బిగ్‌బాస్ సీజ‌న్‌5 ఎండింగ్‌కు చేరుకుంది. విమ‌ర్శ‌లు నేప‌థ్యంలో ముందుకు సాగుతున్న బిగ్‌బాస్ తాజాగా 13వ వారం ఎలిమినేష‌న్ రౌండ్‌లోకి ఎంట్రీ ఇచ్చేసింది. ఈ నేప‌థ్యంలో కంటెస్టెంట్‌ల‌లో టెన్ష‌న్ మొద‌లైంది. ఈ శ‌నివారం ఎలిమినేష‌న్స్‌లోవున్న వాళ్ల‌లో ఎవ‌రు ఎలిమినేట్ కాబోతున్నార‌న్న‌ది ఆస‌క్తిక‌రంగా మారింది. 19 మంది స‌భ్యుల‌తో మొద‌లైన ఈ షోలో ప్ర‌స్తుతం 7 స‌భ్యులు మాత్ర‌మే మిగిలారు. ఇందులో ఎవ‌రు టాప్ ఫైకి చేర‌తార‌న్న‌ది ప్ర‌స్తుతం స‌ర్వ‌త్రా ఆస‌క్తిని రేకెత్తిస్తోంది.

ఈ 13వ వారం ఎలిమినేష‌న్ లో వున్న వాళ్ల‌లో ఈ ఇద్ద‌రు కంటెస్టెంట్‌ల‌లో ఒక‌రు బ‌య‌టికి వెళ్లే అవ‌కాశం వుంద‌ని తాజాగా తెలుస్తోంది. ఆ ఇద్ద‌రు స‌భ్యులు మ‌రెవ‌రో కాదు ఒక‌రు కాజ‌ల్‌, మ‌రొక‌రు ప్రియాంక‌.ఈ వారం స‌న్నీ, ష‌ణ్మ‌ఖ్ మిన‌హా మిగిలిన ఇంటి స‌భ్యులైన ప్రియాంక‌, కాజ‌ల్‌, సిరి, మాన‌స్‌, శ్రీ‌రామ‌చంద్ర వున్నారు. ఈ స‌భ్యుల్లో శ్రీ‌రామ‌చంద్ర కు ఓటింగ్ భారీ స్థాయిలో వుంది. అంటే ను ఈవారం సేఫ్ అవుతాడ‌న్న‌మాట‌. మాన‌స్ కూడా కొంత ఓటింగ్ ప‌రంగా ముందు వ‌రుస‌లోనే వున్నాడు. ఇక మిగిలిన సిరి, ప్రియాంక‌, కాజ‌ల్‌లే వెన‌క‌బ‌డి వున్నారు.

ఈ ముగ్గురిలో గ‌త వార‌మే ఒక‌రు ఎలిమినేట్ కావాల్సింది. కానీ కాజ‌ల్‌ని స‌న్నీ ఎవిక్ష‌న్ ఫ్రీ పాస్‌తో కాపాడిన విష‌యం తెలిసిందే. సిరిని ప‌క్క‌న పెడితే ఈ వారం ప్రియాంక లేదా కాజ‌ల్ బ‌య‌టికి వెళ్ల‌డం ఖాయంగా క‌నిపిస్తోంది. కార‌ణం వారి ఓటింగ్. అయితే ఎలిమినేష‌న్ జ‌న్యూన్‌గా జ‌రిగితే మాత్రం ప్రియాంక కాకుండా కాజ‌ల్ ఈ వారం బ‌య‌టికి వెళ్లే అవ‌కాశాలు వున్న‌ట్టుగా తెలుస్తోంది. ఏం జ‌ర‌గ‌నుందో తెలియాలంటే ఈ రోజు ఎపిసోడ్ చూడాల్సిందే.