మళ్ళీ అత్త కూతురితో బాలయ్య..!
on Oct 29, 2013
"దంచవే మేనత్త కూతురా..." అంటూ బాలకృష్ణతో కలిసి హీరోయిన్ గా ఎన్నో చిత్రాల్లో నటించిన సుహాసిని మరోసారి బాలయ్య సరసన నటించనుంది. కానీ హీరోయిన్ గా కాదులేండి...! ప్రస్తుతం బోయపాటి శ్రీను దర్శకత్వంలో బాలకృష్ణ హీరోగా ఓ చిత్రం తెరకెక్కుతున్న విషయం అందరికి తెలిసిందే. అయితే ఈ చిత్రంలో ఓ ముఖ్య పాత్ర కోసం దర్శకుడు సుహాసినిని సంప్రదించాడట. ఆ పాత్ర తనకు ఎంతో నచ్చడంతో సుహాసిని కూడా వెంటనే గ్రీన్ సిగ్నల్ ఇచ్చేసిందని తెలిసింది. బాలకృష్ణ హీరోగా నటిస్తున్న ఈ చిత్రానికి "లెజెండ్" అనే టైటిల్ పరిశీలనలో ఉంది. ఈ చిత్రంలో బాలయ్య సరసన రాధిక ఆప్టే, సోనాల్ చౌహాన్ లు హీరోయిన్లుగా నటిస్తున్నారు. ఈ చిత్రానికి దేవిశ్రీప్రసాద్ సంగీతాన్ని సమకూరుస్తున్నాడు.