బిగ్ బాస్ సీజన్-8 ఇప్పటికే తొమ్మిది వారాలు పూర్తి చేసుకొని పదో వారంలో అడుగుపెట్టింది. ఇప్పటి వరకు అందరి ఆటతీరు చూసిన ప్రేక్షకులు.. ఒక అంచనాకి రాలేకపోతున్నారు. ఎందుకంటే స్ట్రాంగ్ అనుకున్న కంటెస్టెంట్స్ బయటకు రావడంతో అందరి అంచనాలు తారుమారు అయ్యాయి.

హౌస్ లోకి శేఖర్ బాషా ఎంట్రీ కాగానే అందరు తనే విన్నర్ అంటూ సోషల్ మీడియా వార్తలొచ్చాయి. అయితే అనూహ్యగా రెండవ వారమే బయటకు వచ్చాడు. ఇక మరొక స్ట్రాంగ్ కంటెస్టెంట్ కిర్రాక్ సీత టాప్-5 కంటెస్టెంట్ అనుకున్నారంతా కానీ తను కూడా అనుకోకుండా బయటకు వచ్చింది. ఈ వారం నామినేషన్ ప్రక్రియ ప్రతీ సీజన్ లో ఉండేదే. అదేంటంటే నామినేట్ చెయ్యాలనుకున్న వాళ్ళు తగిన కారణం చెప్పి పై నుండి మట్టి కలర్ పోస్తారు.. గత సీజన్ లలో రేవంత్, పల్లవి ప్రశాంత్ లకి ఎక్కువ నామినేషన్ లు పడటంతో.. ఎక్కవ మంది కలర్ పొయ్యడంతో ఒకరమైన అటిట్యూడ్ తో ఇద్దరు కనపడ్డారు. ముఖ్యంగా 'పుష్ప' సినిమాలో అల్లు అర్జున్ లాగా ఫోజులిచ్చారు. ఎక్కువ నామినేషన్ లు పడడంతో వాళ్ళు స్ట్రాంగ్ కంటెస్టెంట్ అయ్యారు. దాంతో పాటు విన్నర్ కూడా అయ్యారు.

ఈ సారి నామినేషన్ లు ఎక్కువగా నిఖిల్, గౌతమ్ లకి పడినట్లు తెలుస్తుంది. ప్రోమోలో రోహిణి కలర్ పడి పుష్ప మాదిరి కూర్చొని ఉంటుంది. అచ్చం రేవంత్, ప్రశాంత్ ని కాపీ చేసినట్లు గా కన్పిస్తుంది. ఇక ఈ సీజన్ లో విన్నర్ ఎవరనే పాయింట్ లో మాట్లాడుకుంటే.. నిఖిల్, విష్ణుప్రియ, నబీల్ రేసులో ముందు వరుసలో ఉన్నారు. అయితే ఈ వీక్ దాదాపు అందరు స్ట్రాంగ్ కంటెస్టెంట్స్ నామినేషన్ లోకి వస్తారు. ఎవరికి ఎంత ఓటింగ్ ఉందో దానిని బట్టి టాప్-5 లో ఎవరుంటారనే క్లారిటీ వచ్చేస్తుంది.