బిగ్ బాస్ హౌస్ లో టాస్క్ ల పర్వం కొనసాగుతుంది. మెగా చీఫ్ కంటెండర్ అయ్యేందుకు జరుగుతున్న ఈ టాస్క్ లో నాలుగు టీమ్ లుగా విడిపోయారు. హౌస్ లో పానిపట్టు యుద్ధం టాస్క్ జరుగుతుంది. ప్రతీ టీమ్ కి వాళ్ళకి ఇచ్చిన ట్యాంక్ లోని వాటర్ కిందపోకుండా కాపాడుకోవాలి.. ఆపోజిట్ టీమ్ వాళ్ళు వచ్చి ట్యాంక్ లోని వాటర్ తగ్గించే ప్రయత్నం చెయ్యాలి.. అందులో భాగంగా ఇరు టీమ్ ల మధ్య గొడవ జరుగుతుంది.

రెడ్ టీమ్, బ్లూ టీమ్ కి మధ్య గొడవ జరుగుతుంది. టాస్క్ తర్వాత కూడా నిఖిల్ తో యష్మీ మాట్లాడుతుంది. అప్పుడు కూడా ఇరువురు టాస్క్ లో నోరు జారిన మాటల గురించి మాట్లాడుకుంటారు. ఆ తర్వాత పృథ్వీతో నిఖిల్ మాట్లాడుతుంటే యష్మీ వచ్చి.. నిఖిల్ ఆడిన తీరు గురించి మాట్లాడుతుంది. దాంతో నిఖిల్ ఎమోషనల్ అవుతాడు.. అది గేమ్ అని యష్మీ అనగానే.. నాది కాదా గేమ్ అని నిఖిల్ అంటాడు.‌ నా టీమ్ కోసం నేను ఆడుతానని యష్మీ అంటుంది. నాకు లేదా టీమ్ అని నిఖిల్ అంటాడు. మీరు అన్న మాటలు నాకు వినిపించాయి.. ప్రేరణ మీరు బ్లడీ అంటున్నారంటూ నిఖిల్ ఏడుస్తాడు. నిఖిల్ ఏడుస్తుంటే యష్మీ టచ్ చేసి ఏడవద్దని చెప్పబోతుంటే.. నిఖిల్ టచ్ కూడా చెయ్యనివ్వడు. ఎన్ని రోజులు హౌస్ లో ఉన్న ఇక ఇలాగే ఉంటాను.. నా గేమ్ నేను ఆడుతానని నిఖిల్ అంటాడు.

ఏదైనా రిలేషన్ ఉంటే బయట చూసుకుంటాను. హౌస్ లో ఉన్నన్ని రోజులు ఇలాగే ఉంటాను. అసలు ఇప్పుడు పంపించినా వెళ్ళాలని ఉందని చెప్పి.. నిఖిల్ అక్కడ నుండి వెళ్ళిపోతాడు. ఆ తర్వాత పృథ్వీకి యష్మీ వివరణ ఇస్తూ.. పృథ్వీ దగ్గర ఏడుస్తుంది. మరుసటి రోజు నుండి నిఖిల్, యష్మీ ఇద్దరు కలిసి మాట్లాడుకున్నదెక్కడా కన్పించలేదు. మరి వీళ్ళిద్దరు ఎన్ని రోజులు ఇలా మాట్లాడుకోకుంటారో చూడాలి మరి.