వాల్తేరు వీరయ్య.. ఈ వారమే బాస్ పార్టీ
on Nov 13, 2022
మెగాస్టార్ చిరంజీవి అభిమానులు ఎంతగానో ఎదురుచూస్తున్న చిత్రం 'వాల్తేరు వీరయ్య'. కె.ఎస్.రవీంద్ర(బాబీ) దర్శకత్వం వహిస్తున్న ఈ చిత్రం నుంచి ఇటీవల విడుదలైన టైటిల్ టీజర్ ఫ్యాన్స్ కి విపరీతంగా నచ్చేసింది. వింటేజ్ మెగాస్టార్ ని స్క్రీన్ పై చూడబోతున్నామంటూ ఎంతో ఆసక్తిగా ఎదురుచూస్తున్నారు. ఇదిలా ఉంటే ఈ సినిమా నుంచి తాజాగా కీలక అప్డేట్ వచ్చింది. ఈ వారం 'బాస్ పార్టీ'తో 'వాల్తేరు వీరయ్య' అలరించబోతున్నాడు.
గతంలో మెగాస్టార్ కి ఎన్నో హిట్ సాంగ్స్ అందించిన దేవిశ్రీ ప్రసాద్ ఈ చిత్రానికి సంగీతం అందిస్తున్నాడు. తాజాగా సోషల్ మీడియా వేదికగా ఈ సినిమాకి సంబంధించిన కీలక అప్డేట్ ని పంచుకున్నాడు దేవి. ఇప్పుడే వాల్తేరు వీరయ్య మొదటి పాట చూశాను, మన మెగాస్టార్ తన ఎనర్జిటిక్ డ్యాన్స్ తో అదరగొట్టారు అని చెప్పాడు. "న్యూస్ లీక్ చేయకుండా ఉండలేకపోతున్నాను.. ఈ వారమే మొదటి పాట వస్తోంది.. బాస్ పార్టీకి సిద్ధం కండి" అంటూ దేవి రాసుకొచ్చాడు.
మైత్రి మూవీ మేకర్స్ నిర్మిస్తున్న ఈ సినిమాలో శృతి హాసన్ హీరోయిన్ కాగా కీలక పాత్రలో మాస్ మహారాజ రవితేజ నటిస్తున్నాడు. 2023 సంక్రాంతికి ఈ చిత్రం ప్రేక్షకుల ముందుకు రానుంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
