English | Telugu
బిగ్ బాస్ నాన్ స్టాప్ లో ఊహించని ట్విస్ట్.. ఆర్జే చైతు ఔట్
Updated : Mar 20, 2022
కింగ్ నాగార్జున హోస్ట్ గా వ్యవహరిస్తున్న బిగ్ బాస్ నాన్ స్టాప్ మూడో వారం పూర్తి చేసుకుంది. మొదటి వారం ముమైత్ ఖాన్, రెండో వారం శ్రీరపాక ఎలిమినేట్ కాగా.. మూడో వారం ఊహించని విధంగా కెప్టెన్ గా వ్యవహరిస్తున్న ఆర్జే చైతు ఎలిమినేట్ అయ్యాడు.
బిగ్ బాస్ ఓటీటీలో ఆర్జే చైతు ముందు నుంచీ దూకుడుగా వ్యవహరించాడు. టాస్క్ ల్లోనూ, వాదనల్లోనూ తనదైన మార్క్ చూపించాడు. దీంతో చైతు ఎక్కువ వారాలు హౌస్ లో ఉండే అవకాశముందని భావించారంతా. కానీ అనూహ్యంగా మూడో వారమే ఎలిమినేట్ అయ్యాడు. ఎలిమినేషన్ తరువాత నాగార్జునతో కలిసి వేదిక పంచుకున్న చైతు.. బిగ్ బాస్ హౌస్ లో లాంగ్ జర్నీ ఉంటుందని ఆశించానని, ఇంత త్వరగా ఎలిమినేట్ అవుతానని ఊహించలేదని అన్నాడు. హౌస్ నుంచి బయటకు వచ్చినందుకు కాస్త బాధగా ఉంటుందని చైతు చెప్పాడు.
తెలుగు బిగ్ బాస్ లో కెప్టెన్ గా వ్యవహరిస్తున్న కంటెస్టెంట్ ఎలిమినేట్ కావడం ఇది రెండో సారి. గతంలో బిగ్ బాస్-4 నుంచి అమ్మ రాజశేఖర్ అలాగే ఎలిమినేట్ కాగా.. ఇప్పుడు బిగ్ బాస్ ఓటీటీ నుంచి చైతు ఎలిమినేట్ అయ్యాడు. ఎలిమినేట్ అవ్వడంతో తన కెప్టెన్ బ్యాడ్జ్ ని అనిల్ కు ఇస్తున్నట్లు తెలిపాడు.