English | Telugu
మహేష్, మణిరత్నం మూవీలో ప్రియాంక చోప్రా
Updated : Apr 6, 2011
మహేష్ హీరోగా, మణిరత్నం దర్శకత్వంలో రాబోయే మూవీలో ప్రియాంక చోప్రా హీరోయిన్ గా నటించనుందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే మహేష్ బాబు, విజయ్, ఆర్య హీరోలుగా, మణిరత్నం దర్శకత్వంలో రెండువందల కోట్ల రూపాయల భారీ వ్యయంతో, రెండు భాగాలుగా నిర్మించబడుతున్న చిత్రంలో ప్రముఖ బాలీవుడ్ హీరోయిన్ ప్రియాంక చోప్రా నటించనుందని కోలీవుడ్ వర్గాలంటున్నాయి. తమిళంలోవ్రాయబడిన ప్రఖ్యాత చారిత్రాత్మక నవల "పొన్నియన్ సెల్వన్" ఆధారంగా మణిరత్నం దర్శకత్వంలో రెండువందల కోట్లతో అత్యంత భారీ బడ్జెట్ చిత్రం రూపుదిద్దుకోనుంది.
ఈ చిత్రంలో ప్రిన్స్ మహేష్ బాబు సరసన హీరోయిన్ గా నటింపజేయటానికి సన్నాహాలు జరుగుతున్నాయట. ఈ చిత్రంలో నటించటానికి ప్రియాంక చోప్రా కూడా సుముఖుంగానే ఉందని తెలిసింది. అయితే ఆమె షూటింగుల్లో బిజీగా ఉండటం వల్ల మణిరత్నం ను కలవలేకపోతుందట. ఇ చిత్రంలో మరో ప్రముఖ హీరోయిన్ అనుష్క హీరో మహేష్ బాబుకి సోదరిగా, విజయ్ సరసన హీరోయిన్ గా నటించనుంది. ఈ చిత్రానికి ఆస్కార్ అవార్డ్ విజేత ఎ.ఆర్.రెహమాన్ సంగీతాన్ని అందిస్తున్నారు.