నాని, కలర్స్ స్వాతి నటించిన అష్టాచెమ్మా మూవీ గురించి ఎంత చెప్పుకున్నా తక్కువే . అందులో స్వాతి పిన్నిగా ఝాన్సీ నటించిన మందిర దేవి పాత్ర అంటే వ్వాహ్ అనకుండా ఉండరు. ఇక ఆ మూవీ గురించి ఝాన్సీ కొన్ని ఇంటరెస్టింగ్ విషయాలతో తన ఇన్స్టాగ్రామ్ పేజీలో ఒక పోస్ట్ పెట్టింది. "అష్టాచెమ్మ మూవీ రిలీజయ్యి 17 సంవత్సరాలు అయ్యిందట. నిన్న గాక మొన్న ఆ క్యారెక్టర్ ఆఫర్ వచ్చినట్టు అనిపిస్తాయి ఉంటుంది ఫ్రెష్ గాను. ఆ మూవీ ఎప్పుడూ ఎంత ఫ్రెష్ గా ఉంటుందో చెప్పలేను. నాని, నేను, స్వాతి, భార్గవి అందరి క్యారెక్టర్స్ ఎంత ఇష్టమో చెప్పలేను. నా రోల్ ఇంకా ఇష్టం. మీకో పెద్ద కామెడీ చెప్తా చూడండి. ఆ మూవీలో నాకు క్యారెక్టర్ ఆఫర్ చేస్తున్నప్పుడు స్క్రిప్ట్ మొత్తం చదివాక నాకు పిన్ని క్యారెక్టర్ వద్దు అప్పుడే నేను పిన్ని క్యారెక్టర్ చేయడమేంటి నాకు అమ్మాజీ క్యారెక్టర్ కావాలి అని అడిగాను. కానీ డైరెక్టర్ గారు పట్టు బట్టి లేదు లేదు నీ క్యారక్టర్ కూడా దుమ్ము లేపుద్ది అని చెప్పారు. నిజంగా చాలా క్యూట్ గా ఉంటుంది ఆ రోల్. నన్ను నమ్మి ఆ రోల్ ఇచ్చినందుకు చాల థ్యాంక్స్. అది గనక నేను చేయకపోయి ఉంటె నా..అన్ని క్యారెక్టర్స్ లో లో అదొక బెస్ట్ క్యారెక్టర్ అండి బాబు అది. నా కెరీర్ లో ఎప్పటికీ అద్భుతంగా మిగిలిపోయే ఒక గొప్ప క్యారెక్టర్ అది." అంటూ చెప్పింది ఝాన్సీ.