. అందుకే నేటి కాలంలో స్త్రీలు, పురుషుల లైఫ్ స్టైల్ లో మేకప్ అనేది భాగం  అయిపోయింది.  పురుషులు కూడా తమకు కేటాయించిన బ్రాండ్స్ ను ఎలాంటి సంకోచం లేకుండా కొని వాడుతుంటారు.  ఇది ముఖంలోని లోపాలను దాచి ముఖం ప్రకాశవంతంగా  మారుస్తుంది. ఇక మేకప్ లో ముఖ్యమైన భాగం ఫౌండేషన్.  చర్మపు రంగును బట్టి దీనిని కొనుగోలు చేస్తారు. ఇది ముఖంపై మంచి బేస్‌ను సృష్టిస్తుంది. కానీ రోజూ వేసుకుంటున్నా, లేక తప్పుడు ఫౌండేషన్ ను ఉపయోగిస్తున్నా అది చాలా నష్టాలు కలిగిస్తుంది. ఫౌండేషన్ ను రోజూ వాడటం లేదా తప్పు ఫౌండేషన్ ను ఉపయోగించడం వల్ల కలిగే నష్టాలేంటో తెలుసుకుంటే.. రంధ్రాలు మూసుకుపోతాయి.. ప్రతిరోజూ  ముఖంపై ఫౌండేషన్ ఉపయోగిస్తే, చర్మ రంధ్రాలు క్రమంగా మూసుకుపోతాయట. దీనివల్ల చర్మంపై మొటిమలు,  బ్లాక్ హెడ్స్ ఏర్పడతాయి. కొన్నిసార్లు దీనివల్ల మొటిమల సమస్య చాలా పెరుగుతుంది కూడా.   ఇది చాలా ఇబ్బందిని కలిగిస్తుంది. చర్మాన్ని చాలా దెబ్బతీస్తుంది. అలెర్జీలు, దద్దుర్లు.. ప్రతిరోజూ  ముఖంపై చవకగా తక్కువ ధరలో దొరికే   ఫౌండేషన్‌ను ఉపయోగిస్తుంటారు కొందరు. ఇవన్నీ ఎలాంటి ఫార్ములా లేకుండా తయారు చేస్తారు.  ఈ ఫౌండేషన్‌లలో ఉండే రసాయనాలు అలెర్జీలు, దురద లేదా దద్దుర్లు కలిగిస్తాయని. సున్నితమైన చర్మం ఉన్నవారు ఈ సమస్యను ఎక్కువగా ఎదుర్కొంటారు. డ్యామేజ్..  ప్రతిరోజూ నాణ్యత లేని ఫౌండేషన్ ఉపయోగిస్తుంటే అది చర్మంలో ఉండే  తేమను తగ్గిస్తుంది.   చాలా సందర్భాలలో ఫౌండేషన్‌ను ఎక్కువగా ఉపయోగించడం వల్ల చర్మంపై అదనపు నూనె పేరుకుపోతుంది. ఇది మొటిమలకు మరింత కారణమవుతుంది. మెరుపు.. ప్రతిరోజూ ఎక్కువగా ఫౌండేషన్ వాడటం వల్ల ముఖం  మెరుపు క్రమంగా తగ్గుతుంది. ముఖ్యంగా ముఖం మీద చవకైన ఫౌండేషన్‌ను క్రమం తప్పకుండా ఉపయోగిస్తుంటే.. దీని వల్ల  ముఖం నిస్తేజంగా మారడం ప్రారంభమవుతుంది. వృద్దాప్యం.. ఫౌండేషన్‌ను సరిగ్గా తొలగించకపోవడం కూడా పెద్ద సమస్యకు దారితీస్తుంది. వాస్తవానికి ఫౌండేషన్‌ను సరిగ్గా శుభ్రం చేయకపోతే అది చర్మం శ్వాస తీసుకోకుండా నిరోధిస్తుంది. ఇది చిన్నవయసులోనే ముడతలకు దారితీస్తుంది. ఇది కాస్త చిన్నవయసులో ముసలివాళ్లలా కనిపించేలా చేస్తుంది.                              *రూపశ్రీ.  

ముఖ సౌందర్యాన్ని పాడు చేసే బ్లాక్ హెడ్స్   మామూలుగా ఏ స్త్రీ లేదా పురుషుని అందాన్ని గురించి మాట్లాడేటప్పుడు ముఖాన్ని గురించి ముందుగా ప్రస్తావిస్తారు. ముఖమే ఎవరి అందానికైనా కొలబద్దగా ఉంటుంది. అందమైన ముఖానికి చక్కటి ముక్కు ఒక ఆకర్షణగా నిలుస్తుంది. కాని ఈ అందమైన నాసికా సౌందర్యాన్ని తగ్గిస్తాయి బ్లాక్ హెడ్స్. మిగిలిన వారిలో కూడా ఇది కనిపించినా, ప్రధానంగా ఆయిలీ స్కిన్ ఉన్న వాళ్ళలో ఈ సమస్య ఎక్కువగా కనిపిస్తుంది. వీటివల్ల ఎలాంటి ఆరోగ్య సమస్యలు లేకపోయినా ఇవి చికాకును తెప్పిస్తాయి. ఎంతో అందమైన ముఖం వున్నా వీటి వల్ల ఇబ్బందిగానే ఉంటుంది. ముఖ్యంగా ఇవి ఒకసారి తీసేసినా పడే పడే వస్తూ ఉంటాయి. దీని వల్ల మానసికంగా కొంచెం దిగులు ఏర్పడుతుంది. పడే పడే అద్దంలో వీటిని చూసుకుంటూ ఉండటం కంటే తీసివేసే మార్గాన్ని చూడటం ఉత్తమం. వీటి నివారణోపాయం ఏమిటంటే బ్యూటీషియన్ దగ్గరకు వెళ్ళి వాటిని తగిన విధంగా తీసి వేయించుకుంటూ ఉండటం. ఇప్పుడు బ్లాక్ హెడ్స్ తీసివేయడానికి చాలా మార్గాలు ఉన్నాయి. బ్యూటీ పార్లర్ లో లేదా స్వంతంగా వారానికి రెండు సార్లు ముల్తానా మట్టి ప్యాక్ వేయించుకోవడం ఒక పధ్ధతి మరో పధ్ధతి ఏమిటంటే రోజూ మర్చి రోజు రాత్రి పూట నిద్రపోయే ముందు ట్రెటినాయిన్ ను పల్చగా ముక్కుకు తాసుకోవడం. దీని అలాగే ఉంచుకోవాలి. ఇలా చేయడం వల్ల ముక్కు పై భాగంలో ఏర్పడే సన్నని పొరలు తొలగిపోతాయి. అక్కడి చర్మం ప్రకాశవంతంగా , అందంగా తయారవుతుంది. ఈ కారణం వల్ల బ్లాక్ హెడ్స్ రావడం బాగా తగ్గిపోతుంది. బ్యూటీ పార్లర్ కు వెళ్ళే విషయంలో కొంత పరిశీలన అవసరం. అనుభవం ఉన్న బ్యూటీషియన్ దగ్గరకు మాత్రమే వెళ్ళాలి. బ్లాక్ హెడ్స్ రిమూవ్ చేయడానికి కొంచెం నైపుణ్యం అవసరం . పరిశుభ్రతను పాటించే బ్యూటీ పార్లర్ లను ఎంచుకోవాలి. బ్యూటీ పార్లర్ కు వెళ్ళడం కొంత ఖరీదైన వ్యవహారం కాబట్టి నెలకు ఒకసారి వెళ్ళినా సరిపోతుంది. కొంతమందికి ముక్కు చుట్టూ బ్లాక్ హెడ్స్ తో పాటుగా వైట్ హెడ్స్ కూడా వస్తాయి. అయితే ఇవి రావడం చాలా అరుదుగా జరుగుతుంది. వీటిని నివారించాలంటే ఆస్ట్రిన్జెంట్ లోషన్ లో దూదిని ముంచి, ముక్కు చుట్టూ రాసుకుంటే సరిపోతుంది. దీంతో వైట్ హెడ్స్ రావడం తగ్గిపోతుంది.

స్ప్లిట్ ఎండ్ ట్రీట్మెంట్.. పదే పదే వెంట్రుక చివర్లు చిట్లుతున్నాయా..ఇలా చేసి చూడండి..!   వర్షాకాలంలో చాలా మంది జుట్టు సంబంధిత సమస్యలతో ఇబ్బంది పడుతుంటారు. ముఖ్యంగా జుట్టు చివర్లను స్ప్లిట్ ఎండ్స్ అని కూడా పిలుస్తారు. ఈ సమస్య మహిళలను వదిలిపెట్టదు. ప్రతి నెలా జుట్టు చివర్లు కత్తిరించినప్పటికీ జుట్టు  చివర్లు చిట్లుతూ ఉంటుంది.  దీని కారణంగా జుట్టు పెరుగుదల మందగిస్తుంది. జుట్టు చివర్ల చిట్లే సమస్య వల్ల జుట్టును పదే పదే కత్తిరించడం కూడా అంత మంచిది కాదు.. దీని కారణంగా జుట్టు చివర్లు ఆరోగ్యంగా ఏమీ ఉండవు. మళ్లీ కొన్ని రోజులకే సమస్య మొదటికి వస్తుంది. జుట్టు చివర్లు చిట్లకుండా ఉండేందుకు ఇంట్లోనే ఈ కింది చిట్కాలు ట్రై చేయవచ్చు. కొబ్బరి నూనె,  నిమ్మకాయ..  జుట్టు చివర్లు చిట్లడాన్ని  సులభమైన మార్గంలో తగ్గించుకోవాలంటే.. దాని కోసం కొబ్బరినూనె, నిమ్మకాయ ఉపయోగించవచ్చు. ముందుగా ఒక గిన్నెలో కొంచెం నిమ్మరసం తీసుకోవాలి.  అందులో కొబ్బరి నూనె కలపాలి. దీన్ని బాగా మిక్స్ చేసి   ఈ మిశ్రమాన్ని మీ జుట్టు చివర్లకు అప్లై చేయాలి. అందరూ గుర్తుంచుకోవలసిన విషయం ఏమంటే.. నిమ్మకాయ అందరికీ సరిపోదు. కాబట్టి ప్యాచ్ టెస్ట్ తర్వాత మాత్రమే దానిని తలకు అప్లై చేయడం మంచిది. అప్లై చేసిన తర్వాత, అరగంట పాటు అలాగే ఉంచి,  అరగంట తర్వాత జుట్టును తేలికపాటి షాంపూతో కడగాలి. వారానికి రెండుసార్లు ఇలా చేస్తే  తేడా స్పష్టంగా కనిపిస్తుంది. తేనె, ఆలివ్ నూనె.. ఆలివ్ నూనె జుట్టుకు అద్బుతంగా పనిచేస్తుంది.  ఇందులో జుట్టును రిపేర్ చేయడానికి సహాయపడే  అనేక అంశాలు ఉంటాయి. ఒక చెంచా తేనెలో రెండు చెంచాల ఆలివ్ నూనె కలపాలి.  ఈ ప్యాక్ ని  జుట్టు చివర్లకు  అప్లై చేయాలి. ప్యాక్ ని జుట్టు మీద అప్లై చేసిన తర్వాత, అరగంట పాటు అలాగే ఉంచాలి.  తేనె  జుట్టులోని తేమను లాక్ చేయడానికి పని చేస్తుంది. అరగంట తర్వాత ప్యాక్ కొద్దిగా ఎండిపోవడం మొదలైనప్పుడు  జుట్టును కడగాలి. గుడ్డు, పెరుగు.. జుట్టుకు  గుడ్డును ఉపయోగించడంలో ఎటువంటి సమస్య లేని వారు గుడ్డు ప్యాక్ తయారు చేయడం ద్వారా స్ప్లిట్ చివర్లను సరిచేయవచ్చు.  ముందుగా  ఒక గుడ్డును పగలగొట్టి దాని తెల్ల భాగాన్ని ఒక గిన్నెలోకి తీసుకోవాలి. ఇప్పుడు అందులో రెండు చెంచాల పెరుగు కలపాలి. ఈ రెండింటినీ బాగా కలిపి జుట్టుకు అప్లై చేసి, అరగంట పాటు జుట్టును ఇలాగే వదిలేయాలి.  అరగంట తర్వాత జుట్టును కడగాలి. ఈ మాస్క్ ఉపయోగించిన తర్వాత జుట్టు చివరలు చిట్లడం కూడా ఆగిపోతుంది.  దానితో పాటు జుట్టు బలంగా కూడా మారుతుంది.                                 *రూపశ్రీ.  

డెడ్ స్కిన్ తొలగించి చర్మాన్ని రిపేర్ చేసే బాడీ స్క్రైబ్ ఇంట్లోనే ఇలా చేసుకోవచ్చు..!     చర్మంపై ఉన్న డెడ్ స్కిన్ కారణంగా ముఖం, చేతులు,  కాళ్ళు చాలా వాడిపోయినట్టు  కళావిహీనంగా  కనిపిస్తాయి. దీని స్థానంలో మెరిసే చర్మాన్ని పొందడానికి అప్పుడప్పుడు బాడీ స్క్రబ్‌ను ఉపయోగించవచ్చు. ఇది చర్మానికి చాలా మంచిది. ఈ బాడీ స్క్రబ్  చర్మం నుండి డెడ్ స్కిన్‌ను తొలగిస్తుంది.  స్కిన్ టోన్‌ను ఒక షేడ్ ద్వారా కాంతివంతం చేస్తుంది. చర్మం కూడా రకాలుగా ఉంటుంది.  ప్రతి చర్మ రకానికి బాడీ స్క్రబ్‌లు మార్కెట్లో అందుబాటులో ఉంటాయి. అయితే   మార్కెట్లో లభించే స్క్రబ్‌ కు బదులు ఇంట్లో తయారుచేసిన స్క్రబ్‌ను ప్రయత్నించవచ్చు. ఇంట్లోనే ఈజీగా తయారుచేసుకోగల బాడీ స్ర్కబ్ ల గురించి తెలుసుకుంటే.. కాఫీ, కొబ్బరినూనె స్ర్కబ్..  ఒక గిన్నెలో కొబ్బరి నూనె తీసుకోవాలి. ఇప్పుడు అందులో కొంచెం పొడి చక్కెర,  కాఫీ కలపాలి.  రెండింటినీ కలిపిన తర్వాత దానిని చర్మంపై అప్లై చేయాలి. 5 నిమిషాలు ఇలాగే వదిలేసి తేలికగా తడిపి మసాజ్ చేయాలి. మసాజ్ చేసిన తర్వాత నీటితో కడగాలి. ఇది  శరీరంలోని మురికిని శుభ్రపరుస్తుంది,  చర్మం మెరుస్తుంది. తేనే, ఓట్స్.. తేనె, ఓట్స రెండూ కూడా సులభంగా లభించేవే.. వీటితో స్క్రబ్ చేయడానికి అదనంగా  పాలు  అవసరం.  ముందుగా ఒక గిన్నెలో మెత్తగా గ్రైండ్ చేసిన ఓట్స్ తీసుకొని, అందులో కొంచెం తేనె,  పాలు కలపాలి. ఈ మూడు పదార్థాలను కలిపిన తర్వాత దానిని  చర్మంపై అప్లై చేసి, మసాజ్ చేసిన తర్వాత చర్మాన్ని కడగాలి. ఇది చర్మాన్ని మెరిపిస్తుంది.  అంతేకాదు..  చర్మం  తేమను కూడా కాపాడుతుంది. నిమ్మరసం, చక్కెర.. స్ర్కబ్ కోసం  ఎక్కువగా కష్టపడకూడదనుకుంటే, నిమ్మరసం,  చక్కెర ఉపయోగించి స్క్రబ్ సిద్ధం చేసుకోవచ్చు. దీని కోసం ముందుగా ఒక గిన్నెలో గ్రాన్యులేటెడ్ చక్కెరను తీసుకోవాలి.  ఇప్పుడు అందులో నిమ్మరసం కలపాలి.  రెండింటినీ కలిపిన తర్వాత దానిని  చర్మంపై పూయాలి.  ఇందులో కూడా  తేలికపాటి చేతులతో మసాజ్ చేసుకోవాలి. ఈ స్క్రబ్ టానింగ్‌ను తొలగించి చర్మాన్ని ప్రకాశవంతం చేస్తుంది. బ్లాక్‌హెడ్స్ తొలగించడానికి కూడా  దీనిని ఉపయోగించవచ్చు. శనగపిండి, పసుపు.. శనగపిండి,  పసుపు స్క్రబ్  మెరిసే చర్మాన్ని ఇస్తుంది.  దీనిని తయారు చేయడం చాలా సులభం. ఈ స్క్రబ్ చేయడానికి ముందుగా ఒక గిన్నెలో ఒక చెంచా శనగపిండిని  తీసుకోవాలి.  దానిలో ఒక చిటికెడు పసుపు,  రెండు చెంచాల పాలు కలపాలి. ఈ మూడు వస్తువులను కలిపిన తర్వాత  దీనిని ఉపయోగించవచ్చు. ఇది ఉపయోగించడం ద్వారా ఏకంగా పెళ్లికూతురు లాంటి శోభ లభిస్తుంది. టమోటా,  చక్కెర.. టమోటా చర్మాన్ని మెరిసేలా చేయడంలో కూడా  సహాయపడుతుంది.  దీనిని స్క్రబ్‌గా ఉపయోగించవచ్చు. దీనిని ఉపయోగించడానికి టమోటా గుజ్జులో చక్కెర కలిపి ముఖంపై రుద్దాలి.  ఇది మిగతా శరీరానికి కూడా ఉపయోగించవచ్చు.   ఒకటిన్నర నిమిషాల తర్వాత శుభ్రంగా  కడుక్కోవాలి. ఇది  ముఖాన్ని తక్షణమే ప్రకాశవంతం చేస్తుంది. వారానికి రెండుసార్లు దీనిని ఉపయోగించవచ్చు.                           *రూపశ్రీ.

పెసరపప్పుతో ఇలా చేస్తే చాలు.. మచ్చలేని ముఖం మీ సొంతమవుతుంది.. పెసలు తెలుగు రాష్ట్రాలలో తక్కువగా ఉపయోగిస్తుంటారు. మహా అయితే పెసరట్టు, లేదంటే పులగం కోసం మాత్రమే పెసలు ఉపయోగిస్తారు. పాయసం అయినా, పొంగలి అయినా, పప్పు అయినా, సలాడ్ అయినా పొట్టుతీసిన పెసరపప్పు వినియోగిస్తారు. పెసలు గొప్ప పొష్టికాహారం మాత్రమే కాదు, శరీరంలో వేడి తగ్గించి చలువ చేస్తుంది. అయితే కేవలం ఆరోగ్య పరంగానే కాదు. సొందర్యం కోసం కూడా పెసలు అధ్బుతంగా పనిచేస్తాయి. పెసలను ఆయుర్వేదంలో  పప్పుల రాణి అని పిలుస్తారు. కందిపప్పు, శనగపప్పు, మినప్పప్పు వంటి వాటితో పోలిస్తే పెసరపప్పు ఎంతో శ్రేష్టం. ఇక పెసరపప్పును ముఖాన్ని మెరిపించడానికి ఉపయోగించవచ్చు. ముఖం మీద మచ్చలు, మంగు, నలుపు వంటివన్నీ పోయి ముఖం అందంగా తయారుకావడానికి పెసరపప్పు ఉపయోగించి తయారుచేసుకునే 5ఫేస్ ప్యాక్ లు ఉన్నాయి.  అవెలా తయారుచేసుకోవాలో తెలుసుకుంటే.. సన్ టాన్ తొలగడానికి.. సన్ టాన్ ముఖం రంగును పాడు చేస్తుంది. ఇది తొలగించడానికి పెసరపప్పు, పెరుగు పేస్ ప్యాక్ వేసుకోవాలి. మెత్తగా గ్రైండ్ చేసిన పెసరపప్పు పొడి నాలుగు స్పూన్లు, పెరుగు రెండు స్పూన్లు తీసుకోవాలి. రెండింటిని మిక్స్ చేసి ముఖానినకి పేస్ ఫ్యాక్ వేసుకోవాలి. 10నిమిషాల తరువాత దీన్ని కడిగేసుకోవాలి. సన్ టాన్ తొలగడమే కాకుండా చర్మం మృదువుగా మారుతుంది. అవాంఛిత రోమాలు తొలగడానికి.. ముఖం మీద అవాంచిత రోమాలు ఉన్నట్టేతే ఈ పేస్ ప్యాక్ ఉపయోగించడం వల్ల వాటిని తొలగించుకోవచ్చు. నాలుగు స్పూన్ల పెసరపప్పును నానబెట్టాలి. బాగా నానిన తరువాత వీటిని గ్రైండ్ చేయాలి. ఇందులో రెండు స్పూన్ల నారింజ తొక్కల పొడి, రెండు స్పూన్ల గంధపు పొడి  కలపాలి. ఇది బాగా గట్టిగా ఉంటే ఇందులో కాసిన్ని పాలు జోడించాలి. మందంపాటి పేస్ట్ గా తయారుచేసుకోవాలి. దీన్ని ముఖం మీద పట్టించి 10నిమిషాల తరువాత దీన్ని రబ్ చేస్తూ తొలగించాలి. ఆ తరువాత నీటితో శుభ్రం చేసుకోవాలి. ఇది ముఖం మీద అవాంచిత రోమాలను తొలగిస్తుంది. డ్రై స్కిన్ కోసం.. డ్రై స్కిన్ ఉన్నవారు ఏ పేస్ ప్యాక్ వాడితే ముఖం అందంగా మారుతుందనే విషయంలో గందరగోళానికి గురవుతుంటారు. రెండు టేబుల్ స్పూన్ల నానబెట్టిన పెసరపప్పును గ్రైండ్ చేయాలి. దీంట్లో కొద్దిగా పచ్చిపాలు వేయాలి. ఒకవేళ పెసరపప్పు గ్రైండ్ చేసేటప్పుడే పాలు జోడించవచ్చు. దీన్ని మెత్తని పేస్ట్ లా చేసి ముఖానికి ప్యాక్ వేసుకోవాలి. 15నిమిషాల తరువాత ముఖం కడుక్కోవాలి. ఈ ప్యాక్ డ్రై స్కిన్ ఉన్నవారికి చక్కని ఫలితాన్ని ఇస్తుంది.  ముఖ చర్మాన్ని తేమగా,మృదువుగా మారుస్తుంది. చర్మాన్ని కాంతివంతం చేయడానికి..  వాడిపోయిన చర్మాన్ని తిరిగి తాజాగా, కాంతివంతంగా మార్చడంలో ఈ ఫేస్ ప్యాక్ సమర్థవంతంగా పనిచేస్తుంది. నానబెట్టిన రెండు టేబుల్ స్పూన్ల పెసరపప్పును గ్రైండ్ చేయాలి. దీనికి ఒక టేబుల్ స్పూన్ బాదం నూనె, ఒక టేబుల్ స్పూన్ తేనె కలపాలి. దీన్ని బాగా మిక్స్ చేసి ఈ మిశ్రమాన్ని పేస్ ప్యాక్ వేసుకోవాలి. 15నిమిషాల తరువాత ముఖం కడుక్కోవాలి. ఇది చర్మాన్ని ఎక్స్పోలియేట్ చేస్తుంది. ముఖానికి కాంతిని ఇస్తుంది. మొటిమలు తగ్గడానికి.. చాలామందికి మొటిమలు ప్రధాన సమస్య. ఈ సమస్య తొలగడానికి ఈ ఫేస్ ప్యాక్ బాగా ఉపయోగపడుతుంది. 4స్పూన్ల పెసరపప్పు పేస్ట్ లో రెండు స్పూన్ల నెయ్యి కలపాలి. ఈ మిశ్రమాన్ని ముఖానికి పట్టించి ఆరిన తరువాత ముఖం కడిగేయాలి. దీన్ని రెగులర్ గా ఫాలో అవుతూ ఉంటే ముఖం మీద మొటిమలు, మచ్చలు, మంగు వంటివన్నీ తొలగిపోతాయి. ముఖం చాలా తాజాగా కనిపిస్తుంది. (Note: ఇంట్లోనే మెత్తగా  గ్రైండ్ చేసుకున్న పెసరపప్పు  పొడి అయినా వాడచ్చు. లేదా.. నానబెట్టిన పెసరపప్పు ను గ్రైండ్ చేసుకుని అయినా ఈ పేస్ ప్యాక్ లలో ఉపయోగించుకోవచ్చు.)                                 *నిశ్శబ్ద.

ఇంట్లోనే ఫేస్ టోనర్.. ఇలా ఈజీగా తయారు చేసుకోవచ్చు..! ముఖాన్ని అందంగా మార్చుకోవడానికి ఈ కాలంలో స్త్రీలు, పురుషులు అందరూ  ఖరీదైన చర్మ సంరక్షణ ఉత్పత్తులు వాడటం,  ఖరీదైన చర్మ  చికిత్సలు చేయించుకోవడం చేస్తున్నారు. కొందరు వైద్యులు సూచించిన చర్మ సంరక్షణ ఉత్పత్తులను ఉపయోగిస్తారు. కానీ చాలా సార్లు అవి ఎటువంటి ప్రయోజనాన్ని ఇవ్వవు.  లేదా అవి వాడినన్ని రోజులు మాత్రమే చర్మం బాగుంటుంది.  ఆ తరువాత చర్మం మళ్లీ మొదటికి వస్తుంది. ఆ ఉత్పత్తులను వాడటం ఆపివేసిన తర్వాత, చర్మం నిస్తేజంగా మారుతుంది.ఇలాంటి ముఖాన్ని తిరిగి తాజాగా మార్చుకోవడం కోసం చాలా కష్టపడుతుంటారు. కానీ ఇంట్లోనే ఫేస్ టోనర్ తయారు చేసుకుని వాడటం వల్ల ముఖ చర్మం చాలా ఆరోగ్యంగా మారుతుంది. ఇంతకీ ఈ పేస్ టోనర్ ఎలా తయారు చేయాలో తెలుసుకుంటే.. టోనర్ తయారు చేయడానికి కావలసినవి.. ఇంట్లో టోనర్ తయారు చేయడానికి  ప్రధానంగా అవసరం అయ్యేవి..  రోజ్ వాటర్ - 2 టేబుల్ స్పూన్లు, కలబంద జెల్ - 1 టేబుల్ స్పూన్, దోసకాయ రసం - 2 టేబుల్ స్పూన్లు, కోల్డ్ గ్రీన్ టీ. టోనర్ తయారు చేసే విధానం.. ఇంట్లో టోనర్ తయారు చేసుకోవడం చాలా సులభం. దీని కోసం రోజ్ వాటర్, కలబంద జెల్, దోసకాయ రసం, గ్రీన్ టీ వంటి అన్ని పదార్థాలను ఒక గిన్నెలో వేసి బాగా కలపాలి.  తరువాత ఈ మిశ్రమాన్ని  ఒక స్ప్రే బాటిల్‌లో పోసుకోవాలి. ఈ టోనర్ ను  ఫ్రిజ్‌లో ఉంచవచ్చు.  దీన్ని ఫ్రిజ్‌లో ఉంచితే అది  చర్మానికి మరింత ప్రయోజనకరంగా ఉంటుంది. ఇంట్లో తయారుచేసిన టోనర్ ఒక వారం మాత్రమే ఉంటుంది.  కాబట్టి టోనర్ ను ఒక వారంలో వాడగలిగినంత మాత్రమే తయారు చేసుకోవడం మేలు.   ఉపయోగించే పద్దతి.. టోనర్ వాడటం చాలా సులభం. దీని కోసం, ముందుగా ముఖం కడుక్కున్న తర్వాత, కాటన్ ప్యాడ్ ఉపయోగించి లేదా నేరుగా స్ప్రే చేయడం ద్వారా టోనర్‌ను ముఖంపై అప్లై చేయాలి.  ఇప్పుడు ముఖాన్ని 2 నుండి 3 నిమిషాలు ఇలాగే ఉంచాలి. తద్వారా అది చర్మంలోకి శోషించబడుతుంది. టోనర్‌ను స్ప్రే బాటిల్‌లో ఉంచినట్లయితే, టోనర్‌ను ముఖంపై స్ప్రే చేసి అలాగే ఉంచాలి. ఎప్పుడు ఉపయోగించాలి? టోనర్ ను ముఖంపై క్రమం తప్పకుండా ఉపయోగించగలిగినప్పుడే టోనర్ ద్వారా ప్రయోజనాలను పొందవచ్చు. దీని కోసం ఉదయం,  సాయంత్రం  ముఖాన్ని కడుక్కోవాలి. ఆ తరువాత టోనర్ ఉపయోగించండి.                          *రూపశ్రీ.

మాన్సూన్.. వర్షాకాలంలో కూడా ముఖం మీద టాన్ వస్తుందా..ఇలా తొలగించుకోవచ్చు..! వర్షాకాలంలో చాలామంది   దురద, చర్మంపై మంట, జుట్టు రాలడం వంటి సమస్యలు ఎదుర్కొంటూ ఉంటారు.  అయితే  ఈ సీజన్‌లో వచ్చే  మరొక సమస్య ఉంది. ఇది ప్రతి రెండవ వ్యక్తిని బాధపెడుతుంది.  ఈ సమస్య చర్మంపై టానింగ్.  చాలామంది సూర్యరశ్మి వల్ల మాత్రమే టానింగ్ వస్తుందని అనుకుంటారు. కానీ అది నిజం కాదు. వర్షాకాలంలో కూడా టానింగ్ సమస్య చాలా ఇబ్బంది పెడుతుంది. అయితే ఇంట్లోనే  మొండి టానింగ్ ను కూడా తొలగించుకోవచ్చు.  దీని కోసం ఇంట్లోనే పాటించే కొన్ని చిట్కాలు తెలుసుకుంటే.. టిప్..1 మొదటి టిప్ ప్రయత్నించడానికి మీకు 2 చెంచాల శనగపిండి, 1 చెంచా పెరుగు, చిటికెడు పసుపు, కొన్ని చుక్కల నిమ్మరసం అవసరం. ఉపయోగించే విధానం.. పైన చెప్పుకున్న మూడు పదార్థాలను కలిపి పేస్ట్ తయారు చేసుకోవాలి. ఈ పేస్ట్ సిద్ధమైన తర్వాత, దానిని  చేతులపై అలాగే చర్మం టాన్ అయిన చర్మంపై అప్లై చేయాలి. ఇప్పుడు 15-20 నిమిషాల తర్వాత దానిని సున్నితంగా రుద్ది కడగాలి. ఈ ప్యాక్ ఉపయోగించడం వల్ల మృత కణాలు  తొలగిపోతాయి. ఇది చర్మాన్ని మెరుగుపరుస్తుంది. టిప్..2 రెండవ టిప్ కసం  పచ్చి బంగాళాదుంపలు మాత్రమే అవసరం. ఉపయోగించే విధానం.. ముందుగా బంగాళాదుంప రసాన్ని తీయాలి. పచ్చి బంగాళాదుంపను తురుమి ఆ గుజ్జును పిండితే రసం వస్తుంది.  దాని రసాన్ని తీసి చర్మానికి పూయాలి. 15 నిమిషాల తర్వాత కడగాలి. బంగాళాదుంపలో బ్లీచింగ్ ఏజెంట్లు ఉంటాయి ఇవి చర్మ రంగును కాంతివంతం చేస్తాయి. టిప్..3 మూడవ టిప్ పాటించడం కోసం టమోటాలు అవసరం. ఉపయోగించే విధానం..  ముందుగా  టమోటాను గుజ్జు చేయాలి. టమోటాను గుజ్జు చేసిన తర్వాత టానింగ్ ఉన్న చర్మంపై  ఆ గుజ్జును అప్లై చేయాలి.  గుజ్జు అప్లై చేసిన  ప్రాంతాన్ని తేలికగా స్క్రబ్ చేసి, 15 నిమిషాల తర్వాత  చర్మాన్ని కడగాలి. టమోటాలో లైకోపీన్ ఉంటుంది, ఇది టానింగ్‌ను తగ్గిస్తుంది.                               *రూపశ్రీ.

బ్యూటీ ప్రపంచంలో సంచలనం.. బ్లూ స్కిన్ కేర్ ట్రెండ్ ఇదే..!    ఈ రోజుల్లో బ్యూటీ,  స్కిన్ కేర్ పరిశ్రమలో  కొత్తగా వచ్చిన ఓ ట్రెండ్ ఉంది. ఇది బ్యూటీ ప్రపంచాన్ని శాసిస్తోంది.   దీని పేరు బ్లూ స్కిన్ కేర్. దీనికి సంబంధించి చాలా విషయాలు సోషల్ మీడియాలో చాలా వైరల్ కూడా అవుతున్నాయి.  సాధారణంగానే ఒక పద్దతి ఏదైనా ట్రెండ్ లోకి వచ్చిందంటే ఇక అది చాలా హాట్ టాపిక్ అయిపోతుంది.  చాలామంది బ్లూ స్కిన్ కేర్ అనే పేరు వింటారు కానీ దీని గురించి మాత్రం అంతగా అర్థం కాదు.. అసలు  దీనిని స్కిన్‌కేర్ ప్రపంచంలో రాబోయే  పెద్ద ట్రెండ్‌గా ఎందుకు పరిగణిస్తున్నారు? అనే విషయం గురించి పూర్తీగా తెలుసుకుంటే.. బ్లూ స్కిన్ కేర్ అంటే.. బ్లూ స్కిన్ కేర్ లో  నీలి ఉద్రిక్తత నివారణ, శీతలీకరణ,  ట్రీట్మెంట్  చేసే అంశాలు ఉంటాయి. వాటి రంగు సాధారణంగా లేత నీలం లేదా పారదర్శక నీలంలో ఉంటుంది. ఇది వేసవి,  వర్షాకాలంలో చాలా ఉపయోగకరంగా ఉంటుంది, ఎందుకంటే ఇది చర్మాన్ని హైడ్రేట్ గా ఉంచడానికి పనిచేస్తుంది. బ్లూ స్కిన్ కేర్ లో ఉపయోగించే పదార్థాలు.. బ్లూ  స్కిన్ కేర్‌లో ఉపయోగంచే ఉత్పత్తులు ప్రధానంగా సముద్ర పదార్థాలను కలిగి ఉంటాయి. ఈ పదార్థాలలో బ్లూ టాన్సీ ఆయిల్, బ్లూ అజులీన్, సీ వీడ్, నీలోత్పాల్,  బ్లూ చమోమిలే ఉంటాయి. బ్లూ స్కిన్ కేర్ ఎవరికి మేలు.. సున్నితమైన డీహైడ్రేషన్ లేదా వాపుతో కూడిన చర్మం ఉన్నవారికి ఈ చర్మ సంరక్షణ సరైనది కాదు. దీనితో పాటు, సహజ, శీతలీకరణ ప్రభావంతో చర్మ ఉత్పత్తుల కోసం చూస్తున్న వారికి బ్లూ స్కిన్ కేర్  సరైనదిగా పరిగణించబడుతుంది. దీనితో పాటు, కాలుష్యం,  వేడి వల్ల చర్మం ఇబ్బంది పడే వారికి కూడా బ్లూ స్కిన్ కేర్  సరైనదిగా పరిగణించబడుతుంది. బ్లూ స్కిన్ కేర్ లో ఉపయోగించే ఉత్పత్తులు ఇవే.. బ్లూ టాన్సీ ఫేస్ ఆయిల్ బ్లూ లోటస్ హైడ్రేటింగ్ మాస్క్  మెరైన్ బ్లూ జెల్ మాయిశ్చరైజర్  సీ మినరల్స్ ఫేస్ మిస్ట్ బ్లూ స్కిన్ కేర్ ప్రయోజనాలు.. ఎరుపు,  దద్దుర్లు నుండి ఉపశమనం. సున్నితమైన,  మొటిమలకు గురయ్యే చర్మానికి పర్ఫెక్ట్. చర్మాన్ని చల్లబరుస్తుంది. చర్మాన్ని ప్రకాశవంతంగా,  తాజాగా చేస్తుంది. జాగ్రత్తలు.. బ్లూ స్కిన్ కేర్ ను ప్రయత్నించాలని ప్లాన్ చేస్తుంటే, ఏదైనా కొత్త ఉత్పత్తిని ఉపయోగించే ముందు ప్యాచ్ టెస్ట్ చాలా ముఖ్యమైనదని గుర్తుంచుకోవాలి. ఉత్పత్తిని కొనుగోలు చేసే ముందు, నీలం రంగు అంటే రసాయనం కాదని గుర్తుంచుకోవాలి. పదార్థాలు సహజంగా ఉన్నాయని క్లారిటీ చేసుకోవాలి. మరోవైపు, సున్నితమైన చర్మం ఉన్నవారు ఏదైనా ఉపయోగించే ముందు ఎల్లప్పుడూ చర్మవ్యాధి నిపుణుడిని సంప్రదించి వారి సలహా మేరకు మాత్రమే ఉపయోగించడం మంచిది.                                     *రూపశ్రీ.

 జెన్ జెడ్ అమ్మాయిలకు కొరియన్ గ్లాస్ స్కిన్ కోసం అదిరిపోయే చిట్కాలు..!   చర్మాన్ని ప్రకాశవంతంగా,  ఆరోగ్యంగా ఉంచడానికి ఎల్లప్పుడూ జాగ్రత్త తీసుకోవడం చాలా ముఖ్యం. ఇప్పటి తరంలో చాలా వరకు జెన్ జెడ్ అమ్మాయిలు తమ   చర్మాన్ని బాగా చూసుకోవడంలో వెనుక బడ్డారని చెప్పవచ్చు. దీనివల్ల  చర్మ సంబంధిత సమస్యలను ఎదుర్కోవాల్సి వస్తుంది. ఈ రోజుల్లో జెన్ Z అమ్మాయిలు  ముఖంపై గాజు లాంటి మెరుపును పొందాలని ఎంతో ట్రై చేస్తుంటారు.  కానీ కొరియన్ గ్లాస్ స్కిన్‌ పొందడంలో ఫెయిల్ అయ్యే వారు చాలామంది ఉన్నారు. ఈ కొరియన్  గ్లాస్ స్కిన్ ను  సులభంగా పొందడానికి అద్బుతమైన చిట్కాలు తెలుసుకుంటే.. కొరియన్ గ్లాస్ స్కిన్ కావాలంటే..  కొరియన్ గ్లాస్ స్కిన్ పొందాలనుకుంటే బియ్యం నీటిని ఉపయోగించవచ్చు. బియ్యాన్ని రాత్రంతా నీటిలో నానబెట్టి, ఉదయం ఆ నీటిని ఫిల్టర్ చేసి చర్మానికి అప్లై చేయాలి. చర్మాన్ని మెరిచేలా,  మృదువుగా చేయడానికి,  పాలు,  తేనె కలిపి  ముఖానికి పూయవచ్చు. ఇది చర్మాన్ని మృదువుగా,  ప్రకాశవంతంగా మార్చడంలో సహాయపడుతుంది.  కొరియన్ గ్లాస్ స్కిన్ పొందాలనుకుంటే ముఖాన్ని రోజూ రెండుసార్లు సరిగ్గా శుభ్రం చేసుకోవాలి. ఇది చర్మాన్ని ప్రకాశవంతంగా చేస్తుంది.  మురికిని కూడా తొలగిస్తుంది. ముఖానికి మాయిశ్చరైజర్ రాసుకోవడం ఎప్పుడూ మర్చిపోకూడదు. కొరియన్ గ్లాస్ స్కిన్ పొందడానికి ఇది చాలా ముఖ్యమైనది.  ఇది నిస్తేజంగా,  నిర్జీవంగా ఉన్న చర్మాన్ని ప్రకాశవంతంగా ఉంచుతుంది. వారానికి ఒకసారి అయినా  ముఖాన్ని స్క్రబ్ చేసి, మురికిని తొలగిస్తే చర్మం చాలా మృదువుగా,  మచ్చలు లేకుండా మారుతుంది.  తద్వారా కొరియన్ గ్లాస్ స్కిన్‌ను కూడా పొందవచ్చు.                          *రూపశ్రీ.  

పరువాల పాదాల కోసం మనలో చాలా మంది అందం విషయంలో ముఖానికిచ్చే ప్రాధాన్యత పాదాలకి ఇవ్వరు. దాని పర్యవసానమే జీవం కోల్పోయిన పాదాలు వాటి వల్ల వచ్చే పగుళ్ళు. మొహం ఎంత అందంగా ఉన్నా పగుళ్లతో నిండిన పాదాలు చూసుకుంటుంటే మనకే బాధగా ఉంటుంది కదా. అందుకే వాటి మీద కూడా శ్రద్ధ  చూపించి పాడాలని కూడా మెరిసేలా చేద్దాం. సాదారణంగా రోజు కాళ్ళని బాగా కడిగి కొద్దిగా నూనే రాసుకుని పడుకునే వారి పాదాలు ఎంతో మృదువుగా కనిపిస్తాయి. ఇలానే ఇంకొన్ని చిట్కా వైధ్యాలతో బ్యూటీ పార్లర్ కి వెళ్ళాల్సిన పని లేకుండానే పాడాలని సంరక్షించుకుందాం. *  రోజ్ వాటర్, గ్లిజరిన్ సమపాళ్ళలో తీసుకొని దానిలో దూది ముంచి దానిని పాదాలకు రాసి పదిహేను నిమిషాలు ఆరనిచ్చి కడిగెయ్యాలి. ఇలా రెండు రోజులకి ఒకసారి నెల రోజులు చేస్తే చాలు పాదాలు మృదువుగా మారిపోతాయి. *  బొప్పాయి గుజ్జులో నాలుగు చుక్కల నిమ్మరసం కలిపి మర్దనా చేస్తే మడమలకున్న మురికి పోతుంది. క్రమంగా ఇలా చేస్తే మురికి తొలగడమే కాకుండా పగుళ్ళు కూడా దరి చేరవు. *  గోరువెచ్చని  నీటిలో  తేనే వేసి ఆ నీటిలో పాదాలని 20-30 నిమిషాలు ఉంచి తర్వాత కడిగినా మంచి నిగారింపు వస్తుంది. *  రాత్రి పడుకునే ముందు కాళ్ళు శుభ్రంగా కడిగి ఇంట్లో ఉండే వేసలైన్ ని పాదాలకి పట్టించి పడుకోవాలి. ఇలా చేస్తే రెండు మూడు రోజుల్లోనే మీ పాదాలలో వచ్చిన తేడాని మీరే గమనించవచ్చు. *  పాదాలు మృదువుగా తయారవ్వాలంటే నాలుగు చెంచాల ఓట్ మీల్ పొడి, మూడు చెంచాల ఆలివ్ నూనె కలిపి మర్దనా చేసి, అరగంట తరువాత చల్లని నీటితో కడగాలి. దీంతో మృతకణాలు(డెడ్ సెల్స్) కూడా తొలగిపోతాయి. *  అరటిపండుని  గుజ్జులా చేసి దానిని పాదాలకి పట్టించి పదిహేను నిమిషాలు ఆరనిచ్చి గోరువెచ్చని నీటితో కడిగినా మెరిసే పాదాలు మీవి అవుతాయి. * నువ్వుల నూనెను గోరు వెచ్చగా వేడి చేసి రాత్రి పడుకునే ముందు రాసుకుంటే పాదాలు మృదువుగా తయారవుతాయి. *  ఆలివ్ ఆయిల్ లో దూది ముంచి ఆ దూదిని గుండ్రటి ఆకారంలో తిప్పుతూ పాదాలని ఒక పది నిమిషాలు మసాజ్ చేసి సాక్స్ వేసుకుని ఒక అరగంట ఉంచి తర్వాత వేడి నీతితో కడిగినా  చాలు పదాలు మెరిసిపోతాయి. చూసారా పాదాల సంరక్షణకి ఇంట్లోనే ఎన్ని జాగ్రత్తలు తీసుకోవచ్చో. మరి మొదలుపెడదామా ఏదో ఒక చిట్కాని.                                                                                                                                                                                                                     ....కళ్యాణి

ఫేస్ సీరమ్ వాడుతున్నారా...దీంతో లాభాలే కాదు.. నష్టాలూ ఉన్నాయ్..!    ఫేస్ సీరం అనేది చర్మానికి లోతైన పోషణ,  తేమను అందించే చర్మ సంరక్షణ ఉత్పత్తి. ఫేస్ సీరం అనేక చర్మ సమస్యలను సులభంగా తొలగిస్తుంది. దీని రెగ్యులర్ వాడకం వల్ల చర్మం ఆకృతి మెరుగవుతుంది.  చర్మం మృదువుగా,  ఆరోగ్యంగా కనిపిస్తుంది. నేటికాలంలో ఫేస్ సీరం చర్మ సంరక్షణలో ముఖ్యమైన భాగంగా మారింది ముఖ చర్మాన్ని ప్రకాశవంతం చేయాలనుకున్నా లేదా యాంటీ ఏజింగ్ ట్రీట్మెంట్ కోరుకున్నా ప్రతి ఒక్కరూ ఫేస్ సీరం ఉపయోగిస్తున్నారు. కానీ ఫేస్ సీరం అనేక ప్రయోజనాలను కలిగి ఉన్నప్పటికీ, తప్పుగా ఉపయోగిస్తే అది  చర్మానికి  హాని కూడా కలిగిస్తుంది. ఫేస్ సీరమ్ ను ఎలా ఉపయోగించాలి? దీన్ని తప్పుగా ఉపయోగిస్తే కలిగే నష్టాలేంటి? తెలుసుకుంటే.. ఫేస్ సీరం ప్రయోజనాలు.. ఫేస్ సీరం చర్మాన్ని లోతుగా పోషిస్తుంది. సీరంలో ఉండే విటమిన్ సి, హైలురోనిక్ యాసిడ్,  రెటినోల్ చర్మాన్ని లోతుగా హైడ్రేట్ చేస్తాయి. ఇది యాంటీ ఏజింగ్ లక్షణాలను కలిగి ఉంటుంది. దీని వల్ల  ముఖ ముడతలు,  ఫైన్ లైన్లను తగ్గించడంలో సహాయపడుతుంది. ఫేస్ సీరం వాడకం చర్మపు రంగును సమతుల్యం చేస్తుంది. మచ్చలు, మొటిమలు,  టానింగ్‌ను తగ్గిస్తుంది. ఇది చర్మాన్ని మృదువుగా,  ప్రకాశవంతంగా చేస్తుంది. ఫేస్ సీరం  రోజువారీ ఉపయోగం చర్మ ఆకృతిని మెరుగుపరుస్తుంది. ఫేస్ సీరం నష్టాలు.. ఇది అలెర్జీలు,  చికాకుకు కారణమవుతుంది. సున్నితమైన చర్మంపై రెటినోల్ లేదా యాసిడ్ ఆధారిత సీరమ్‌లు చికాకు,  దద్దుర్లు కలిగిస్తాయి. అతిగా ఎక్స్‌ఫోలియేషన్ చేయడం కూడా ఒక సమస్య కావచ్చు. ఫేస్ సీరంను తరచుగా ఉపయోగించడం వల్ల చర్మం  సహజ తేమ తొలగిపోతుంది. విటమిన్ సి,  రెటినోల్ వంటి కొన్ని సీరమ్‌లు చర్మాన్ని సూర్యరశ్మికి మరింత సున్నితంగా చేస్తాయి. ఫేస్ సీరమ్‌లు మొటిమలకు కారణమవుతాయి. తప్పు సీరమ్‌ను ఎంచుకోవడం వల్ల రంధ్రాలు మూసుకుపోయి మొటిమలు పెరుగుతాయి. సీరం సరిగ్గా ఎలా ఉపయోగించాలి? ఫేస్ సీరం  పూర్తి ప్రయోజనాలను పొందడానికి,  దుష్ప్రభావాలను నివారించడానికి దానిని సరిగ్గా ఉపయోగించడం ముఖ్యం. దీని కోసం ముందుగా ముఖాన్ని పూర్తిగా శుభ్రం చేసుకోవాలి. తరువాత అరచేతిపై కొన్ని చుక్కల సీరం తీసుకొని  చేతులతో ముఖంపై తేలికగా  అప్లై చేయాలి. దానిపై మాయిశ్చరైజర్,  సన్‌స్క్రీన్ రాయాలి. రోజుకు రెండుసార్లు, ఉదయం,  రాత్రి ఉపయోగించాలి.                   *రూపశ్రీ.  

కోల్ట్ ఫేషియల్..   10నిమిషాల్లో మేకప్ లేకుండానే ముఖం మెరిసిపోతుంది..! ఇప్పట్లో ప్రతి ఒక్కరూ మెరిసే,  ప్రకాశవంతమైన చర్మాన్ని కోరుకుంటారు. కానీ ప్రతిసారీ పార్లర్‌కు వెళ్లి ఫేషియల్ చేయించుకోవడం సాధ్యం కాదు. అలాంటి వారికి  కోల్డ్ ఫేషియల్ చాలా సులభమైన, చౌకైన,  ప్రభావవంతమైన  మార్గం.  కోల్డ్ ఫేషియల్ అంటే ముఖానికి ఐస్ థెరపీ ఇవ్వడం. ఇది చర్మాన్ని చల్లబరుస్తుంది.  ముడతలు, మచ్చలు, వాపు,  ఓపెన్ రంధ్రాలను కూడా తగ్గిస్తుంది. ఈ మధ్య కాలంలో  కోల్డ్ ఫేషియల్ ట్రెండ్ పెరిగింది. చాలా మంది నటీమణులు కూడా  ఈ ఐస్ థెరపీని తమ దినచర్యలో చేర్చుకున్నారు.  అసలు కోల్డ్ ఫేషియల్ ఎలా చేయాలో,  దాని ప్రయోజనాలు ఏమిటో తెలుసుకుంటే.. కోల్డ్ ఫేషియల్ అంటే.. కోల్డ్ ఫేషియల్ అనేది సహజమైన చర్మ సంరక్షణ ప్రక్రియ.  దీనిలో ముఖాన్ని ఐస్ లేదా కోల్డ్ ఫేస్ మాస్క్ సహాయంతో మసాజ్ చేస్తారు. ఇది చర్మంలో రక్త ప్రసరణను పెంచుతుంది. ముఖం తక్షణమే తాజాగా,  ప్రకాశవంతంగా కనిపిస్తుంది. ఈ సింపుల్  పద్ధతితో ఎటువంటి ఖరీదైన ఉత్పత్తులు లేదా పార్లర్ లకు వెళ్లకుండా  ప్రకాశవంతమైన,  ఆరోగ్యకరమైన చర్మాన్ని పొందవచ్చు. కేవలం 10 నిమిషాల ఐస్ థెరపీతో, మేకప్ లేకుండా కూడా  చర్మం  క్లియర్ గా  తాజాగా,  ప్రకాశవంతంగా కనిపిస్తుంది. కోల్డ్ ఫేషియల్ ఎలా చేయాలి? ముందుగా  ముఖాన్ని తేలికపాటి ఫేస్ వాష్ తో కడుక్కోవాలి.  తర్వాత ఐస్ క్యూబ్స్ ను కాటన్ క్లాత్ లో చుట్టాలి. చేతులతో వృత్తాకార కదలికలో  తేలికగా ఐస్ తో ముఖం మొత్తాన్ని మసాజ్ చేయాలి. ఈ ప్రక్రియను సుమారు 10 నిమిషాలు చేయాలి. ఆ తర్వాత తేలికపాటి మాయిశ్చరైజర్ లేదా కలబంద జెల్ అప్లై చేయాలి. కావాలంటే, రోజ్ వాటర్, గ్రీన్ టీ, దోసకాయ రసం లేదా కలబందను ఐస్ లో కలిపి ఐస్ క్యూబ్స్ తయారు చేసి దానితో మసాజ్ చేయవచ్చు. ఇది మరింత మంచి ఫలితాలు ఇస్తుంది. ప్రయోజనాలు .. ఐస్ క్యూబ్స్ తో మసాజ్ చేయడం వల్ల చర్మం చల్లబడి వాపు తగ్గుతుంది. ఈ ఫేషియల్ రక్త ప్రసరణను పెంచడం ద్వారా ముఖానికి సహజమైన మెరుపును తెస్తుంది. నల్లటి వలయాలు,  ముడతలను తగ్గించడంలో సహాయపడుతుంది. కోల్డ్ ఫేషియల్ తెరుచుకున్న రంధ్రాలను బిగించి చర్మాన్ని మృదువుగా, దృఢంగా చేస్తుంది. ముఖంపై దద్దుర్లు, వడదెబ్బ,  మొటిమలు కూడా ఈ చికిత్స నుండి ఉపశమనం పొందుతాయి. ఎప్పుడు చేయాలి? మెరుగైన ఫలితాలను చూడటానికి, వారానికి రెండు లేదా మూడు సార్లు కోల్డ్ ఫేషియల్ చేయడం మంచిది.. ఇది చర్మాన్ని ఆరోగ్యంగా ఉంచుతుంది.  ఉదయం నిద్రలేచి కోల్డ్ ఫేషియల్ చేసుకుంటే  ముఖం రోజంతా తాజాగా,  జిడ్డు లేకుండా ఉంటుంది. మేకప్ వేసుకునే ముందు కోల్డ్ ఫేషియల్ చేయడం వల్ల చర్మం నునుపుగా ఉంటుంది,  మేకప్ ఎక్కువసేపు ఉంటుంది. ముఖ్యంగా  చెమటలు ఎక్కువ పట్టేవారికి  కోల్డ్ ఫేషియల్ చాలా ఉపయోగకరంగా ఉంటుంది. ఎవరికి మంచిది? జిడ్డు చర్మం ఉన్నవారికి కోల్డ్ ఫేషియల్ చాలా ప్రయోజనకరంగా ఉంటుంది. వారు ప్రతి సీజన్‌లో కోల్డ్ ఫేషియల్ చేయవచ్చు. వేసవిలో ముఖం మీద వడదెబ్బ తగలడం సర్వసాధారణం లేదా  ముఖం మీద వాపు ఉంటే కోల్డ్ ఫేషియల్  మంచి ఫలితాలు ఇస్తుంది. ఇది వడదెబ్బ,  వాపును తగ్గిస్తుంది. ముడతలు, ఫైన్ లైన్స్,  ఓపెన్ రంద్రాలతో బాధపడేవారు కోల్డ్ ఫేషియల్ చేసుకుంటే మేలు. చర్మం అలసిపోయి నీరసంగా మారిన వారు కోల్డ్ ఫేషియల్ చేసుకుంటే చర్మం తిరిగి తాజాగా మారుతుంది.                                   *రూపశ్రీ.

చరక సంహితలో చెప్పిన 5 చిట్కాలు పాటిస్తే చాలు..హెయిర్ ఫాల్ మాయం..!     జుట్టు రాలడం సమస్య దాదాపు అన్ని వయసుల,  లింగాల వారిని వెంటాడుతోంది. ఈ రోజుల్లో 16-17 సంవత్సరాల పిల్లలు కూడా జుట్టు రాలడం వల్ల ఒత్తిడికి గురవుతున్నారు. ఎక్కువగా ఈ సమస్య వాతావరణంతో ముడిపడి ఉంటుంది. ముఖ్యంగా సీజన్ మారినప్పుడు హెయిర్ ఫాల్ ఎక్కువగా ఉంటుంది.  వర్షాకాలంలో ఈ హెయిర్ ఫాల్ సమస్య చాలా ఎక్కువ.  అయితే అసలు వర్షాకాలంలో జుట్టు రాలే సమస్య ఎందుకు పెరుగుతుంది? ఈ సమస్యకు చెక్ పెట్టడానికి ఆయుర్వేద గ్రంథం అయిన చరక సంహితలో ఎలాంటి చిట్కాలు పేర్కొన్నారు? తెలుసుకుంటే.. జుట్టు ఎందుకు రాలిపోతుంది? పిత్త స్వభావం క్షీణించినప్పుడు జుట్టు సమస్యలు వస్తాయి. ఎవరికైనా  జుట్టు రాలడం, విరిగిపోవడం,  తెల్లగా మారడం జరుగితే అది పిత్త స్వభావం క్షీణించడం వల్ల జరిగేదే. జూలై నుండి అక్టోబర్ వరకు పిత్త ధోరణి ఎక్కువగా ఉంటుంది.  ఈ కారణంగానే  చాలామందికి  జుట్టు రాలడం,  బూడిద రంగులోకి మారడం వంటి సమస్యలు ఎదురవుతాయి.   జుట్టు సమస్యలను నివారించడానికి శరీరంలో పిత్త స్వభావాన్ని సమతుల్యంగా ఉండేలా చూసుకోవాలి. దీనికోసం కొన్ని చిట్కాలు పాటించాలి. స్వీట్లు, పాలు.. శరీరంలో పిత్త స్వభావాన్ని  సమతుల్యం చేయడానికి, ఆహారం నుండి తీపి పదార్థాలు,  పాలు,  పాల  ఉత్పత్తులను తొలగించాలి. ఈ రెండు తీసుకుంటే శరీరంలో  పిత్తాన్ని సమతుల్యం చేసే ప్రక్రియ జరగదు.  జుట్టు రాలడంతో పాటు శరీరంలో అనేక సమస్యలను కలిగిస్తాయి.అందుకే స్వీట్లు, పాలు, పాల ఉత్పత్తులను మానేయాలి. నాన్ వెజ్.. శ్రావణ మాసంలో సాధారణంగా  మాంసాహారం తినవద్దని చెబుతారు. దీని వెనుక మతపరమైన కారణమే కాకుండా  శాస్త్రీయ కారణం కూడా ఉంది.  పిత్తాన్ని సమతుల్యం చేయడానికి మాంసాహారం తినకుండా ఉండాలి. ఎండ.. పిత్తాన్ని సమతుల్యం చేయడానికి ఎండలో తక్కువగా బయటకు వెళ్లాలి.  ఎక్కువ నీరు త్రాగాలి. ఇది జుట్టు రాలడం సమస్య నుండి బయటపడటానికి సహాయపడుతుంది . ఇది జుట్టుకే కాదు..   ఆరోగ్యానికి కూడా మేలు చేస్తుంది. చియా విత్తనాలు.. పిత్త స్వభావాన్ని సమతుల్యం చేయడానికి  చియా విత్తనాలను నీటిలో నానబెట్టి త్రాగాలి. దీని కోసం  చియా విత్తనాలను ఒక గ్లాసు శుభ్రమైన నీటిలో రాత్రంతా నానబెట్టి ఉదయం నిద్రలేచిన తర్వాత ఖాళీ కడుపుతో తీసుకోవాలి. బాదం బంక.. బాదం బంకను గోండ్ కటిరా అంటారు. ఇది శరీరాన్ని చల్లబరుస్తుంది. దీన్ని కొద్దిగా నీటిలో నానబెట్టి సుమారు 4 గంటల తరువాత తినవచ్చు. ఇది జీర్ణవ్యవస్థను కూడా మెరుగుపరుస్తుంది.  జుట్టు సమస్యలకు కూడా ప్రయోజనకరంగా ఉంటుంది.                                *రూపశ్రీ.

                                                                 తేనెలొలికె  పెదాలకోసం   మనం ఎవరితోనైనా మాట్లాడుతుంటే మనకి తెలియకుండానే ఎక్కువగా చూసేది ఎదుటివారి  పెదాలనే అట. దానిని మానసిక శాస్త్రవేత్తలు కూడా ధ్రువీకరించారు. మరి మన పెదాలు పొడిబారిపోయి ఉంటే చూడటానికి బాగోదు కదా. అందుకే కళావిహీనంగా ఉండే పెదాలు ఎర్రటి దొండపండులా  మారిపోవాలంటే కొంత మేజిక్ చెయ్యాల్సిందే. ఒక స్పూన్ పాల మీగడని బీట్రూట్ రసం లేదా దానిమ్మ రసంతో కలపండి, ఈ మిశ్రమాన్ని  పెదాలకు పట్టిస్తే ఎర్రటి మృదువైన  పెదాలని సొంతం చేసుకోవచ్చు. కొంచెం పెరుగులో టమాటా పేస్ట్ ని కలిపి పెదాలకు పట్టిస్తే మంచి ఫలితం ఉంటుంది. తేనె అనేది ఎలాంటి చిట్కాలకైనా  ఉపయోగపడుతుంది,12 టీ స్పూన్ తేనెను 12 టీ స్పూన్ నిమ్మ రసంతో కలిపి పెదాలకు పట్టిస్తే, పగుళ్ళతో జవసత్వం కోల్పోయిన పెదాలు ఎంతో అందంగా మారిపోతాయి. ఎండుద్రాక్షని రాత్రంతా నీటిలొ నానపెట్టి ఉదయాన్నె ఖాళి కడుపుతో తింటే మంచి సత్ఫలితాల్ని ఇస్తుంది.ఇది కేవలం పెదాలకే కాదు మన ఆరోగ్యానికి కూడా చాలా మంచిది.   గులాబి రేకుల్ని పాలల్లో కలిపి ముద్దగా చేసి పెదాలకు రాసుకుంటే ఊహించని ఫలితాలు పొందవచ్చు. కొబ్బరి నూనె, బాధం నూనె సమపాళ్ళలొ కలిపి పెదాలకి పట్టించి రాత్రంతా ఉంచాలి, ఇలా 2 వారాలు చేస్తే మంచి ఫలితాల్ని పొందవచ్చు. విటమిన్ “ఈ” కలిగి ఉన్న లిప్ క్రీంని రోజు నిద్ర పోయే ముందు పెదవులకు రాసుకుంటే మర్నాటి ఉదయానికి పెదాలు మెత్తగా తయ్యారవుతాయి.  ఇలాంటి చిట్కాలు పాటిస్తూనే శరీరానికి తగినంత నీరు తీసుకోవటం మర్చిపోవద్దు.నీరు ఎంత తాగితే శరీరం అంత నిగనిగలాడుతూ ఉంటుంది.    కళ్యాణి  

ముఖానికి ఆవిరి పడితే కలిగే లాభాలు ఇవే..! ఆడవారికి అందం మీద చాలా ఆసక్తి ఉంటుంది.  ఎవ్వరిముందైనా సరే అందంగా కనిపించాలనే కోరుకుంటారు. కొందరు మేకప్ తో అందానికి మెరుగులు దిద్దుకున్నా నేచురల్ బ్యూటీ అనే ట్యాగ్ వేయించుకోవడం అందరికీ ఇష్టం.  ముఖారవిందాన్ని ద్విగుణీకృతం చేసే చిట్కాలు చాలానే ఉంటాయి.  వాటిలో ముఖానికి ఆవిరి పట్టడం కూడా ఒకటి. బ్యూటీ పార్లర్ కు వెళితే తప్పనిసరిగా ఆవిరి కూడా బ్యూటీ ట్రీట్మెంట్  లో ఉంటుంది. ముఖానికి ఆవిరి పడితే చాలా లాభాలు ఉంటాయని చర్మ సంరక్షణ నిపుణులు చెబుతున్నారు.  అవేంటంటే.. ముఖానికి ఆవిరి పడితే మూసుకుపోయిన ముఖ చర్మ రంధ్రాలు తెరచుకుంటాయి.   చర్మం లోతుగా శుభ్రం అవుతుంది.  చర్మ రంధ్రాలలో పేరుకున్న మురికి తొలగిపోతుంది.  ఇది బ్లాక్ హెడ్స్ ను తొలగిస్తుంది. అలాగే బ్లాక్  హెడ్స్ రాకుండా నివారిస్తుంది కూడా.  అయితే ముఖానికి ఆవిరి పట్టడం మంచిదని దీన్ని రెగ్యులర్ గా ఫాలో అయితే చర్మం చాలా సెన్సిటివ్ అవుతుంది.  చర్మ రంధ్రాలు చాలా వెడల్పు అవుతాయి. కాబట్టి ఆవిరిని వారానికి ఒక సారి లేదా 10 రోజులకు ఒకసారి పట్టాలి. అప్పుడప్పుడు ఆవిరి పట్టడం వల్ల ముఖం పై ఉండే డెడ్ స్కిన్ సెల్స్ క్లియర్ అవుతాయి.  చర్మం క్లియర్ గా మారుతుంది.  చర్మంలో అదనపు నూనె పేరుకోవడం తగ్గుతుంది.  ఇది జిడ్డు చర్మం నివారించడంలో సహాయపడుతుంది. చర్మం హైడ్రేట్ గా ఉండటంలో తోడ్పడుతుంది. ముఖ చర్మంలో మురికి,  నూనెలు పేరుకుపోవడం, చర్మ సంరక్షణ పాటించకపోవడం వల్ల  ముఖం మీద మొటిమలు వస్తాయి.  అదే ముఖానికి అప్పుడప్పుడు ఆవిరి పడుతూ ఉంటే చర్మ రంధ్రాలు క్లియర్ గా ఉంటాయి.  ఇది మొటిమలు రాకుండా చేయడంలో సహాయపడుతుంది. ముఖానికి ఆవిరి పట్టడం హైడ్రా ఫేషియల్ లాగా పనిచేస్తుంది.  హైడ్రా ఫేషియల్ ముఖంలో రక్తప్రసరణను మెరుగుపరుస్తుంది.  ముఖానికి  ఆవిరి పట్టడం వల్ల కూడా అదే ఫలితాలు ఉంటాయి.  దీని వల్ల ముఖం  కాంతివంతంగా మారుతుంది. కనీసం వారానికి ఒక్కసారి ముఖానికి ఆవిరి పడుతూ ఉంటే ముఖ చర్మం రిలాక్స్ గా ఉంటుంది.  ఇది చర్మాన్ని ఆరోగ్యంగా ఉంచుతుంది.  అంతేకాదు ఇలా వారానికి ఒకసారి ఆవిరి పడుతూ ఉంటే మానసిక ఆరోగ్యం కూడా బాగుంటుంది.  ఆవిరి ప్రక్రియ మానసిక ఒత్తిడిని తగ్గిస్తుంది.                                                       *రూపశ్రీ.

 పిల్లలకు జ్వరం వచ్చినప్పుడు ఎలాంటి ఆహారం ఇవ్వాలి..   పిల్లలు తరచుగా జ్వరం, ఇన్ఫెక్షన్లకు గురవుతారు. ఆకస్మిక దగ్గు, జ్వరం, జలుబు, ఆయాసం వేధిస్తుంటాయి. దీనికి ప్రధాన కారణాలు ఇన్ఫెక్షన్లు, ఆకస్మిక వాతావరణ హెచ్చుతగ్గులు. పెరిగిన శరీర ఉష్ణోగ్రత, అంటువ్యాధులతో పోరాడే ప్రక్రియ, శరీరం నుండి ఎక్కువ శక్తిని వినియోగించుకుంటుంది. అందుకే పిల్లలు జబ్బు బారిన పడగానే.. పూర్తి విశ్రాంతి తీసుకోవాలని వైద్యులు సూచిస్తుంటారు. కాబట్టి పిల్లలు త్వరగా కోలుకోవడానికి తల్లిదండ్రులు ఎలాంటి ఆహారాలు ఇవ్వాలో ఇప్పుడు తెలుసుకుందాం. పసుపు, కరివేపాకు పొడి: పిల్లలు జ్వరంతో బాధపడుతున్నప్పుడు పసుపు, కరివేపాకు పొడిని ఆహారంలో చేర్చండి. వీటిలో శక్తివంతమైన యాంటీమైక్రోబయల్ లక్షణాలు ఉన్నాయి, ఇవి ఇన్ఫెక్షన్లతో పోరాడటానికి, శరీర ఉష్ణోగ్రతను తగ్గించడంలో సహాయపడతాయి. మిల్క్ షేక్: రుచిలేని నాలుకకు మిల్క్ షేక్ ఉత్తమం. పిల్లలు తినడానికి ఆసక్తి చూపవచ్చు. అరటి-వాల్నట్ మిల్క్ షేక్..జ్వరంతో బాధపడుతున్నవారికి ఇవ్వాల్సిన ఆహారంలో ఒకటి.  ఇది నరాలు, కండరాలు, రోగనిరోధక శక్తి, మెదడుకు మద్దతు ఇచ్చే పూర్తి, పోషకమైన ఎంపికగా పనిచేస్తుంది. ఈ అరటి-వాల్నట్ మిల్క్ షేక్ మీరు వేగంగా కోలుకోవడానికి సహాయపడుతుంది. డ్రైఫ్రూట్స్: పిల్లలకు జ్వరం వచ్చినప్పుడు డ్రై ఫ్రూట్స్‌ను కరకరలాడే స్నాక్‌గా ఇవ్వవచ్చు. ఈ పండ్లలో ఫైబర్ పుష్కలంగా ఉండి శరీరానికి శక్తిని అందిస్తుంది. ఆప్రికాట్లు, అత్తి పండ్లు, ఎండుద్రాక్ష వంటి వాటిని ఇస్తుండాలి. ఇవి ప్రేగు కదలికలను ప్రేరేపిస్తాయి. పండ్లు, కూరగాయలు: పిల్లలు త్వరగా కోలుకోవడానికి పండ్లు, కూరగాయలు ఆహారంలో చేర్చాలి.  కూరగాయలతో చేసిన వంటకాలు త్వరగా కోలుకోవడానికి సహాయపడతాయి. వీటితో పాటు ఫ్రూట్ జ్యూస్, ఫ్రెష్ ఫ్రూట్స్ తీసుకోవడం వల్ల శరీరానికి మరింత శక్తి లభిస్తుంది. పుచ్చకాయ దాదాపు 91% నీరు కలిగి ఉంటుంది.  జ్వరంతో బాధపడుతున్న వ్యక్తులకు సహాయం చేయడానికి ఇది అనువైనది. అలాగే, పుచ్చకాయలో విటమిన్ ఎ, విటమిన్ సి ఉంటాయి. వేడి నీరు: పిల్లల జ్వరం, దగ్గు, జలుబు వంటి వాటికి వేడినీరు చాలా ప్రభావవంతంగా ఉంటుంది. బిడ్డ గోరువెచ్చగా ఉన్నప్పుడు బాగా వేడిచేసిన నీటిని ఇవ్వండి. వేడి నీళ్ళు గొంతు నొప్పి, మూసుకుపోయిన ముక్కుకు ఉపశమనంగా పనిచేస్తాయి.  *నిశ్శబ్ద.