కొరియోగ్రాఫర్ జానీ మాస్టర్ తనను లైంగికంగా వేధించాడని.. అతని దగ్గర అసిస్టెంట్ కొరియోగ్రాఫర్ గా చేస్తున్న యువతి ఫిర్యాదు చేసిన సంగతి తెలిసిందే. ప్రస్తుతం సోషల్ మీడియాలో ఈ విషయం అందరిని ఆలోచింపచేసేలా చేస్తుంది. ఈ విషయంలో చిన్మయి శ్రీపాద తన స్పందనను ట్వీట్ చేసింది. తానూ గమనించిన విషయాలను కూడా చెప్పింది. "జానీ ఏ రాజకీయ పార్టీకి అనుబంధంగా ఉన్నారనేది ముఖ్యం కాదు. రేపిస్టులు, నేరస్థులు ఈ దేశంలో ప్రతి పార్టీలోనూ ఉన్నారు. అతను ఎవరి ఫ్యాన్ అన్న విషయం కూడా ముఖ్యం కాదు. నేషనల్ అవార్డు విన్నరా కాదా అన్నది కూడా ఇక్కడ ముఖ్యం కాదు.

ఎవరి మూవీస్ కి వర్క్ చేసాడు ఎంత పెద్ద స్టార్స్ కి వర్క్ చేసాడు అన్నది కూడా పక్కన పెట్టాలి. బాధితురాలు పోలీస్ దగ్గరకు వెళ్లి కేసు పెట్టిన వెంటనే రియాక్ట్ అయ్యారా లేదా అన్నదే ముఖ్యం. కానీ మన దేశంలోని వ్యవస్థ ఎంత అద్వాన్నంగా ఉంటుందో ప్రత్యేకంగా చెప్పక్కర్లేదు. ఆమె ఎవరితో ఎలా బాధపడింది అన్నదే ఇంపార్టెంట్ ఆమె సపోర్ట్ చేసే సిస్టం ఉందా లేదా అన్నదే చూడాలి. బాధితురాలు తన బాధను ఎవరికీ చెప్పినా నమ్మే పరిస్థితి ఉండదు కాబట్టే పోలీసులను ఆశ్రయిస్తుంది. అప్పుడు అసలు విషయాన్ని విచారించాలి. కానీ అదే జరగడంలేదు. దాంతో బాధితులు సైలెంట్ గా ఉండిపోవాల్సి వస్తోంది. కానీ ఇక్కడ మైనర్ గా ఉన్నప్పటినుంచి ఇబ్బందులు పడుతున్నప్పటికీ ఫైట్ చేస్తోంది ఈ అమ్మాయి అదీ ఇంత శక్తివంతమైన వ్యక్తుల మీద. ఈరోజున అమ్మాయిలు ప్రతీ రంగంలో ఇలాంటి ఇబ్బందులు పడుతూనే ఉన్నారు. వారికి మీడియా కూడా అసలు విషయన్ని ఫోకస్ చేసేలా సపోర్ట్ చేయాలి అంతేకాని వాళ్ళను కించపరిచేలా చేయకూడదు. ఐనా అమ్మాయిలు కూడా లైంగిక వేధింపులకు గురయ్యాం అని చెప్పి ఇంట్లో కూర్చోనక్కర్లేదు. అవమానంతో అన్నిటికీ దూరం కావొద్దు. అవమానంతో సంబంధం లేని సమాజం కావాలంటే మనం ముందు భయపడడం మానేయాలి. అప్పుడే మన పిల్లలు సురక్షితంగా ఉంటారు.