పవన్ కళ్యాణ్(Pawan Kalyan)మాజీ వైఫ్ 'రేణు దేశాయ్'(Renudesai)మొన్న దీవాలి(Diwali)సందర్భంగా ఇచ్చిన ఒక ఇంటర్వ్యూ లో సన్యాసం తీసుకుంటానని చెప్పిన విషయం తెలిసిందే. దీంతో ఆ మాటలు వైరల్ గా నిలవడమే కాకుండా అభిమానులు,శ్రేయోభిలాషుల నుంచి సోషల్ మీడియా వేదికగా భిన్నమైన మాటలు వినపడుతున్నాయి.

రీసెంట్ గా ఈ విషయంపై రేణుదేశాయ్ ఇన్ స్టాగ్రామ్(Instagram)వేదికగా ఒక వీడియో రిలీజ్ చేసింది. అందులో ఆమె మాట్లాడుతు ఇలాంటి వీడియోని చేయాల్సి వస్తుందని నిజంగా అనుకోలేదు. మొన్న దీపావళికి ఒక ఇంటర్వ్యూకి వెళ్తే యాంకర్ నాతో మాట్లాడుతు 'మోడలింగ్ చేశారు, యాక్టింగ్ చేశారు, పిల్లలు పెద్దవుతున్నారు, ఎన్జీఓ రన్ చేస్తున్నారు.. నెక్స్ట్ ప్లాన్స్ ఏంటని క్యాజువల్ గా అడిగింది. దాంతో నేను వెంటనే ఆమెతో సన్యాసం తీసుకుంటానని సరదాగా చెప్పాను. ఆ విషయాన్నీ నేనేదో జోక్ గా చెప్తే, ఇప్పుడు ఆ వార్త చాలా పెద్దదయిపోయింది. నా మీద రక రకాల కధనాలు ప్రసారం అవుతున్నాయి. చాలామంది ఆ వార్తలు నాకు షేర్ చేశారు. మా ఫ్రెండ్స్ వాళ్ల తల్లులు కూడా 'రేణూ నీకు ఏమైంది.బాగానే ఉన్నావు కదా,ఈ వయసులో సన్యాసం ఎందుకు అని బాధ పడుతున్నారు. కొంత మంది అయితే తిడుతున్నారు కూడా.ఆద్యకి 15 సంవత్సరాలు.10వ తరగతి చదువుతోంది. ఇంత తొందరగా నేను సన్యాసం తీసుకోను.

ఖచ్చితంగా నా అల్టిమేట్ స్టేజ్ అయితే సన్యాసమే. కానీ ఇప్పుడే కాదు. ముసలిదాన్ని అయిన తర్వాత తీసుకుంటా. నాకు ఇప్పుడు 45 ఏళ్లు. 55 , 65 సంవత్సరాలు వచ్చినప్పుడు సన్యాసంలోకి వెళ్లిపోతాను అని సదరు వీడియోలో మాట్లాడింది. సినిమాల పరంగా చూసుకుంటే టైగర్ నాగేశ్వరరరావు తో రీఎంట్రీ ఇచ్చిన రేణుదేశాయ్ రీసెంట్ గా ఒక ప్రాజెక్ట్ కి సైన్ చేసింది. అత్తా కోడళ్ల మధ్య ఎంటర్ టైన్ మెంట్ కోణంలో జరిగే సబ్జెక్టు కాగా, అత్త క్యారక్టర్ లో రేణుదేశాయ్కనిపించబోతుండటం విశేషం.