English | Telugu
ముమైత్ ఫ్యూచర్ బ్యూటిషియన్స్ అకాడమీ త్వరలో
Updated : Oct 9, 2024
ముమైత్ ఖాన్ అంటే చాలు ఐటమ్ సాంగ్స్కి కేరాఫ్ అడ్రస్గానే ఎవరికైనా గుర్తొస్తుంది. బిగ్ బాస్ సీజన్ 1 కంటెస్టెంట్గా అల్లాడించింది ముమైత్ ఖాన్.. అమ్మ తమిళనాడు.. నాన్న పాకిస్థాన్ .. దాంతో ముమైత్ మిక్స్డ్ బ్రీడ్ బేబీగా మూవీస్ లో స్పెషల్ సాంగ్స్ లో చేసి ఆడియన్స్ లో తనకంటూ స్పెషల్ ఫాలోయింగ్ ని క్రియేట్ చేసుకుంది. అలాంటి ముమైత్ చాలా ఏళ్లుగా బయట ఎక్కడా కనిపించడంలేదు. షోస్ లో మూవీస్ లో కూడా కనిపించడం లేదు. జీ తెలుగులో ‘డాన్స్ ప్లస్’ జడ్జీగా చేసాక ఆమె ఎవరికీ కనిపించలేదు. ఐతే ఇప్పుడు రీసెంట్ గా ముమైతే తన ఇన్స్టాగ్రామ్ పేజీలో ఒక పోస్ట్ ని పెట్టింది. త్వరలో ఒక అకాడమీని స్టార్ట్ చేయబోతోంది.
అదే "వెల్కి అకాడెమి" అంటే ఫ్యూచర్ బ్యూటిషియన్స్ ని తయారు చేసే అకాడెమి అన్నమాట. బ్యూటీ మాస్టర్ కోర్స్ లో ట్రైనింగ్ ఇప్పించేలా ముమైత్ తన అకాడెమిని సిద్ధం చేస్తోంది. మరి తన అకాడమీ స్టార్ట్ చేయబోతున్న సందర్భంగా అందరూ ఆమెకు విషెస్ చెప్పారు. ఇక ముమైత్ 13 ఏళ్ల నుంచే బ్యాగ్రౌండ్ డాన్సర్గా పని చేయడం స్టార్ట్ చేసింది. 17 ఏళ్ల వయసులో మున్నాభాయ్ సినిమాలో కూడా నటించింది. తర్వాత పోకిరి మూవీలో ‘ఇప్పటికింకా నా వయసు నిండా పదహారే’ సాంగ్ చేసింది. ఈ సాంగ్ ఎవర్ గ్రీన్ అని చెప్పొచ్చు.